මිහින්තලේ මිහිඳු මහා සෑයේ චූඩා මාණික්‍යය නිරාවරණය කිරීමේ පුණ්‍ය මහෝත්සවය සඳහා ප්‍රධාන ආරාධිතයා ලෙස ශ්‍රී ලංකාවට පැමිණි තායිලන්ත නියෝජ්‍ය අග්‍රාමාත්‍ය සුතුම්පුන් මහත්මියගේ සංචාරය, පාර්ලිමේන්තුව තුළ උණුසුම් කතාබහකට මුලපිරීය. ඒ, ඇයගේ පැමිණීමේදී නිසි රාජ්‍ය තාන්ත්‍රික ගෞරවයක් නොදැක්වූ බවට සමගි ජන බලවේගයේ මන්ත්‍රී සිරිවර්ධන මහතා විසින් මතු කරන ලද ප්‍රශ්නයක් හේතුවෙනි.

පසුගියදා දිවයින පුරා සිදුවූ හදිසි විදුලි බිඳ වැටීම බාල ගල්අඟුරු පාවිච්චිය නිසා සිදුවූ බවට විපක්ෂය කරන චෝදනාවට පිළිතුරු සපයමින් බලශක්ති වරාය හා සිවිල් ගුවන්සේවා ඇමති අනුර කරුණාතිලක මහතා අද දින පාර්ලිමේන්තුවේ අදහස් දැක්වීය. පසුගිය ඔක්තෝබර් 17 වැනි සෙනසුරාදා උදෑසන 11:44 ට පමණ මුළු දිවයිනම අඳුරේ ගිල්වමින් ජාතික විදුලිබල පද්ධතිය සම්පූර්ණයෙන්ම බිඳ වැටුණි.

2023 අංක 9 දරන දූෂණ විරෝධී පනතේ ක්‍රියාකාරී හිඩැස් වසාලීමේ අරමුණින් ඉදිරිපත් වූ දූෂණ විරෝධී (සංශෝධන) පනත් කෙටුම්පත (පනත් අංක 78) අද (2026 ඔක්තෝබර් 08) පාර්ලිමේන්තුවේදී තෙවන වර කියවා ඡන්ද විමසීමකින් තොරව සම්මත විය. නියෝජ්‍ය කථානායක වෛද්‍ය රිස්වි සාලිගේ ප්‍රධානත්වයෙන් පැවති දෙවන වර කියවීමේ විවාදයෙන් අනතුරුව, අග්‍රාමාත්‍ය ආචාර්ය හරිනි අමරසූරිය විසින් කමිටු අවස්ථාවේදී මීට අදාළ සංශෝධන යෝජනා කරන ලදී.

එළඹෙන 2027 වර්ෂය සඳහා වන අයවැය හෙවත් විසර්ජන පනත් කෙටුම්පතෙහි දෙවැනි වර කියවීම සහ ජනාධිපතිවරයාගේ අයවැය කතාව ලබන නොවැම්බර් මස 12 වැනි දින සිදු කිරීමට පාර්ලිමේන්තු කටයුතු පිළිබඳ කාරක සභාව තීරණය කර තිබේ. පාර්ලිමේන්තුවේ මහ ලේකම් නීතිඥ කුෂානි රෝහණදීර මහත්මිය විසින් මෙම තීරණය පිළිබඳව නිල වශයෙන් නිවේදනය කර ඇත.

ආණ්ඩුක්‍රම ව්‍යවස්ථාවේ 22 වැනි සංශෝධන පනත් කෙටුම්පත සහ අධිකරණ සංවිධාන (සංශෝධන) පනත් කෙටුම්පත සඳහා කථානායක වෛද්‍ය ජගත් වික්‍රමරත්න මහතා අද (25) සිය සහතිකය සටහන් කළේය. ඊයේ (24) සහ අද දෙදින පුරා පැවැති දීර්ඝ විවාදයකින් අනතුරුව පැවැති ඡන්ද විමසීමේදී, 22 වැනි ව්‍යවස්ථා සංශෝධන පනත් කෙටුම්පතේ තුන්වැනි වර කියවීම සංශෝධන සහිතව විශේෂ බහුතරයකින් සම්මත විය.

