නොවැම්බර් 14 වැනිදා යනු හිටපු අමාත්‍ය කංචන විජේසේකරගේ ජීවිතයේ හැඟීම්බර මෙන්ම තීරණාත්මක මතකයන් ගණනාවක් අවදි කරන දිනයකි. එය එක් පසෙකින් ඔහු සිය ආදරණීය පියාගේ 84 වැනි ජන්ම දිනය සමරන දිනයයි.

මාස පහකට ආසන්න කාලයක් පුරා අතුරුදන්ව සිටි 15 හැවිරිදි දැරියක මවක බවට පත්ව නකල්ස් කඳුවැටියේ ඝන වනාන්තරයක් මැද පිහිටි ඉටි රෙදිවලින් ආවරණය කළ ගල් ගුහාවක් තුළ දිවි ගෙවමින් සිටියදී සොයා ගැනීමට උඩුදුම්බර පොලිසිය සමත් වී තිබේ. පොලිස් නිලධාරීන් ජනාවාසවලින් බොහෝ දුරින් පිහිටි එම දුෂ්කර කැලෑබද ප්‍රදේශයට ළඟා වන විට, ඇය අසල මාස දෙකක් පමණ වයසැති කුඩා බිළිඳියක ද සිට ඇත.

විනෝද චාරිකාවක් සහ විවාහ මංගල්‍යයක් වෙනුවෙන් ගමන් කරමින් තිබූ පෞද්ගලික බස් රථ දෙකක් අද (14) පෙරවරුවේ මුහුණට මුහුණ ගැටීමෙන් මගීන් 27 දෙනෙකු තුවාල ලබා රෝහල්ගත කර තිබෙයි.

මියගිය කාවන්තිස්ස දළ ඇතාට වෙඩි තැබීමේ සිද්ධියට අදාළ නඩුවේ ඉදිරි විමර්ශන කටයුතු සහ නඩුව මෙහෙයවීම අපරාධ පරීක්ෂණ දෙපාර්තමේන්තුවට (CID) පවරන ලෙස මහව මහේස්ත්‍රාත් අනුරුද්ධිකා සෙනෙවිරත්න මෙනවිය නියෝග කර තිබේ. ඒ අනුව, මෙතෙක් නඩුව මෙහෙයවූ ගල්ගමුව වනජීවී කාර්යාලයේ අඩවි ආරක්ෂක නීතිඥ චතුර ගුණරත්න මහතා වෙත මෙම නියෝගය නිකුත් කෙරිණි.

පාර්ලිමේන්තුවේදී ඉදිරිපත් කෙරුණු අයවැය කතාවෙන් අනතුරුව රජය විසින් සංවිධානය කර තිබූ සම්ප්‍රදායික තේ පැන් සංග්‍රහය, විපක්ෂයේ පාර්ලිමේන්තු මන්ත්‍රීවරුන් පිරිසකගේ කැපී පෙනෙන නොපැමිණීමක් මධ්‍යයේ පැවැත්විණි.

අනුරාධපුර රුවන්වැලි මහා සෑ පරිශ්‍රය ආසන්නයේ දන්සල් භූමියක පැවැති සත්‍යග්‍රහයක් අතරතුර හටගත් ප්‍රචණ්ඩකාරී ගැටුමකින් පසු, අත්අඩංගුවට ගත් බලන්ගොඩ කස්සප හිමියන් ඇතුළු හත් දෙනෙකු ලබන 26 වැනිදා දක්වා රක්ෂිත බන්ධනාගාරගත කිරීමට අනුරාධපුර ප්‍රධාන මහේස්ත්‍රාත් සියපත් සසඳු වික්‍රමරත්න මහතා නියෝග කළේය.

කොණ්ඩය කපාගෙන පැමිණියද එහි 'බම්ප්' එක වැඩි යැයි පවසමින් 15 හැවිරිදි පාසල් සිසුවකු පන්ති කාමරය ඉදිරිපිට දණගස්වා කනට පහර දුන් බව කියන නාත්තන්ඩිය ප්‍රදේශයේ ප්‍රසිද්ධ විදුහලක නියෝජ්‍ය විදුහල්පතිවරයෙකු මාරවිල පොලිසියේ ළමා හා කාන්තා කාර්යාංශය විසින් අත්අඩංගුවට ගනු ලැබ තිබේ.

ලාෆ්ස් ගෑස් සමාගම සිය ගෘහස්ථ ගෑස් සිලින්ඩරවල මිල ගණන් කැපී පෙනෙන අගයකින් ඉහළ දැමීමට පියවර ගෙන තිබේ. මෙම මිල සංශෝධනය 13 වැනිදා මධ්‍යම රාත්‍රියේ සිට ක්‍රියාත්මක වේ.

නූතන ලෝකයේ කාර්යාලයීය කටයුතු, රාජ්‍ය පාලනය සහ අත්‍යවශ්‍ය මහජන සේවාවන් එකම ඩිජිටල් ජාලයක් මත කොතරම් දුරට රඳා පවතින්නේද යන්න ලොවටම පසක් කර දෙමින්, පසුගිය වසරක කාලය තුළ වාර්තා වූ විශාලතම සහ දීර්ඝතම මයික්‍රොසොෆ්ට් 365 (Microsoft 365) සේවා බිඳවැටීම නොවැම්බර් 12 වැනිදා සිට 14 වැනිදා දක්වා ක්‍රියාත්මක විය. පැය 20ත් 24ත් අතර කාලයක් හෝ ඊට වැඩි කාලයක් ඉහළ තීව්‍රතාවයකින් පැවති මෙම බිඳවැටීම, පසුගිය මාස 12 තුළ සිදු වූ අනෙකුත් ප්‍රධාන සේවා බිඳවැටීම් මෙන් දෙගුණයක කාලයක් පැවති බව වාර්තා පෙන්වා දෙයි.

ඊයේ රට තුළ ප්‍රවත් මැවූ අනුරාධපුර පූජා භූමියේ සත්‍යග්‍රහ කණ්ඩායම පළවාහැරීමේ මෙහෙයුමට පෙර පූර්වගාමී කතාබහක් ඇති කළේ රාජාංගණයේ සද්ධාරතන හිමියන් එහි ගොස් ඇති කරගත් සංවාදයයි. එම සංවාදය සමග ගැටුමක් ඇතිවූ පසු පිරිසක් පැමිණ සත්‍යග්‍රහ කණ්ඩායමට එරෙහිව කෑකෝ ගසන්නටත් බුදු පිළිමය හා කළමනා ඉවත් කිරීමටත් කටයුතු කළ අතර යන එනමං නැතිව අසරණව බිම වාඩිවූ සත්‍යග්‍රහ උපවාස හිමිවරුන් සිව්නම පොලිසියේ කර මතින් ජීප් රථයට පටවා අත්අඩංගුවට පත්විය.