අධිකරණ තීන්දුවක් මත බන්ධනාගාරගත කර සිටින ගලගොඩඅත්තේ ඥානසාර හිමියන් ගිහි ඇඳුමින් සැරසී අධිකරණයට ඉදිරිපත් කිරීමේ සිද්ධිය සම්බන්ධයෙන් ප්‍රධාන නිකාය හතරේම මහානායක හිමිවරුන් සිය දැඩි කනස්සල්ල පළ කර තිබේ.

සිරිලිය සවිය අරමුදල් රුපියල් මිලියන 10ක මුදලක් සාපරාධී ලෙස සාවද්‍ය පරිහරණය කළ බවට එල්ල වූ චෝදනා මත අත්අඩංගුවට ගත් හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය ලබන ඔක්තෝබර් 13 වැනිදා දක්වා රක්ෂිත බන්ධනාගාරගත කිරීමට අද (7) උසාවිය තීරණය කළේය.

රිජ්වේ ආර්යා ළමා රෝහල වෙත සීටී ස්කෑනර් (CT Scan) යන්ත්‍රයක් ලබාදෙන බව පවසමින් රුපියල් මිලියන 10ක මුදලක් සාපරාධී ලෙස සාවද්‍ය පරිහරණය කළ බවට එල්ල වූ චෝදනා මත අත්අඩංගුවට ගත් හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය ලබන ඔක්තෝබර් 13 වැනිදා දක්වා රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අධිකරණය අද (07) නියෝග කළේය. ඇයගේ රෝග තත්වයන් සලකා බලන ලෙස ඉල්ලා ඇති ඇප අයදුම සලකා බලන්නට නියමිතව ඇත්තේද 13 වනදාය.අධිකරණ නියෝගයත් සමඟ ඇයව කොළඹ රිමාන්ඩ් බන්ධනාගාරයේ කාන්තා අංශයේ ආරක්ෂිත ස්ථානයක රඳවා තැබීමට බලධාරීන් පියවර ගෙන තිබේ.

මාතර - කතරගම ප්‍රධාන මාර්ගයට මුහුණලා පිහිටි මාතර බ්‍රවුන්ස් හිල් ප්‍රදේශයේ අක්කර එකහමාරක පොල් ඉඩමක ඊයේ (06) පස්වරුවේ විශේෂ බැනරයක් ප්‍රදර්ශනය විය. "ක්‍රියා විරහිත කර ඇති දේපළකි.

ශ්‍රී ලාංකේය මලල ක්‍රීඩා ඉතිහාසයේ නව පරිච්ඡේදයක් සටහන් කරමින්, ලෝක මලල ක්‍රීඩා සම්මාන ඉතිහාසය තුළ මෙතෙක් කිසිදු ලාංකිකයෙකුට ළඟා වීමට නොහැකි වූ සුවිශේෂී කඩඉමක් පසු කිරීමට 23 හැවිරිදි රුමේෂ් තරංග පතිරගේ සමත්ව සිටී. ඒ, ලෝක මලල ක්‍රීඩා ආයතනය විසින් පිරිනමනු ලබන 2026 වසරේ 'විශිෂ්ටතම මලල ක්‍රීඩකයා' සම්මානය සඳහා ඔහුව නිර්දේශ කරනු ලැබීමත් සමගිනි.

ඉන්දියාවේ තමිල්නාඩු ප්‍රාන්තයෙන් ක්‍රියාදාම චිත්‍රපටයක දර්ශනයක් සිහිගන්වන ත්‍රාසජනක සිදුවීමක් වාර්තා වෙයි. තහනම් දුම්කොළ නිෂ්පාදන තොගයක් ප්‍රවාහනය කරමින් සිටි සැකකරුවන් තිදෙනෙකු පළා යාමට උත්සාහ කිරීමේදී, පොලිස් නිලධාරියෙකු ඔවුන් අධිවේගී මාර්ගයක ගමන් ගත් මෝටර් රථයේ වහලයේ එල්ලී කිලෝමීටර් 40ක පමණ දුරක් ගමන් කර තිබේ.