ළමා ශ්‍රමය යොදවා ගැනීමට එරෙහිව පවතින දඩ මුදල රුපියල් දසදහසේ සිට රුපියල් ලක්ෂය දක්වා ඉහළ නැංවීම ඇතුළත් ස්ත්‍රීන්, තරුණ අය සහ ළමයින් සේවයෙහි යෙදවීමේ (සංශෝධන) පනත් කෙටුම්පත පාර්ලිමේන්තුවේදී සම්මත විය. විවාදය ආරම්භ කරමින් අදහස් දැක්වූ ළමා හා කාන්තා කටයුතු ඇමැතිනි සරෝජා සාවිත්‍රි පෝල්රාජ් මහත්මිය සඳහන් කළේ වයස අවුරුදු 16ට අඩු දරුවන් සේවයේ යෙදවීම පූර්ණ ලෙස තහනම් වන අතර වයස 16ත් 18ත් අතර පසුවන්නන් අන්තරාකාරී රැකියාවල යෙදවීමද වළක්වා ඇති බවයි.

22 වැනි ව්‍යවස්ථා සංශෝධනය සහ අධිකරණ සංවිධාන පනත් සංශෝධනය පිළිබඳව පාර්ලිමේන්තු මන්ත්‍රීවරුන් දැනුවත් කිරීම සඳහා ශ්‍රී ලංකා නීතිඥ සංගමයේ නියෝජිත පිරිසක් පැමිණීමට නියමිතව ඇති හමුවක් මුල්කරගනිමින් පාර්ලිමේන්තුවේදී උණුසුම් සංවාදයක් හටගෙන තිබේ. අගෝස්තු 20 වන දින පස්වරු 12.00 සිට 1.30 දක්වා පැවැත්වීමට සැලසුම් කර ඇති මෙම සාකච්ඡාව සඳහා පාර්ලිමේන්තුවේ නියෝජිතයන් 225 දෙනාටම සහභාගී වන ලෙස විපක්ෂ නායක සජිත් ප්‍රේමදාස මහතා ආරාධනා කළ අතර, එකී දැනුවත් කිරීම සිදුකෙරෙන්නේ තමන් කළ ඉල්ලීමකට අනුව බව අගෝස්තු 19 වන දින ඔහු පාර්ලිමේන්තුවේදී පැවසීය.

අනුරාධපුර ප්‍රදේශයේ සිදුවූ බාලවයස්කාර දැරියක අපයෝජනය කිරීමේ සිද්ධියකට අදාළ පරීක්ෂණවල වර්තමාන තත්ත්වය පිළිබඳ පාර්ලිමේන්තු මන්ත්‍රීවරියන්ගේ සංසදයේ පැවැති සාකච්ඡාවක් වාර්තා කිරීම මුල් කරගනිමින්, බී.බී.සී. සිංහල සේවයේ මාධ්‍යවේදීන් පාර්ලිමේන්තු ආචාරධර්ම හා වරප්‍රසාද පිළිබඳ කාරක සභාව හමුවට කැඳවීමට ගෙන තිබූ තීරණය අත්හිටුවා ඇති බව වාර්තා වේ.

කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් පාර්ලිමේන්තුව අද (21) පෙරවරු 09.30ට රැස්වීමට නියමිත අතර, අධිකරණ අමාත්‍ය හර්ෂණ නානායක්කාර මහතාට එරෙහිව විපක්ෂය සූදානම් කළ විශ්වාසභංග යෝජනාව අද දිනයේදී කථානායකවරයා වෙත භාරදීමට කටයුතු යොදා තිබේ. සමගි ජන බලවේගයේ පාර්ලිමේන්තු මන්ත්‍රී අජිත් පී.

මියන්මාරය සහ කාම්බෝජය වැනි රාජ්‍යයන් පවා අභිබවා යමින් ශ්‍රී ලංකාව ජාත්‍යන්තර මට්ටමේ නීති විරෝධී ඔන්ලයින් සූදු මධ්‍යස්ථානයක් බවට පත්වීමේ බරපතළ අවදානමකට මුහුණ දී සිටින බව පාර්ලිමේන්තුවේදී අනාවරණය වී තිබේ. රජයේ මුදල් පිළිබඳ කාරක සභාවේ (COPF) සභාපති, පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා විසින් මෑතකදී සභාව හමුවේ මෙම තොරතුරු අනාවරණය කරනු ලැබීය.

ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක මහතා අද පාර්ලිමේන්තුවේදී ප්‍රකාශ කළේ සැලසුම් කර තිබූ සැහැල්ලු දුම්රිය සංක්‍රමණ (LRT) ව්‍යාපෘතිය ඉදිරියට ක්‍රියාත්මක වීමේ හැකියාවක් නොමැති බවයි. මෙම ව්‍යාපෘතිය සම්බන්ධයෙන් රජය විසින් විශේෂ අධ්‍යයනයක් සිදු කර ඇති අතර, ඒ සඳහා වැය වන අධික පිරිවැය සහ එයින් සේවය සැලසෙන මගීන් සංඛ්‍යාව සීමිත වීම හේතුවෙන් මෙම පියවර ගෙන තිබේ.

මීගමුව බන්ධනාගාරය තුළ මෑතකදී හටගත් දරුණු නොසන්සුන්කාරී තත්ත්වයට ප්‍රධානතම හේතුව වී ඇත්තේ රැඳවියන් කිහිපදෙනෙකු අතට කිසියම් අයුරකින් ආයුධ පත්වීම සහ ඔවුන් එහි තිබූ යකඩ ගේට්ටුවක්ද කඩාදමමින් පිටතට පැමිණීම බව අධිකරණ අමාත්‍ය නීතිඥ හර්ෂණ නානායක්කාර මහතා අනාවරණය කරයි. බන්ධනාගාරය තුළ ඇති වූ මෙම බරපතළ ගැටුම්කාරී වාතාවරණය සම්බන්ධයෙන් පාර්ලිමේන්තුව අමතමින් විශේෂ ප්‍රකාශයක් සිදුකළ අමාත්‍යවරයා මේ බව අවධාරණය කළේය.

විපක්ෂය පාර්ලිමේන්තුවේ සෙංකෝලය පැහැරගෙන ගියද, නැතහොත් එය ගිල දැමුවද වත්මන් අධිකරණ පද්ධතිය තුළ නඩු විභාග කොට තීන්දු ලබාදීමේ වේගය කිසිසේත්ම අඩාල නොවන බව අධිකරණ සහ ජාතික ඒකාබද්ධතා අමාත්‍ය හර්ෂණ නානායක්කාර මහතා පවසයි. ඊයේ (23) පාර්ලිමේන්තු විවාදයට එක්වෙමින් අමාත්‍යවරයා අවධාරණය කළේ විපක්ෂයේ මෙම කලබලකාරී හැසිරීම් පිටුපස පවතින්නේ නීතියේ ආධිපත්‍යය සුරැකීමේ සැබෑ වුවමනාවක් නොව, තමන්ට එරෙහිව විභාග වන නඩුවලට ඇති දැඩි බිය සහ භීතිය පමණක් බවයි.

'රීබිල්ඩින් ශ්‍රී ලංකා' අරමුදල සම්බන්ධයෙන් විපක්ෂයේ ඇතැම් මන්ත්‍රීවරුන් පදනම් විරහිත කරුණු දක්වමින් මහජනතාව නොමඟ යැවීමට දැඩි උත්සාහයක නිරත වන බව සභානායක සහ අමාත්‍ය බිමල් රත්නායක මහතා පාර්ලිමේන්තුවේදී ප්‍රකාශ කළේය. මෙවැනි ප්‍රකාශ හරහා සමාජය තුළ අනවශ්‍ය බියක් සහ සැකයක් මවාපෑමට විපක්ෂය කටයුතු කරන බව හෙතෙම පෙන්වා දුන්නේය.

පළාත් සභා මැතිවරණය පැවැත්වීම සඳහා දැනට පවතින නීතිමය බාධාවන් ඉවත් කර ගැනීමට නම් පාර්ලිමේන්තුව විසින් නව නීති සම්පාදනය කළ යුතු බව නීතිපති දෙපාර්තමේන්තුව විසින් පාර්ලිමේන්තු කාරක සභාවකට දැනුම් දී තිබේ. දැනට පවතින නීතිමය අර්බුදය නිරාකරණය කර ගනිමින් මැතිවරණය පැවැත්වීම සඳහා අනුගමනය කළ හැකි විකල්ප ක්‍රියාමාර්ග හතරක් ද නීතිපති දෙපාර්තමේන්තුව විසින් එහිදී යෝජනා කර ඇත.

