පවතින අයහපත් කාලගුණික තත්ත්වයත් සමග ධාවනය වෙමින් තිබූ දුම්රියක් මතට හදිසියේ ගසක් කඩා වැටීම හේතුවෙන් ප්‍රධාන මාර්ගයේ දුම්රිය ගමනාගමනයට තාවකාලිකව බාධා එල්ල වී තිබේ.

ඉන්ධන මිල ඉහළ යාම හමුවේ වුවද මෙවර බස් ගාස්තු වැඩිවීමක් සිදු නොවන බව ලංකා පෞද්ගලික බස් හිමියන්ගේ සංගමය තහවුරු කරයි.

ශ්‍රී ලංකාවේ මාර්ග ආරක්ෂාව සහ රථවාහන නියාමනය සම්බන්ධයෙන් තීරණාත්මක වෙනස්කම් කිහිපයක් ලබන වසරේ සිට ක්‍රියාත්මක වීමට නියමිතය. රියදුරන්ගේ විනය මෙන්ම ධාවනයට එක්වන වාහනවල යෝග්‍යතාව ද දැඩි පරීක්ෂාවකට ලක් කෙරෙන නව වැඩපිළිවෙළක් අප්‍රේල් මස පළමුවැනිදා සිට පූර්ණ ලෙස බලාත්මක කරන බව මෝටර් රථ ප්‍රවාහන කොමසාරිස් ජනරාල්, විශ්‍රාමික එයාර් වයිස් මාෂල් තුෂාර ප්‍රනාන්දු මහතා පවසයි.

මගී ප්‍රවාහනය සඳහා අලුතින් ධාවනයට එක් කෙරුණු මෙට්‍රෝ බස් රථ ඉලක්ක කරගනිමින් ඇතැම් පෞද්ගලික බස් රථ විසින් සිදුකරනු ලබන කඩාකප්පල්කාරී අනතුරු මාලාවේ අලුත්ම සිදුවීම පෙරේදා අලුයම වාර්තා විය.ඊට දින තුනකට පෙර මෙට්‍රෝ බස් රථයක පැති කණ්ණාඩියක් හිතාමතාම කඩා දැමූ බව කියන පෞද්ගලික බස් රථයක් විසින්ම යළිත් වරක් තවත් මෙට්‍රෝ බස් රථයක් ගැටීමට සලස්වා ඇත. අලුයම 5.20ට පමණ මෙම අනතුර සිදුවී ඇති අතර, මිලේනියම් සිටි සිට අතුරුගිරිය හරහා කොළඹ බලා ධාවනය වෙමින් තිබූ CM 02 දරණ මෙට්‍රෝ බස් රථය මෙලෙස අනතුරට ලක්ව තිබේ.

බස්නාහිර පළාත කේන්ද්‍ර කරගනිමින් මාර්ග හතක් ආවරණය වන පරිදි නවතම "මෙට්‍රෝ බස්" රථ 112ක් ධාවනයට එක් කිරීම ජනාධිපති අනුර කුමාර දිසානායක මහතාගේ ප්‍රධානත්වයෙන් තලංගම මෙට්‍රෝ බස් ඩිපෝ පරිශ්‍රයේදී අද (29) දින සිදු කෙරිණි. මීට අමතරව තවත් මෙට්‍රෝ බස් රථ 50ක් ආනයනය කිරීම සඳහා මේ වන විටත් රජයේ අවසරය ලැබී ඇති අතර, ඒ අනුව නුදුරේදීම මෙම සම්පූර්ණ බස් රථ ඇණිය 172ක් දක්වා වර්ධනය වනු ඇත.

කොළඹ සහ තදාසන්න ප්‍රදේශවල මාර්ග තදබදය අවම කිරීමේ පියවරක් ලෙස බස් රථ සඳහා වෙන් කර ඇති මංතීරු නීතිය අද (29) සිට දැඩිව ක්‍රියාත්මක කිරීමට ශ්‍රී ලංකා පොලිසිය තීරණය කර තිබේ. මෙම රෙගුලාසි කඩ කරන රියැදුරන් සොයා අඛණ්ඩව පරීක්ෂා කිරීම් සිදු කරන බවත්, ඔවුන්ට එරෙහිව දැඩි නීතිමය පියවර ගන්නා බවත් පොලිසිය අවධාරණය කරයි.