ඉකුත් 29 වැනිදා කළුතරට නුදුරු පාසලක නවවැනි ශ්‍රේණියේ ඉගෙනුම ලබන සිසුවියක් පාසල නිම වී බස් රථයකින් නිවෙස බලා යමින් සිටියාය. එම ගමනේදී ඇය අසලින් අසුන් ගත් නාඳුනන පුද්ගලයෙකු ඇයට අනවශ්‍ය ලෙස තෙරපෙමින් හිරිහැර කිරීමට උත්සාහ කළ බව දැරිය දකුණු කළුතර පොලිසියට ප්‍රකාශ කර තිබේ.

දූෂණ චෝදනාවක් සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් හිටපු අමාත්‍ය රෝහිත බෝගොල්ලාගම අත්අඩංගුවට ගෙන තිබේ.

මාධ්‍ය සාකච්ඡාවකදී ජාතීන් අතර අසමගිය ඇතිවන ආකාරයේ ප්‍රකාශයක් කිරීමේ සිද්ධියට අදාළව ගලගොඩඅත්තේ ඥානසාර හිමියන්ට කොළඹ මහේස්ත්‍රාත් අධිකරණය නියම කළ මාස 09ක සිරදඬුවම කොළඹ මහාධිකරණය විසින් ස්ථීර කර තිබේ. ඥානසාර හිමියන් විසින් ගොනු කළ අභියාචනය මහාධිකරණය විසින් නිෂ්ප්‍රභ කර ඇති අතර, එම නියෝගයට එරෙහිව ශ්‍රේෂ්ඨාධිකරණය හමුවේ අභියාචන පෙත්සමක් ගොනු කර ඇති බව උන්වහන්සේ වෙනුවෙන් පෙනී සිටි ජනාධිපති නීතිඥ අනුර මැද්දේගොඩ මහතා සඳහන් කළේය.

බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කර සිරගත කිරීමත් සමඟ මාලිමා ආණ්ඩුවේ අවසානය ආරම්භ වූ බව පිවිතුරු හෙළ උරුමයේ නායක, හිටපු පාර්ලිමේන්තු මන්ත්‍රී උදය ප්‍රභාත් ගම්මන්පිල මහතා පවසයි. මෙම ක්‍රියාව හරහා ආණ්ඩුව බරපතළ වරදක් කර ගත් බවද ඔහු ප්‍රකාශ කළේය.

සබරගමුව විශ්වවිද්‍යාලයේ තාක්ෂණ පීඨයේ ඉගෙනුම ලැබූ තම පුතු දිනක ලක්ෂපාන විදුලි බලාගාරයේ නිල ඇඳුමින් සැරසී සේවයට යනු දැකීම එක් පියෙකුගේ ජීවිතයේ විශාලතම බලාපොරොත්තුව විය. එහෙත් එම සිහිනය අවසන් වූයේ වයස අවුරුදු 23ක් වූ චරිත් දිල්ෂාන් නමැති ඒ තරුණයා ගම්පොළ ඉහළගම ප්‍රදේශයේ පිහිටි සිය නිවසේ කුකුල් කූඩුවක් තුළ දිවි නසාගෙන ජීවිතයෙන් සමුගැනීමෙනි.

හිටපු අගවිනිසුරු ආචාර්ය ශිරාණි බණ්ඩාරනායක මහත්මියගේ ස්වාමිපුරුෂයා සහ ජාතික ඉතිරි කිරීමේ බැංකුවේ (NSB) හිටපු සභාපති ප්‍රදීප් කාරියවසම් මහතා අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබේ.

සිරදඬුවම් නියම වී සිටින පූජ්‍ය ගලගොඩඅත්තේ ඥානසාර හිමියන් අද (07) කොළඹ මහේස්ත්‍රාත් අධිකරණය වෙත රැගෙන එනු ලැබුවේ, බන්ධනාගාර දෙපාර්තමේන්තුව විසින් උන්වහන්සේගේ සිවුර ඉවත් කර ගිහි ඇඳුම් අන්දවා තිබියදීය. මේ අතර, මහාචාර්ය කොටපිටියේ රාහුල හිමියන් පෙරටු කොටගත් මහා සංඝරත්නයද අද අධිකරණ පරිශ්‍රයට පැමිණ සිටියහ.