ශ්‍රී ලංකාවේ බදු පරිපාලන පද්ධතිය තුළ බදු ගෙවන්නන් සඳහා වඩාත් දැඩි නීතිරීති සහ දැඩි අනුකූලතා රාමුවක් හඳුන්වා දෙමින් නව දේශීය ආදායම් පනත් කෙටුම්පත පසුගිය අඟහරුවාදා (19) පාර්ලිමේන්තුවේදී කාරක සභා අවස්ථා සංශෝධන සහිතව සම්මත විය. මෙම නව ව්‍යවස්ථාපිත ප්‍රතිසංස්කරණ මඟින් බදු පැහැර හරින්නන්ට එරෙහිව දැඩි ක්‍රියාමාර්ග ගැනීමටත්, බදු පරිපාලනයේදී සිදුවන පැහැර හැරීම් අපරාධ වැරදි ලෙස සැලකීමටත් බලධාරීන්ට පුළුල් බලතල හිමිව තිබේ.

පාර්ලිමේන්තුවේ නීතිවිරෝධීව සහ අපහාසාත්මක අන්දමින් හැසිරීමක් සිදු කළ නිසා පාර්ලිමේන්තුවේ ඉදිරි කටයුතු පවත්වාගෙන යාම සඳහා පාර්ලිමේන්තු මන්ත්‍රී චාමර සම්පත්, පාර්ලිමේන්තු සභා ගර්භයෙන් ඉවත් කරන ලෙස කතානායකවරයා විසින් පාර්ලිමේන්තු ලේකම්වරියට අද උදෑසන දැනුම් දුන්නේය.

එක්සත් රාජධානියේ උසස් අධ්‍යාපනය හදාරන වත්මන් රජයේ කැබිනට් අමාත්‍යවරයෙකුගේ දියණියක මේ වන විට දෙමළ ඩයස්පෝරා සාමාජිකයෙකුට අයත් නිවසක පදිංචිව සිටින බවට විපක්ෂයේ පාර්ලිමේන්තු මන්ත්‍රී චාමර සම්පත් දසනායක මහතා ඊයේ පාර්ලිමේන්තුවේදී විශේෂ හෙළිදරව්වක් සිදු කළේය. රජයේ මැති ඇමතිවරුන් ඩයස්පෝරාව සමඟ සම්බන්ධතා පැවැත්වීම සම්බන්ධයෙන් තමන් කිසිදු දෝෂාරෝපණයක් එල්ල නොකරන බව පැවසූ මන්ත්‍රීවරයා, වෙනත් පාර්ශ්වයන් සමඟ සබඳතා පවත්වන අතරතුර මෙවැනි ඩයස්පෝරා සබඳතා පිළිබඳවද විවෘතව රටට හෙළි කළ යුතු බව අවධාරණය කළේය.

රේගු දෙපාර්තමේන්තුවෙන් බහාලුම් 323ක් නිදහස් කිරීමේ සිද්ධිය පිළිබඳව විමර්ශනය කරන පාර්ලිමේන්තු විශේෂ කාරක සභාව හමුවට ඉදිරි දින කිහිපය තුළදී නීතිඥ නාගානන්ද කොඩිතුවක්කු මහතා කැඳවීමට තීරණය කර තිබේ. මෙම සිද්ධිය සම්බන්ධයෙන් ඔහු විසින් මීට පෙර සිදු කරන ලද විවිධ හෙළිදරව් කිරීම් සැලකිල්ලට ගනිමින්, ඔහුගෙන් සවිස්තරාත්මක කරුණු විමසීම සඳහා මෙලෙස කැඳවීමට කාරක සභාව පියවර ගෙන ඇත.

කතානායකවරයාගේ පෞද්ගලික ලේකම්වරයා වෙත අමාත්‍යවරුන් සඳහා වෙන් කර ඇති නිල නිවසක් ලබාදීම සහ කතානායකවරයා නිල නිවාස දෙකක් පරිහරණය කිරීම සම්බන්ධයෙන් පාර්ලිමේන්තුවේදී දැඩි විවේචනයක් එල්ල වී තිබේ. සමගි ජන බලවේගයේ කුරුණෑගල දිස්ත්‍රික් මන්ත්‍රී නීතිඥ දයාසිරි ජයසේකර මහතා ඊයේ සභාව හමුවේ මෙම කරුණු අනාවරණය කරමින් කියා සිටියේ කොළඹ ලොරිස් පාරේ පිහිටි අමාත්‍ය නිවාසයක් මෙලෙස පෞද්ගලික ලේකම්වරයෙකු වෙත වෙන් කර ඇති බවයි.