අනුරාධපුර බන්ධනාගාරයේ රඳවා සිටි රැඳවියෙකු සියදිවි නසා ගැනීමට තැත් කිරීම නිසා බරපතළ තත්ත්වයෙන් අනුරාධපුර මහ රෝහලට ඇතුළත් කර ඇති බව අනුරාධපුර පොලිසිය පවසයි. මෙලෙස රෝහල් ගත කර ඇත්තේ තිරප්පනේ ප්‍රදේශයේ පදිංචි 35 හැවිරිදි වියේ පසුවන අයෙකි.

ඇප මුදල් තැන්පත් කිරීමට සහ නියම වූ දඩ මුදල් ගෙවීමට නොහැකි වීම හේතුවෙන් රැඳවියන් 3,371 දෙනෙකු වසර ගණනාවක් තිස්සේ බන්ධනාගාර තුළ නිකරුණේ රැඳී සිටින බව ජාතික විගණන කාර්යාලයේ අලුත්ම වාර්තාවකින් අනාවරණය වේ. බන්ධනාගාර පද්ධතිය තුළ පවතින අධික තදබදයට ද මෙම තත්ත්වය ප්‍රධාන ලෙස බලපා ඇති බව එම වාර්තාව මගින් පෙන්වා දී ඇත.

බන්ධනාගාර තුළ සිදුවන විවිධ ගැටුම්කාරී තත්ත්වයන් වළක්වා ගැනීමේ අරමුණින් රැඳවියන්ගේ හැසිරීම් රටාවන් සූක්ෂ්ම ලෙස නිරීක්ෂණය කර වාර්තා කිරීමට දහසකට ආසන්න බුද්ධි අංශ නිලධාරීන් පිරිසක් අලුතින් යොදවා තිබේ. සිරකරුවන්ගේ ප්‍රචණ්ඩකාරී ක්‍රියා, ඔවුන් සංවිධානය කරන කුමන්ත්‍රණ සහ පිටත පාතාල කල්ලි සමඟ පවත්වන සබඳතා පිළිබඳව විමර්ශනය කර තොරතුරු ලබාදීම මෙම බුද්ධි කණ්ඩායම්වල ප්‍රධාන කාර්යභාරය වේ.

කොළඹ නව මැගසින් බන්ධනාගාරයේ සිටින මත්ද්‍රව්‍ය චෝදනා ලැබූ රැඳවූවන් හයදෙනෙකු පල්ලන්සේන කඳවුර වෙත මාරු කිරීමට බන්ධනාගාර පාලනාධිකාරිය ගත් තීරණයකට එරෙහිව එම රැඳවූවන් පිරිස උග්‍ර විරෝධතාවයක නිරත වී තිබේ. එහිදී රැඳවූවන් පස්දෙනෙකු තියුණු ආයුධයකින් කැපුම් තුවාල සිදු කරගනිමින් ස්වයං හානි කරගෙන ඇති අතර, ඉතිරි රැඳවියා බන්ධනාගාර පරිශ්‍රයේ පිහිටි බෝ ගසකට නැඟී තම විරෝධය පළ කර ඇත.

බන්ධනාගාරය තුළ ක්‍රියාත්මක වන මත්ද්‍රව්‍ය ජාවාරම් සහ සෙසු නීතිවිරෝධී ක්‍රියාකාරකම් සම්බන්ධයෙන්, එහි පාලන කටයුතුවලට සහාය වන "කාමර පාටි" ලෙස හැඳින්වෙන රැඳවියන් විසින් දිගින් දිගටම නිලධාරීන්ට තොරතුරු සැපයීම මීගමුව බන්ධනාගාරයේ ඇති වූ නොසන්සුන්කාරී තත්ත්වයට මූලික හේතුව වී ඇති බව අපරාධ පරීක්ෂණ දෙපාර්තමේන්තුව අධිකරණයට දැනුම් දී තිබේ.

මෑත ඉතිහාසයේ වාර්තා වූ බිහිසුණුම බන්ධනාගාර ගැටුමක් ලෙස සැලකෙන මීගමුව බන්ධනාගාරයේ පසුගිය ජූලි 5 සහ 6 යන දිනවල සිදු වූ ප්‍රචණ්ඩ ක්‍රියා සම්බන්ධයෙන් පූර්ණ විනිවිදභාවයකින් සහ වගකීමකින් යුතුව පරීක්ෂණ පවත්වන ලෙස ජනතාවාදී එකාබද්ධ විපක්ෂය රජයෙන් ඉල්ලා සිටියි. රැඳවියන් 23 දෙනෙකු සහ බන්ධනාගාර නිලධාරීන් 10 දෙනෙකු ඇතුළුව පුද්ගලයන් 33 දෙනෙකුට ජීවිත අහිමි කළ මෙම ඛේදවාචකය සමස්ත ජාතියේම හෘද සාක්ෂිය කම්පනයට පත් කළ සිදුවීමක් බව එම පක්ෂය අද (03) විශේෂ ප්‍රකාශයක් නිකුත් කරමින් අවධාරණය කරයි.