අද (7) දින අල්ලස් කොමිසමෙන් අත්අඩංගුවට පත්වූ හිටපු ජනාධිපති මහින්ද රාජපක්ෂ මහතාගේ බිරිඳ ශිරන්ති රාජපක්ෂ මහත්මිය මින් ඉහත විදෙස්ගතව සිට එද්දී ගුවන්තොටුපළේදී අත්අඩංගුවට පත්වීමෙන් වළකාගැනීම සඳහා නීතීඥයින් මාර්ගයෙන් ඇප අයදුමක් ඉදිරිපත් කර තිබුණ අතර සිය අපේක්ෂිත ඇප අයදුමට සහාය වන කරුණු ලෙස 73 හැවිරිදි තමන්ගේ සෞඛ්‍ය තත්ත්වය පිළිබඳ වෛද්‍ය වාර්තා ගණනාවක් අධිකරණයට ඉදිරිපත් කර තිබේ.

9.40 am update මහින්ද රාජපක්ෂ මහතාගේ බිරිඳ ශිරන්ති රාජපක්ෂ මහත්මිය කිරුළපන පූර්වාරාම පාරේ පිහිටි නිවසේදී අත්අඩංගුවට පත්වූ බව වාර්තාවේ. මෙම අත්අඩංගුවට ගැනීම ශ්‍රී ලංකා පොදු ජන පෙරමුණේ ලේකම් සාගර කාරියවසම් මහතාද තහවුරු කර ඇත. උදෑසනින්ම නිවස වෙත ආ නිලධාරීන් පැය 2 කට ආසන්න කාලයක් ප්‍රකාශ සටහන් කරගෙන ඇති අතර අනතුරුව අත්අඩංගුවට පත්වූ ශිරන්ති රාජපක්ෂ අල්ලස් කොමිසම වෙත ගෙන යාමට නිලධාරීන් කටයුතු කර තිබෙයි.

රටේ ඉන්ධන හිඟයක් නොමැති බවත්, පසුගිය දිනවල දිවයින පුරා ඉන්ධනහල් අසල දක්නට ලැබුණු දිගු පෝලිම්වලට හේතු වී ඇත්තේ පෞද්ගලික ඛනිජ තෙල් සමාගම් තම දෛනික ඉන්ධන නිකුත් කිරීම් අඩු කිරීම සහ සමාජ මාධ්‍යවල පළ වූ ව්‍යාජ වාර්තා නිසා ඇති වූ කලබලකාරී මිලදී ගැනීම් බවත් ලංකා ඛනිජ තෙල් නීතිගත සංස්ථාවේ සභාපති ඩී. ජේ.ඒ. එස්. ද එස්. රාජකරුණා මහතා පවසයි.

හිටපු ජනාධිපති මහින්ද රාජපක්ෂ මහතාගේ බිරිඳ ශිරන්ති රාජපක්ෂ මහත්මිය ගොනු කළ අපේක්ෂිත ඇප අයැදුම්පත සම්බන්ධයෙන් කරුණු දැක්වීමට ලබන 12 වැනිදා අධිකරණයේ පෙනී සිටින ලෙස මූල්‍ය අපරාධ විමර්ශන කොට්ඨාසයේ (FCID) අධ්‍යක්ෂවරයාට නොතිසි නිකුත් කෙරිණි. මාලිගාකන්ද මහෙස්ත්‍රාත් ජනිතා රෝෂනී පෙරේරා මහත්මිය ඊයේ (06) මෙම නොතිසිය නිකුත් කළාය.

යාපනය නල්ලූර් කෝවිල් වීදියේ නිවසක ඊයේ (05) රාත්‍රියේ සිදුවූ ඝාතනයකින් පසු, ඊට සම්බන්ධ බවට සැකකෙරෙන තරුණයකු ද දුම්රියක ගැටී මියයාමේ ඛේදනීය පුවතක් යාපනය ප්‍රදේශයෙන් වාර්තා වේ. මෙම අවාසනාවන්ත සිදුවීම් මාලාවත් සමග, මීට වසර තුනකට පෙර සියදිවි හානිකරගත් පියෙකුගේ සෙනෙහස අහිමි වූ දස හැවිරිදි දැරියකට, සිය මව ද සදහටම අහිමි වී තිබේ.

