ආර්ථික අපහසුතාවලින් පෙළෙන පවුල් වෙත පිරිනැමෙන 'අස්වැසුම' සුබසාධන ප්‍රතිලාභ මුදල් අවභාවිත කරමින් රුපියල් කෝටියකට අධික මුදලක් වංචා කිරීමේ සිදුවීමක් සම්බන්ධයෙන් නෝර්වුඩ් ප්‍රාදේශීය ලේකම් කාර්යාලයේ ගිණුම් අංශයේ සේවය කළ නිලධාරිනියන් දෙදෙනෙකු හැටන් කොට්ඨාස විශේෂ අපරාධ විමර්ශන ඒකකය මගින් අත්අඩංගුවට ගෙන තිබේ. හැටන් කොට්ඨාස භාර ජ්‍යෙෂ්ඨ පොලිස් අධිකාරී ප්‍රදීප් වීරසේකර මහතා සඳහන් කළේ, වයස අවුරුදු 30 සහ 33 යන වයස්වල පසුවන මෙම සැකකාරියන් දෙදෙනා සැබෑ ප්‍රතිලාභීන්ට හිමිවිය යුතු දීමනා තමන්ගේ ඥාතීන්ගේ සහ හිතවතුන්ගේ බැංකු ගිණුම්වලට බැර කරමින් 2024 වසරේ සිට මෙම මහා පරිමාණ වංචාව සිදුකර ඇති බවයි.

ජාත්‍යන්තර ගුවන්තොටුපළට ආසන්න කොළඹ - කටුනායක ප්‍රධාන මාර්ගයේ 18 වැනි කිලෝමීටර කණුව අසල ඉදිකිරීමට යෝජිත සිමෙන්ති කර්මාන්ත ශාලාවකට විරෝධය පළ කරමින් ප්‍රදේශයේ පදිංචිකරුවන් විසින් ඊයේ පෙරවරුවේ විරෝධතා ව්‍යාපාරයක් පවත්වන ලදී.

යාපනය විශ්වවිද්‍යාලය මේ වන විට ක්‍රමානුකූලව සිංහලකරණයට ලක් වෙමින් පවතින බවටත් එය හිතාමතා ඇති කර ඇති තත්වයක් බවටත් චෝදනා කරමින් යාපනය විශ්වවිද්‍යාලයේ කලා පීඨ ශිෂ්‍ය සංගමයේ මාධ්‍ය ප්‍රකාශක කවිතරන් දැඩි විවේචනයක් එල්ල කර තිබේ. ඊයේ (20) දිනයේදී විශ්වවිද්‍යාල පරිශ්‍රය ඉදිරිපිට සංවිධානය කර තිබූ විරෝධතා ව්‍යාපාරයකට එක්වෙමින් මාධ්‍ය වෙත අදහස් දැක්වූ ඔහු මෙම කරුණු අනාවරණය කළේය.

ලංකා විදුලිබල මණ්ඩලය අහෝසි කිරීමෙන් පසු නව සමාගම් වෙත අනුයුක්ත කෙරුණු සේවකයින් විසින් දින දෙකක් පුරා ක්‍රියාත්මක කළ වෘත්තීය සමිති වැඩවර්ජනය අත්හිටුවීමට තීරණය කර තිබේ. විදුලි වෘත්තීය සමිති 24ක එකමුතුවකින් පසුගිය 09 වැනිදා පස්වරු 3.00ට පමණ ආරම්භ කළ මෙම වර්ජන ක්‍රියාමාර්ගය අද (11) පස්වරුවේ මෙලෙස නතර කිරීමට පියවර ගෙන ඇත.

සෞඛ්‍ය අමාත්‍යාංශය විසින් ක්‍රියාවට නංවා ඇති 'ආරෝග්‍යා' ව්‍යාපෘතියෙන් අද (02) දින සිට ඉවත් වීමට රජයේ වෛද්‍ය නිලධාරීන්ගේ සංගමය (GMOA) තීරණය කර තිබේ.

තමන් ඉදිරිපත් කළ ප්‍රධාන ඉල්ලීම් අටක් සම්බන්ධයෙන් බලධාරීන් දක්වන නිහඬ පිළිවෙතට එරෙහිව ලංකා විදුලිබල මණ්ඩලයට අයත් වෘත්තීය සමිති විසි එකක එකමුතුවක් අද (26) දින සංකේත වැඩවර්ජනයක් දියත් කර තිබේ. ලංකා විදුලිබල මණ්ඩලයේ වෘත්තීය සමිති එකමුතුව පවසන පරිදි මෙම වර්ජන ක්‍රියාමාර්ගය අද මධ්‍යහ්න 12.00 ට ආරම්භ වී පස්වරු 6.00 දක්වා පැය හයක කාලයක් පුරාවට ක්‍රියාත්මක වනු ඇත.