ඉන්දියාවේ ප්‍රථම ද්‍රවීකරණය කළ ස්වාභාවික වායු (LNG) මගින් බලගැන්වෙන දුම්රිය, මධ්‍යම ස්වදේශ කටයුතු සහ සහයෝගිතා අමාත්‍ය අමිත් ෂා සහ ගුජරාට් මහඇමති භූපේන්ද්‍ර පටෙල් යන මහත්වරුන්ගේ ප්‍රධානත්වයෙන් ඊයේ සබර්මතී හිදී ගමන් ආරම්භ කරන ලදී. අහමදාබාද් නුවර කේන්ද්‍ර කරගනිමින් ක්‍රියාත්මක කළ මෙම සමාරම්භක වැඩසටහන හරහා, දුම්රිය මෙහෙයුම් සඳහා විකල්ප ඉන්ධනයක් ලෙස LNG හඳුන්වා දීම සනිටුහන් වන අතර, සාම්ප්‍රදායික ඩීසල් භාවිතය අවම කිරීම සහ විකල්ප බලශක්ති ප්‍රභවයන් ප්‍රවර්ධනය කිරීම මෙහි ප්‍රධාන අරමුණ වී තිබේ.

කොළඹ නගරයේ පවතින දැඩි රථවාහන තදබදයට සාර්ථක විසඳුමක් ලබාදීමේ අරමුණින් සහ මගී ජනතාවට වඩාත් ආරක්ෂිත මෙන්ම පහසු ප්‍රවාහන අත්දැකීමක් උරුම කරදීම වෙනුවෙන් නවතම මෙට්‍රෝ බස් රථ 104ක් හෙට (29) දිනයේ සිට මගී ප්‍රවාහනය සඳහා එක් කිරීමට නියමිතව ඇත. බස්නාහිර පළාත ආවරණය වන පරිදි ප්‍රධාන මාර්ග 07ක් ඔස්සේ මෙම බස් රථ ධාවනය කෙරෙනු ඇති බව අදාළ බලධාරීන් පෙන්වා දෙයි.

ශ්‍රී ලංකා විගණකාධිපති දෙපාර්තමේන්තුව විසින් නිකුත් කරන ලද 2024 වාර්තාවකට අනුව, කොළඹ-කටුනායක අධිවේගී මාර්ගයේ සිදුවී ඇති දැවැන්ත සොරකම් හේතුවෙන් රුපියල් මිලියන 1,770 කට අධික පාඩුවක් සිදුව ඇති බව අනාවරණය වේ.

කොළඹ බැස්ටිඅන් මාවත පෞද්ගලික බස් නැවැතුම්පොළේ නවතා තිබූ බස් රථවල මාර්ග යෝග්‍යතාව සහ වායු විමෝචනය පරීක්ෂා කිරීම සඳහා විශේෂ රාත්‍රී මෙහෙයුමක් ක්‍රියාත්මක කර තිබේ. ජාතික ගමනාගමන කොමිෂන් සභාවේ සහයෝගය ඇතිව වාහන වායු විමෝචන වැඩසටහන මගින් සංවිධානය කළ මෙම හදිසි පරීක්ෂාවේදී බස් රථ 59ක් පරීක්ෂාවට ලක්කර ඇති අතර, ඉන් රථ 39කටම නඩත්තු නියෝග නිකුත් කිරීමට පියවර ගෙන ඇත.

රියදුරු බලපත්‍ර ලබාගැනීමට අපේක්ෂිත පුද්ගලයන් සඳහා වන වෛද්‍ය පරීක්ෂණ දිනයන් සහ වේලාවන් වෙන්කරවා ගැනීමේ නව ඩිජිටල් මාර්ගගත ක්‍රමවේදයක් හෙට (24) සිට සක්‍රිය කිරීමට ජාතික ප්‍රවාහන වෛද්‍ය ආයතනය පියවර ගෙන තිබේ. එම ආයතනයේ සභාපති මහාචාර්ය ක්ලිෆර්ඩ් පෙරේරා මහතා සඳහන් කළේ, වෛද්‍ය සහතික ලබාගැනීමේ ක්‍රියාවලිය වඩාත් පහසු සහ කාර්යක්ෂම කිරීමේ අරමුණින් මෙම නව පද්ධතිය හඳුන්වා දෙන බවයි.