අධිකරණ තුනකින් වරෙන්තු ලබා සිටි බොදුබල සේනා සංවිධානයේ ලේකම් ගලගොඩඅත්තේ ඥානසාර හිමිට සැඟව සිටීමට ආධාර කළ බැංකු නිලධාරියෙකු රක්ෂිත බන්ධනාගාරගත කර ඇති අතර, සිරදඬුවම් විඳිමින් සිටින ඥානසාර හිමියන් අද (07) වෙනත් නඩුවකට අදාළව යළි කොළඹ මහේස්ත්‍‍රාත් අධිකරණයට ඉදිරිපත් කිරීමට නියමිතව තිබේ.

කැමරා කාච සහ මාධ්‍ය අවධානයෙන් සැඟවී, නිහඬව ගොඩනඟා ගත් ආදරයක ප්‍රතිඵලයක් ලෙස පුංචි තිරයේ ජනප්‍රිය තරු යුවළක් වන දුශේනි මියුරංගි සහ චතුරංග කොඩිතුවක්කු ඊයේ (05) බොල්ගොඩදී පැවති සරල උත්සවයකින් විවාහ දිවියට පිවිසුණා. ඔවුන්ගේ මෙම හදිසි විවාහය බොහෝ දෙනෙකු පුදුමයට පත් කළේ, විවාහක යුවළක් ලෙස එළියට පැමිණෙන තුරුම සිය ආදර කතාව බාහිර ලෝකයෙන් සඟවාගෙන සිටීමට ඔවුන් කටයුතු කර තිබූ නිසාවෙනි.

එක්සත් රාජධානියේ තුන්වන චාර්ල්ස් රජු විසින් ඔහුගේ බාල සොයුරු ඇන්ඩෲ මවුන්ට්බැටන්-වින්ඩ්සර් හට පොලිසියට සහ අධිකරණයට එරෙහිව නීතිමය සටනක් ගෙන යාම සඳහා සිය මුදල් භාවිතා කිරීම තහනම් කර තිබේ. පසුගිය පෙබරවාරි මාසයේදී ඔහුව අත්අඩංගුවට ගෙන ඔහුගේ නිවාස වැටලූ පොලිස් නිලධාරීන්ට එරෙහිව හිටපු ආදිපාදවරයා විසින් මෙලෙස නීතිමය ක්‍රියාමාර්ග ගෙන ඇත.

ශ්‍රී ලංකාවේ විවාහක විශ්ව රූ රැජින ලෙස තෂ්මිලා පීරිස් ඔක්තෝබර් 5 වැනි සඳුදා රාත්‍රියේ අභිෂේක ලැබුවාය. ඒ කොළඹ හිල්ටන් හෝටලයේ බ්ලූ එලිෆන්ට් ශාලාවේ පැවති Mrs.Universe Sri Lanka 2026 මහා අවසන් තරගයේදීය.

බ්‍රිතාන්‍යයේ ජනප්‍රිය නවකතා රචකයෙකු මෙන්ම කොන්සවේටිව් පක්ෂයේ හිටපු සාමාජිකයෙකු වූ ජෙෆ්රි ආචර් සිය 86 වන වියේදී අභාවප්‍රාප්ත වී ඇත. ඔහුගේ ප්‍රකාශකයන් වන හාපර් කොලින්ස් ආයතනය සඳහන් කළ පරිදි, ඔහු නිවසේදී හදිසියේ සහ සාමකාමීව මිය ගොස් ඇත්තේ ඔහුගේ අවසන් නවකතාව ලෙස සැලකෙන 'ඇඩම් ඇන්ඩ් ඊව්' (Adam And Eve) එළිදැක්වීමට දිනකට පෙරය.

ඇමරිකානු රූපවාහිනී අපරාධ කතාමාලාවක් වන 'ඩෙක්ස්ටර්' (Dexter) හි දැඩි රසිකයෙකු වූ වෝර්සෙස්ටර් විශ්වවිද්‍යාලයේ අධිකරණ වෛද්‍ය විද්‍යාව හදාරන 20 හැවිරිදි බෙන්ජමින් ඩේ නමැති සිසුවෙකු විසින් ලිංගික ශ්‍රමිකයෙකු වූ මාරියා සසියානු නමැත්තියක ඝාතනය කිරීමේ සිද්ධියක් සම්බන්ධයෙන් බ්‍රිතාන්‍යයේ වුල්වර්හැම්ප්ටන් අධිකරණයේදී කරුණු අනාවරණය වී තිබේ. ඔහු විසින් ටිවිඩේල් හි පිහිටි එයාර්බීඑන්බී (Airbnb) නිවාසයක රූපවාහිනී කතාමාලාවේ එන ආකාරයේ 'ඝාතක කුටියක්' (kill room) සකස් කර මෙම අපරාධය සිදු කර ඇති බව පැමිණිල්ල විසින් අධිකරණයට දන්වා ඇත.