ලංකා විදුලිබල මණ්ඩලයේ වෘත්තීය සමිති රජයට දැඩි අනතුරු ඇඟවීමක් කරමින් ප්‍රකාශ කර සිටින්නේ, තම ඉල්ලීම් අට සඳහා නිසි විසඳුම් නොලැබෙන්නේ නම් සහ විදුලිබල මණ්ඩලය ඈවර කිරීමේ ගැසට් නිවේදනය නිකුත් කළහොත්, අපොස සාමාන්‍ය පෙළ විභාගය අවසන් වූ වහාම දැඩි වෘත්තීය සමිති ක්‍රියාමාර්ගයකට අවතීර්ණ වන බවයි.

වසර 6ක් තිස්සේ ප්‍රමාද කර ඇති රේගු නිලධාරින්ගේ උසස්වීම් ඇතුළු ඉල්ලීම් කිහිපයක් මුල්කර ගනිමින් වෘත්තීය සමිති ක්‍රියාමාර්ගයක නිරත වීමට රේගු වෘත්තීය සමිති සන්ධානය තීරණය කර තිබේ.

දුම්රිය රියදුරන් විසින් ඊයේ මධ්‍යම රාත්‍රියේ සිට ක්‍රියාත්මක කිරීමට සැලසුම් කර තිබූ වැඩවර්ජනය අත්හිටුවීමට තීරණය කර ඇති බැවින්, අද දිනයේදී දුම්රිය ධාවන කටයුතු කිසිදු බාධාවකින් තොරව සාමාන්‍ය පරිදි සිදුවන බව දුම්රිය රියදුරු වෘත්තීය සමිති නිවේදනය කරයි.

රජයේ වෛද්‍ය නිලධාරීන්ගේ සංගමයේ විධායක සභාව සහ දිවයින පුරා සේවය කරන සෞඛ්‍ය වෛද්‍ය නිලධාරීන් අතර විශේෂ හමුවක් පසුගියදා එම සංගම් මූලස්ථානයේදී පැවැත්විණි. සෞඛ්‍ය ක්ෂේත්‍රයේ වර්තමානයේ පවතින විවිධ සේවා ගැටලු මෙන්ම ඉදිරියේදී ක්‍රියාත්මක කිරීමට නියමිත වෘත්තීය ක්‍රියාමාර්ග පිළිබඳව පුළුල් ලෙස සාකච්ඡා කිරීම මෙම හමුවේ මූලික අරමුණ විය.

කොළඹ ජනාධිපති ලේකම් කාර්යාලය අභියස මාදැල් ධීවර ප්‍රජාව විසින් ආරම්භ කර ඇති විරෝධතා සත්‍යග්‍රහය ඊයේ (10) වන විට හය වැනි දිනටත් ක්‍රියාත්මක විය. ට්‍රැක්ටර් යන්ත්‍රවලට සවි කරන ලද වින්ච් යන්ත්‍ර උපයෝගී කරගනිමින් සිදු කරන මාදැල් කර්මාන්තයට වත්මන් රජය විසින් පනවා ඇති තහනම ඉවත් කරන ලෙස බල කරමින් මෙම විරෝධතාව දියත් කර තිබේ.

ත්‍රස්තවාදය වැළැක්වීමේ පනත වහාම අහෝසි කරන ලෙසත්, ඊට ආදේශකයක් ලෙස ගෙන ඒමට නියමිත නව පනත් කෙටුම්පත හකුළා ගන්නා ලෙසත් බල කරමින් අද දින යාපනය නගර මධ්‍යයේදී විශේෂ විරෝධතාවක් සංවිධානය කර තිබිණි.

ජාතික පාසල්වල වසර තුනකට වැඩි කාලයක් සේවය කළ අධ්‍යයන සහ අනධ්‍යයන කාර්ය මණ්ඩලවල දරුවන් එම පාසල්වලට ඇතුළත් කර ගැනීම සඳහා මෙතෙක් පැවති වරප්‍රසාදය 2025 වසරේ සිට අහෝසි කිරීමට එරෙහිව ජාතික පාසල් සේවකයින් පිරිසක් අද (05) ජනාධිපති ලේකම් කාර්යාලය ඉදිරිපිට විරෝධතාවයක නිරත වූවා. මෙම ගැටලුව සම්බන්ධයෙන් ජනාධිපතිවරයා සමඟ සාකච්ඡාවක් ලබා දෙන ලෙස ඉල්ලමින් ඔවුන් මෙලෙස විරෝධතාවයේ නිරත වූ අතර ඊට ඔවුන්ගේ දරුවන් ද එක්ව සිටිනු දක්නට ලැබුණි.