වත්මන් දුම්රිය සාමාන්‍යාධිකාරීවරයා වහාම ධුරයෙන් ඉවත් කිරීම ඇතුළු ඉල්ලීම් කිහිපයක් මුල් කරගනිමින් දුම්රිය වෘත්තීය සමිති 26ක් එක්ව සංවිධානය කළ පැය 48ක සංකේත වැඩවර්ජනය පසුගිය 16 වැනිදා මධ්‍යම රාත්‍රියේ සිට ආරම්භ විය. වර්ජනය ක්‍රියාත්මක වුවද කොළඹ කොටුව ඇතුළු ප්‍රධාන නගර කරා පැමිණෙන කාර්යාල දුම්රියන් බොහොමයක් අද පෙරවරුවේ සාමාන්‍ය පරිදි ධාවනය වූ බව වාර්තා වේ.

දුම්රිය සාමාන්‍යාධිකාරීවරයා ධුරයෙන් ඉවත් කිරීම ඇතුළු පරිපාලන සහ මෙහෙයුම් ගැටලු කිහිපයක් මුල් කරගනිමින් ඒකාබද්ධ දුම්රිය වෘත්තීය සමිති සන්ධානයට අයත් වෘත්තීය සමිති 26ක් එක්ව සංවිධානය කරන පැය 48ක සංකේත වැඩවර්ජනය අද (16) මධ්‍යම රාත්‍රියේ සිට ආරම්භ කිරීමට නියමිතය. මෙම වෘත්තීය ක්‍රියාමාර්ගය ලබන 18 වැනිදා මධ්‍යම රාත්‍රිය දක්වා අඛණ්ඩව ක්‍රියාත්මක කිරීමට සැලසුම් කර ඇති අතර, දුම්රිය ස්ථානාධිපතිවරුන්, රියදුරු සහයකයන්, ෂන්ටින් රියදුරන්, ධාවන පාලකවරුන් මෙන්ම ප්‍රධාන වැඩපළ සහ අංගන සේවකයින් ද ඊට එක්ව සිටිති.

දිවයිනේ අධිවේගී මාර්ග පද්ධතිය තුළ ගමන් ගන්නා සියලුම රථවාහනවල මගීන් සඳහා ආසන පටි පැලඳීම අනිවාර්ය කෙරෙන නීතිය එළඹෙන සැප්තැම්බර් 19 වැනිදා සිට දැඩි ලෙස බලාත්මක කිරීමට පියවර ගෙන තිබේ. රිය අනතුරුවලින් සිදු වන බරපතළ හානි වළක්වා ගනිමින් මාර්ග ආරක්ෂණය ඉහළ නැංවීමේ අරමුණින් රජය විසින් හඳුන්වා දී ඇති මෙම නව නීතිරීතිවලට අනුව, වාහනවල ඉදිරිපස මෙන්ම පසුපස අසුන්වල ගමන් කරන පිරිස්ද අනිවාර්යයෙන්ම ආසන පටි භාවිතා කළ යුතුය.

නාවලපිටිය සිට බදුල්ල දක්වා වූ දුම්රිය ගමනාගමනය එළඹෙන දෙසැම්බර් මාසයේ සිට නැවත ආරම්භ කිරීමට සැලසුම් කර තිබේ. නුවරඑළිය දිස්ත්‍රික් පාර්ලිමේන්තු මන්ත්‍රී සහ දිස්ත්‍රික් සම්බන්ධීකරණ කමිටුවේ සභාපති මංජුල සුරවීරආරච්චි මහතා මේ බව තහවුරු කළේය.