වර්තමානයේ සමාජ මාධ්‍ය ඔස්සේ සෞඛ්‍ය බලපෑම් පිළිබඳව අදහස් දක්වන්නන් නවීන LED විදුලි බුබුළු භාවිතයෙන් ඉවත් වී ඒ වෙනුවට පැරණි තාපදීප්ත (incandescent) විදුලි බුබුළු භාවිතයට යොමු වීමේ ප්‍රවණතාවයක් දක්නට ලැබේ. හිසරදය, කාන්සාව, ඇස්වල ආතතිය සහ නින්දට බාධා වීම වැනි ගැටලු රැසකට මෙම LED බුබුළු හේතු වන බවට ඔවුහු චෝදනා කරති.

වසර තුනකට වැඩි සිරදඬුවමක් නියම වූ ඕනෑම පුද්ගලයෙකු, ඔහු සමාජයේ කුමන තත්ත්වයක සිටියද, අධිකරණයට ඉදිරිපත් කිරීමේදී බන්ධනාගාරය මගින් නිකුත් කරන සිර ඇඳුමින් සැරසී සිටිය යුතු බව බන්ධනාගාර නීති රෙගුලාසිවල දැක්වෙන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් සෙනක පල්ලෙතැන්න මහතා පවසයි.

සිර දඬුවම් නියම වී සිටින බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන් චීවරයෙන් තොරව, සුදු පැහැති අත් දිග කමිසයකින් සහ සුදු සරමකින් සැරසී අද (06) කොළඹ මහාධිකරණය හමුවට රැගෙන ඒම දවසේ වැඩිපුරම කතාබහට ලක් වූ පුවත බවට පත් විය.

අයිස් මත්ද්‍රව්‍ය සමඟ අත්අඩංගුවට පත් කොළඹ මහනගර සභාවේ හිටපු නාගරික මන්ත්‍රී මහින්ද කහඳගම, කිසිදු දිනක තම පක්ෂයේ සාමාජිකයෙකු වී නොසිටි බව ශ්‍රී ලංකා පොදුජන පෙරමුණ පවසයි. ඔහු ඉදිරිපත් වූ බව කියන නව සමසමාජ පක්ෂයේ නායක වාසුදේව නානායක්කාර මහතා ද, කහඳගමට තම පක්ෂය සමඟ කිසිදු වත්මන් සබඳතාවක් නොමැති බව අවධාරණය කරයි.

ශ්‍රී ලංකා පොදුජන පෙරමුණ නියෝජනය කළ කොළඹ මහනගර සභාවේ හිටපු නාගරික මන්ත්‍රී මහින්ද කහඳගම මහතා අද (06) පෙරවරුවේ අයිස් මත්ද්‍රව්‍ය සමඟ මධ්‍යම අපරාධ විමර්ශන කාර්යාංශය (CID) විසින් අත්අඩංගුවට ගනු ලැබීය. ඔහු අයිස් මත්ද්‍රව්‍ය ජාවාරමේ නිරත වන බවට ලැබුණු තොරතුරක් මත සිදු කළ විමර්ශනයකින් අනතුරුව උපාය දූතයෙකුට රැවටී අයිස් විකිණීමේ ඕඩරයක් ඩිලිවරි කිරීමට නුගේගොඩ අවන්හලක අයිස් සමග රැඳී සිටියදී මෙම අත්අඩංගුවට ගැනීම සිදු විය.

පාස්කු ඉරුදින ත්‍රස්ත ප්‍රහාරය සම්බන්ධයෙන් අපරාධ පරීක්ෂණ දෙපාර්තමේන්තුව විසින් සැකකරුවෙකු ලෙස නම් කර සිටින රාජ්‍ය බුද්ධි සේවයේ හිටපු ප්‍රධානී සුරේෂ් සලේ මහතා රෝහලෙන් මුදා හැරිය හැකි බවට වෛද්‍ය මණ්ඩලය විසින් නිර්දේශ කර ඇති බව නීතිපතිවරයා අද (06) අධිකරණයට දැනුම් දුන්නේය. ඒ අනුව, කොළඹ ජාතික රෝහලේ ප්‍රතිකාර ලබමින් සිටි සැකකාර හිටපු බුද්ධි ප්‍රධානියාව අද පස්වරුවේදී යළිත් අපරාධ පරීක්ෂණ දෙපාර්තමේන්තුව භාරයට ගැනීමට නියමිතව තිබේ.