මීගමුව බන්ධනාගාරය තුළ පසුගිය ජූලි 6 වනදා ඇති වූ දරුණු ප්‍රචණ්ඩකාරී ගැටුම පාලනය කිරීම සඳහා වෙඩි තැබූ බන්ධනාගාර නිලධාරියා වහාම ක්‍රියාත්මක වන පරිදි පල්ලෙකැලේ බන්ධනාගාරය වෙත තාවකාලිකව ස්ථාන මාරු කර යවා තිබේ. බන්ධනාගාර මාධ්‍ය ප්‍රකාශක සහ බන්ධනාගාර කොමසාරිස් ඒ.සී.

යාපනය ප්‍රදේශයේදී රක්ෂිත බන්ධනාගාරගත කර සිටි රැඳවියෙකු විසින් බන්ධනාගාර නිලධාරියෙකුට පහරදීමේ සිදුවීමක් වාර්තා වේ. මෙම පහරදීමෙන් තුවාල ලැබූ බන්ධනාගාර නිලධාරියා වැඩිදුර ප්‍රතිකාර සඳහා යාපනය ශික්ෂණ රෝහලට ඇතුළත් කර තිබේ.

මීගමුව බන්ධනාගාරය තුළ මෑතකදී හටගත් ප්‍රචණ්ඩකාරී ගැටුම මැඩපැවැත්වීම සඳහා පිටතින් කැඳවනු ලැබූ බන්ධ පොලිස් නිලධාරීන්ට එම පරිශ්‍රයෙන් ඉවතට යාමට ඇති දැල් දොර පිහිටි දිශාව පිළිබඳව නිසි අවබෝධයක් නොතිබීම හේතුවෙන් ඔවුන් එහි ඇතුළත සිරවී ඇති බව අපරාධ පරීක්ෂණ දෙපාර්තමේන්තුව අද (14) මීගමුව මහෙස්ත්‍රාත් අධිකරණය හමුවේ අනාවරණය කළේය. එලෙස සිරවූ නිලධාරීන්ට එහි සිටි රැඳවියන් විසින් මියයන තෙක්ම අමානුෂික ලෙස පහර දී ඇති බවත්, පොලිස් හදිසි උපක්‍රමික බලකායේ බන්ධ පොලිස් නිලධාරීන් 10 දෙනෙකු සහ රැඳවියන් 21 දෙනෙකු ජීවිතක්ෂයට පත් කළ මෙම බිහිසුණු සිදුවීම සම්බන්ධයෙන් මේ වන විට බන්ධනාගාර නිලධාරීන් ඇතුළු පුද්ගලයන් 287 දෙනෙකුගෙන් ප්‍රකාශ සටහන් කරගෙන ඇති බවත් රජයේ පාර්ශවයෙන් අධිකරණයට දන්වා සිටියේය.

මීගමුව බන්ධනාගාරයේ හටගත් දරුණු නොසන්සුන්කාරී තත්ත්වයෙන් බරපතළ තුවාල ලබා කොළඹ ජාතික රෝහලේ ප්‍රතිකාර ලබමින් සිටි බන්ධනාගාර නිලධාරීන් දෙදෙනෙකු ඊයේ (13) සහ අද (14) අලුයම ජීවිතක්ෂයට පත්ව ඇති බව පොලිස් මූලස්ථානය පවසයි. වයස අවුරුදු 25 සහ 39 යන වයස් සීමාවන්හි පසුවන මෙම නිලධාරීන් දෙදෙනාගේ අභාවයත් සමඟ, අදාළ ගැටුමෙන් මියගිය සමස්ත බන්ධනාගාර නිලධාරීන් සංඛ්‍යාව 10 දක්වා ඉහළ ගොස් තිබේ.

මීගමුව බන්ධනාගාරය තුළ රැඳවියන් දෙපිරිසක් අතර ඇති වූ දරුණු ගැටුමේදී එකිනෙකාට ප්‍රහාර එල්ල කර ගැනීමට සහ එය මැඬපැවැත්වීමට උත්සාහ කළ නිලධාරීන්ට පහර දීම සඳහා වැසිකිළිවල සවිකර තිබූ කොමඩ් කඩා දැමූ කොටස් මෙන්ම මුළුතැන්ගෙයි තිබූ පොල්ගෙඩි ද ප්‍රහාරකයන් විසින් ආයුධ ලෙස භාවිත කර ඇති බව පොලිසිය පවසයි.