ශ්‍රී ලංකාවේ පොදු ප්‍රවාහන සේවාවේ ගුණාත්මකභාවය ඉහළ නැංවීම වෙනුවෙන් ජපාන රජය විසින් පත්ල පහත් (low-floor) මාදිලියේ නව බස් රථ හතක් පරිත්‍යාග කර ඇත. දෙරට අතර පවතින අඛණ්ඩ සංවර්ධන සහයෝගීතාවයේ තවත් එක් සාධනීය පියවරක් ලෙස මෙම ප්‍රදානය සිදු කර තිබේ.

මාකුඹුර බහුවිධ ප්‍රවාහන මධ්‍යස්ථානයේදී සිදුකළ අහඹු මත්ද්‍රව්‍ය පරීක්ෂාවකදී, විෂ මත්ද්‍රව්‍ය භාවිත කර සිටි බස් රථ රියැදුරන් හතරදෙනෙකු සහ කොන්දොස්තරවරුන් පස්දෙනෙකු පොලිස් අත්අඩංගුවට පත්ව තිබේ. ඊට අමතරව නීත්‍යානුකූල බලපත්‍ර නොමැතිව සේවයේ නිරතව සිටි කොන්දොස්තරවරුන් තිදෙනෙකු ද පරීක්ෂණ අතරතුරදී හඳුනාගෙන ඇත.

පොදු ප්‍රවාහන සේවාවන්හි නිරත වන රියැදුරන් සහ සහයකයන්ගේ මත්ද්‍රව්‍ය භාවිතය පිළිබඳ සිදු කෙරෙන පරීක්ෂණ කටයුතු සක්‍රිය හා විධිමත් කිරීමේ අරමුණින් සෞඛ්‍ය හා ජනමාධ්‍ය අමාත්‍යාංශය විසින් ජාතික ප්‍රවාහන වෛද්‍ය ආයතනය වෙත අතිනවීන ජංගම රසායනාගාර බස් රථයක් පරිත්‍යාග කර තිබේ. ප්‍රවාහන, මහාමාර්ග හා නාගරික සංවර්ධන අමාත්‍යාංශය මඟින් ක්‍රියාත්මක කෙරෙන මාර්ග ආරක්ෂණ සැලැස්මට සමගාමීව, මගී ජනතාවගේ ජීවිත සුරක්ෂිත කරමින් වඩාත් ගුණාත්මක මෙන්ම ආරක්ෂිත ප්‍රවාහන සේවයක් තහවුරු කිරීම වෙනුවෙන් මෙම පියවර ගෙන ඇත.

ශ්‍රී ලංකා දුම්රිය දෙපාර්තමේන්තුව මගින් ක්‍රියාත්මක කිරීමට නියමිත ප්‍රධාන යටිතල පහසුකම් ව්‍යාපෘති කිහිපයක වත්මන් ප්‍රගතිය පිළිබඳව ප්‍රවාහන හා මහාමාර්ග නියෝජ්‍ය අමාත්‍ය ප්‍රසන්න ගුණසේන මහතා පාර්ලිමේන්තුවේදී තොරතුරු අනාවරණය කළේය. කැලණිවැලි දුම්රිය මාර්ගය රත්නපුරය දක්වා දීර්ඝ කිරීම, කොළඹ තදාසන්න දුම්රිය මාර්ග විදුලියනය කිරීම සහ නව දුම්රිය කට්ටල මිලදී ගැනීම ඇතුළු තීරණාත්මක සංවර්ධන පියවර රැසක් ඉදිරියට ගෙන යාමට පියවර ගනිමින් සිටින බව අමාත්‍යවරයා මෙහිදී පැහැදිලි කළේය.

ශ්‍රී ලංකාවේ නාගරික සහ නගරාන්තර මගී ප්‍රවාහන පද්ධතිය සවිමත් කරමින්, එය වඩාත් කාර්යක්ෂම, පරිශීලක හිතකාමී මෙන්ම ඒකාබද්ධ ජාලයක් බවට පරිවර්තනය කිරීමේ පියවරක් ලෙස බහුවිධ ප්‍රවාහන මධ්‍යස්ථානවල පාලන හා මෙහෙයුම් කටයුතු විධිමත් කිරීමට නව ආයතනික ව්‍යුහයක් ස්ථාපනය කිරීම සඳහා කැබිනට් මණ්ඩලයේ අනුමැතිය හිමිව තිබේ.