ක්‍රිෂ් ගනුදෙනුව සම්බන්ධයෙන් සිදු කෙරෙන විමර්ශනයට අදාළව රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ සහ එම සමාගමේ හිටපු අධ්‍යක්ෂිකා ජානකී සිරිවර්ධන ලබන 16 වනදා දක්වා තවදුරටත් රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම අද (06) නියෝග කළේය.

සමාජ මාධ්‍යයේ පළ කර මිනිත්තු කිහිපයකින් මකා දැමූ එක් කෝප සහගත සටහනක්, ජීවිතයක් මරණයේ එළිපත්තටම රැගෙන යනු ඇතැයි ඔහු කිසිදා නොසිතන්නට ඇත. නමුත් අද වන විට, අම්පාර කල්මුණේ නට්පිඩ්ඩිමුනෙයි, වයල් පාරේ පදිංචි සිවරාසා අනෝජන් නැමැති තරුණයා සෞදි අරාබියේ මරණ දඬුවමට නියම වූ සිරකරුවෙකි.

ගලගොඩඅත්තේ ඥානසාර හිමියන් විනය පිටකයට අනුව පාරාජිකා වූ භික්ෂුවක් ලෙස හෝ සිවුර ගැලවීමට තරම් බරපතළ හේතුවක් තමන්ගේ සංඝ සභාව වෙත වාර්තා වී නොමැති බව කෝට්ටේ ශ්‍රී කල්‍යාණි සාමග්‍රීධර්ම මහා සංඝ සභාවේ අනුනායක, ප්‍රධාන ලේඛකාධිකාරී, සාහිත්‍ය චක්‍රවර්ති අග්ගමහාපණ්ඩිත විශ්‍රාමික ජ්‍යෙෂ්ඨ මහාචාර්ය ආචාර්ය කොටපිටියේ රාහුල අනුනායක මාහිමියන් පවසයි.

දරුවන් බලාගැනීමේ රැකියාවක් ලබා දෙන බවට පොරොන්දු වී ශ්‍රී ලංකාවට ගෙන්වාගත් උස්බෙකිස්තාන ජාතික තරුණියක බලහත්කාරයෙන් ගණිකා වෘත්තියේ යෙදවීමේ චෝදනාවට වරදකරු වූ ත්‍රීරෝද රථ රියැදුරෙකුට කොළඹ මහාධිකරණ විනිසුරු ලංකා ජයරත්න මෙනෙවිය බරපතළ වැඩ සහිත වසර 10ක සිරදඬුවමක් නියම කළාය. ඊට අමතරව විත්තිකරුට රුපියල් 100,000ක දඩයක් ද නියම කෙරිණි.

අධිකරණයට අපහාස කිරීමේ චෝදනාවට අදාළ සිර දඬුවමේ ඉතිරි කාලය ක්‍රියාත්මක කිරීම සඳහා ඊයේ (05) යළි බන්ධනාගාරගත කළ බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥානසාර හිමියන් අද (06) බන්ධනාගාර නිලධාරීන් විසින් කොළඹ මහාධිකරණය හමුවට රැගෙන එන ලදී.

ඉන්දියාවේ බෙංගලූරු නගරයේ කෘෂ්ණරාජපුර ප්‍රදේශයේ පසුගිය ජුනි මාසයේ සිදු වූ ත්‍රිත්ව ඝාතනයේ සැකකරු එම ඝාතන සැලසුම් කිරීම සඳහා කෘත්‍රිම බුද්ධිය (AI) භාවිත කර ඇති බව පොලිස් විමර්ශනවලින් අනාවරණය වී තිබේ.

හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මියට ලබන ඔක්තෝබර් මස 13 වැනිදා පොලිස් මූල්‍ය අපරාධ විමර්ශන කොට්ඨාසය (FCID) හමුවේ පෙනී සිටින ලෙස පොලීසිය දැනුම් දී තිබේ.