සිය වෘත්තීය ඉල්ලීම් සම්බන්ධයෙන් විසඳුම් ලබා දීම සඳහා සෞඛ්‍ය අමාත්‍යවරයා වෙත ලබා දී තිබූ පැය 48 ක කාලය අද (31) උදෑසන 8.00 න් අවසන් වූ බව රජයේ වෛද්‍ය නිලධාරීන්ගේ සංගමය සඳහන් කරයි. සිය ගැටලුවලට බලධාරීන්ගෙන් මේ දක්වා සාධනීය විසඳුමක් නොලැබීම හේතුවෙන් දැනට ආරම්භ කර ඇති වෘත්තීය සමිති ක්‍රියාමාර්ගය අඛණ්ඩව ඉදිරියට ගෙන යන බව එම සංගමයේ ලේකම් වෛද්‍ය ප්‍රභාත් සුගතදාස මහතා අවධාරණය කළේය.

සෞඛ්‍ය අමාත්‍යාංශය එකඟ වූ විසඳුම් මෙතෙක් ක්‍රියාත්මක කිරීමට අපොහොසත් වීමට විරෝධය පළ කරමින්, හෙට (26) උදෑසන 8.00 සිට දිවයින පුරා පිහිටි සියලුම රජයේ රෝහල්වල අඛණ්ඩ වෘත්තීය සමිති ක්‍රියාමාර්ගයක් ආරම්භ කිරීමට රජයේ වෛද්‍ය නිලධාරීන්ගේ සංගමය තීරණය කර තිබේ.

අද පැවැත්වෙන වෛද්‍ය වැඩවර්ජනය ගැන සෞඛ්‍ය ඇමති වෛද්‍ය නලින්ද ජයතිස්ස පාර්ලිමේන්තුවේදී විශේෂ ප්‍රකාශයක් කළේය. එය සම්පූර්ණයෙන් පහත පරිදිය

සෞඛ්‍ය අමාත්‍යාංශයේ ක්‍රියාකලාපයට විරෝධය පළ කරමින් රජයේ වෛද්‍ය නිලධාරීන්ගේ සංගමය විසින් අද (23) උදෑසන 8.00 සිට දිවයින පුරා රෝහල් ආවරණය වන පරිදි සංකේත වැඩ වර්ජනයක් ආරම්භ කර තිබේ. මුළු දිවයිනම ආවරණය වන පරිදි රජයේ රෝහල් රැසක සේවාවන් මෙයින් අඩාල වී ඇති අතර රෝගීන් රෝහල් බලධාරීන්ට හා‍ වෛද්‍යවරුන්ට දෝෂාරෝපණය කරති.

සෞඛ්‍ය අමාත්‍යාංශයේ ක්‍රියාකලාපයට විරෝධය පළ කරමින් රජයේ වෛද්‍ය නිලධාරීන්ගේ සංගමය විසින් අද (23) උදෑසන 8.00 සිට දිවයින පුරා රෝහල් ආවරණය වන පරිදි සංකේත වැඩ වර්ජනයක් ආරම්භ කර තිබේ. මෙම වෘත්තීය ක්‍රියාමාර්ගය ඉදිරි පැය 48 ක කාලයක් පුරාවට ක්‍රියාත්මක වන බව එම සංගමය නිවේදනය කර ඇත.

නැගෙනහිර පළාතේ සියලුම රෝහල්වල රජයේ වෛද්‍ය නිලධාරීන්ගේ සංගමය (GMOA) විසින් ක්‍රියාත්මක කර තිබූ වෛද්‍ය වර්ජනය අද (22) දහවල් 2.00 ට අවසන් කෙරිණි.

වෛද්‍ය පරිපාලන පද්ධතිය තුළ සිදුවන අක්‍රමවත් ස්ථානමාරු ක්‍රියාවලියට විරෝධය පළ කිරීමේ අරමුණින් කොළඹ ජාතික අක්ෂි රෝහලේ වෛද්‍යවරුන් අද (22) දිනයේදී සංකේත වැඩවර්ජනයක නිරත වීමට තීරණය කර තිබේ. රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය චමිල් විජේසිංහ මහතා මේ බව තහවුරු කරමින් කියා සිටියේ අද උදෑසන 8.00 සිට මෙම වෘත්තීය සමිති ක්‍රියාමාර්ගය ආරම්භ කිරීමට කටයුතු යොදා ඇති බවයි.