අයිස් හෙවත් ක්‍රිස්ටල් මෙතම්ෆෙටමින් මත්ද්‍රව්‍ය ළඟ තබා ගැනීමේ චෝදනාව මත කොළඹ මහ නගර සභාවේ හිටපු නාගරික මන්ත්‍රී මහින්ද කහඳගම ඇතුළු පුද්ගලයන් දෙදෙනෙකු කොළඹ මධ්‍යම අපරාධ විමර්ශන කාර්යංශය විසින් අත්අඩංගුවට ගෙන තිබේ.

මහනුවර වෙලම්බොඩ පොලිස් බල ප්‍රදේශයට අයත් මානික්කාව ප්‍රදේශයේ නිවසකින් අතිශය ඛේදනීය සිදුවීමක් වාර්තා වී තිබේ. ඒ හැත්තෑ හැවිරිදි පියෙකු වස පානය කර මියගොස් සිටීම සහ ඔහුගේ හතළිස් හත් හැවිරිදි ආබාධ සහිත දියණියගේ මළ සිරුරද එම නිවසේම කාමරයක තිබී සොයාගැනීමයි.

ආන්දෝලනාත්මක පුවත් මවමින් සිංගප්පූරුවට ගොස් සිටි හිටපු ජනාධිපති මහින්ද රාජපක්ෂගේ බිරිය ශිරන්ති රාජපක්ෂ මහත්මිය 05 වැනිදා මධ්‍යම රාත්‍රියේ යළි දිවයිනට පැමිණියාය. ගුවන් තොටුපළේදි අත්අඩංගුවට පත්වීමක් සිදු නොවූ අතර ඒ අනුව FCID හමුවේ පෙනී සිටීම ඇතුළු කටයුතුවලට ඇය ඉදිරි දිනවල මුහුණ දෙනු ඇත.

රුසියාවේ ප්ලේගය (plague) ඇතුළු බෝවන රෝග පිළිබඳ පර්යේෂණ සිදුකරන ආයතනයක සේවය කළ කාන්තාවක් හෙළි නොකළ රෝගී තත්ත්වයකින් මියයාමෙන් පසු පුද්ගලයන් සිය ගණනක් නිරෝධායනයට ලක්කර තිබෙන බව වාර්තා වී තිබේ. මියගොස් ඇත්තේ ශෙලෙකොව් නගරයේ පිහිටි සයිබීරියානු ඉර්කුට්ස්ක් ප්ලේග විරෝධී පර්යේෂණ ආයතනයේ සේවය කළ 28 හැවිරිදි රසායනාගාර තාක්ෂණික නිලධාරිනියකි.

ඩුබායි සිට ටෙල් අවිව් බලා පියාසර කළ ෆ්ලයිඩුබායි (flydubai) ගුවන් යානයක් පැහැරගැනීමට තැත් කළ බවට චෝදනා ලැබ සිටින සහකාර නියමුවා, එම යානය ටෙල් අවිව්හි බෙන් ගුරියන් ගුවන්තොටුපළට හෝ එම ඊශ්‍රායල නගරයේ බහුමහල් ගොඩනැගිල්ලකට ගැට්ටවීමට සැලසුම් කර තිබූ බව ඇමෙරිකානු සහ ඊශ්‍රායල වාර්තා පෙන්වා දෙයි. ඕමාන් ජාතිකයකු වන ඔහු "තනි වෘකයකු" ලෙස ක්‍රියා කළ අන්තවාදියකු බවද එම වාර්තාවල සඳහන් වේ.

දිවයිනේ ඇතැම් ප්‍රදේශවල ඉන්ධන පිරවුම්හල් අසල අද (05) දිනයේ දක්නට ලැබුණු පෝලිම් තත්ත්වය සම්බන්ධයෙන් කලබල වී අනවශ්‍ය ලෙස ඉන්ධන රැස්කර තබාගැනීමෙන් වළකින ලෙස ලංකා ඛනිජ තෙල් පෞද්ගලික ටැංකි රථ හිමියන්ගේ සංගමය මහජනතාවගෙන් ඉල්ලීමක් කරයි. රට තුළ කිසිදු ඉන්ධන හිඟයක් හෝ සැපයුම් බිඳවැටීමක් නොමැති බව අවධාරණය කරන එම සංගමයේ සභාපති ඒ.එම්.එච්.

අධිකරණයට අපහාස කිරීමේ චෝදනාවට වරදකරු වී සිරදඬුවම් නියම වී සිටින පූජ්‍ය ගලගොඩඅත්තේ ඥානසාර හිමියන්ව එම දඬුවමේ ඉතිරි කාලය ගෙවීම සඳහා බන්ධනාගාර කොමසාරිස් ජනරාල්වරයාට භාර දෙන ලෙස අභියාචනාධිකරණය අද (05) පොලීසියට නියෝග කළේය. මායාදුන්නේ කොරයා සහ ලක්මාලී කරුණානායක යන අභියාචනාධිකරණ විනිසුරු මඩුල්ල හමුවේ මෙම නඩුකරය අද දින සලකා බලනු ලැබීය.

ශ්‍රී ලංකා මුහුදු සීමාව ආසන්නයේ අතරමංව ඇති ඉරාන නෞකා සම්බන්ධයෙන් ඇමෙරිකානු පාර්ශ්වයේ සැලකිල්ලක් යොමු වී ඇත්දැයි කළ විමසීමකට ප්‍රතිචාර දක්වමින්, කොළඹ පිහිටි ඇමෙරිකානු තනාපති කාර්යාලය ප්‍රකාශ කර ඇත්තේ රාජ්‍ය තාන්ත්‍රික මට්ටමේ පෞද්ගලික සංවාදවල අන්තර්ගතය පිළිබඳව අදහස් දැක්විය නොහැකි බවයි. කෙසේ වෙතත්, නීති විරෝධී ඉරාන ආදායම් මාර්ග වැළැක්වීම සඳහා සිය මිත්‍ර පාර්ශ්වයන් සහ හවුල්කරුවන් සමඟ එක්ව කටයුතු කරන බවත්, ඉරාන පාලන තන්ත්‍රය සමඟ ගනුදෙනු කිරීමේදී පවතින අවදානම පිළිබඳව ගෝලීය වශයෙන් දැනුවත් කිරීමට පියවර ගනිමින් සිටින බවත් එම තනාපති කාර්යාලය සඳහන් කර ඇත.

ශ්‍රී ලංකා ක්‍රිකට් පරිපාලනය යාවත්කාලීන කිරීමේ අරමුණින් ගෙන ආ යෝජිත නව ක්‍රිකට් පනත් කෙටුම්පත හරහා, දශක පහකට ආසන්න කාලයක් ජාතික ක්‍රිකට් තේරීම් කමිටුව පත්කිරීම සඳහා ක්‍රීඩා අමාත්‍යවරයා සතුව තිබූ බලය සම්පූර්ණයෙන්ම අහෝසි වීමට නියමිතය. පසුගිය සතියේ ගැසට් මගින් ප්‍රකාශයට පත් කරන ලද මෙම පනත පාර්ලිමේන්තුවේදී සම්මත වී නීතියක් බවට පත්වූ පසු, පිරිමි සහ කාන්තා ජාතික කණ්ඩායම් වෙනුවෙන් තේරීම් කමිටු පත්කිරීමේ පූර්ණ අයිතිය ශ්‍රී ලංකා ක්‍රිකට් ආයතනය වෙත පැවරෙනු ඇත.

එංගලන්තයේ පොදු ප්‍රවාහන සේවාවන් තුළදී කාන්තාවකට සහ දැරියන් දෙදෙනෙකුට අවස්ථා කිහිපයකදී ලිංගික අතවර කිරීමේ චෝදනාවන්ට වරද පිළිගත් තිස්නව හැවිරිදි ශ්‍රී ලාංකිකයෙකුට මැන්චෙස්ටර් ක්‍රවුන් අධිකරණය විසින් මාස දහහතරක (අවුරුද්දක් සහ මාස දෙකක) සිරදඬුවමක් නියම කර තිබේ. මෙලෙස සිරදඬුවම් නියම වී ඇත්තේ මීට වසර 4 කට පෙර (2022) ධීවරයෙකු ලෙස රැකියාව කිරීම සඳහා බ්‍රිතාන්‍යයේ ස්කොට්ලන්තයට පැමිණ පසුව ඇල්ට්‍රින්හැම් ප්‍රදේශයේ ජීවත් වූ නිසාන් ප්‍රනාන්දු කුරුකුලසූරිය නමැති පුද්ගලයෙකුටය.