කොළඹ බොරැල්ල මැගසින් බන්ධනාගාරය තුළ අද (10) දහවල් කාලයේදී රැඳවියන් පිරිසක් අතර ගැටුමක් හටගෙන තිබේ. බන්ධනාගාර ආරංචි මාර්ගවලට අනුව, මෙම නොසන්සුන්කාරී තත්ත්වය මුලින්ම හටගෙන ඇත්තේ රැඳවියන් දෙදෙනෙකු අතර වන අතර පසුව තවත් රැඳවියන් දෙදෙනෙකු ද මෙම ගැටුමට සම්බන්ධ වී ඇත.

මීගමුව බන්ධනාගාරයේ මෑතකදී හටගත් දරුණු කැරැල්ල මෙහෙයවූ ප්‍රධාන සැකකරුවකු වන, සංවිධානාත්මක පාතාල කල්ලි සාමාජික කටුවැල්ලේගම සුරේෂ් නමැත්තා සිරමැදිරිය තුළදී වෙනත් පිරිසකගේ දරුණු ප්‍රහාරයකට ලක්ව බරපතළ තුවාල ලබා ඇති බව බන්ධනාගාර ආරංචි මාර්ග සඳහන් කරයි. මත්ද්‍රව්‍ය ජාවාරමට සම්බන්ධ ප්‍රතිවිරුද්ධ කල්ලියක් විසින් එල්ල කරන ලදැයි සැකකෙරෙන මෙම පහරදීම හේතුවෙන් ඔහුගේ කොන්ද ප්‍රදේශයට දැඩි හානි සිදුව ඇති අතර, මේ වන විට ඔහුට ඇවිදීමට පවා නොහැකි තත්ත්වයක් උදාවී ඇති බව වාර්තා වේ.

මීගමුව බන්ධනාගාරය තුළ හටගත් දරුණු ගැටුමෙන් ජීවිතක්ෂයට පත්වූ පිරිස අතර 73 හැවිරිදි වියේ පසු වූ යුන්නිකෘෂ්ණන් එස්. (Unnikrishnan S.) නැමැති ඉන්දීය ජාතිකයෙකු ද සිටින බව නිල ආරංචි මාර්ග උපුටා දක්වමින් ඉන්දීය 'The Hindu' පුවත්පත වාර්තා කර සිටියි.

මීගමුව බන්ධනාගාරය තුළ පසුගියදා ඇති වූ ප්‍රචණ්ඩකාරී තත්ත්වය හේතුවෙන් එහි රඳවා සිටි කාන්තා රැඳවියන් 73 දෙනෙකු වාරියපොළ සහ පල්ලෙකැලේ බන්ධනාගාර වෙත වහාම ක්‍රියාත්මක වන පරිදි මාරු කර යැවීමට බන්ධනාගාර දෙපාර්තමේන්තුව පියවර ගෙන තිබේ. බන්ධනාගාර මාධ්‍ය ප්‍රකාශක ඒ.සී.

වැලිකඩ බන්ධනාගාරයෙන් පළා ගොස් සිටියදී යළි අත්අඩංගුවට ගෙන රැඳවුම් භාරයේ සිටි රැඳවියෙකු හදිසියේ රෝගී වී බන්ධනාගාර රෝහලට ඇතුළත් කිරීමෙන් පසු මියගොස් තිබේ. මෙලෙස මියගොස් ඇත්තේ බොරැල්ල ප්‍රදේශයේ පදිංචිව සිටි හතළිස් හැවිරිදි පුද්ගලයෙකි.

රටක නීතිය සහ යුක්තිය සුරක්ෂිත කළ යුතු අවසන් බලකොටුව වන්නේ බන්ධනාගාරය වුවද, අද වන විට එය පාතාල අපරාධකරුවන්ගේ සුඛෝපභෝගී විනෝදාගාරයක් බවට පත්ව ඇත්තේ ද?

උදාවූ සිංහල හා දෙමළ අලුත් අවුරුද්ද නිමිත්තෙන් දිවයින පුරා පිහිටි බන්ධනාගාරවල පසුවන රැඳවියන් සඳහා තම ඥාතීන් මුණගැසීමට විශේෂ විවෘත අවස්ථාවක් සම්පාදනය කිරීමට බන්ධනාගාර දෙපාර්තමේන්තුව කටයුතු කර තිබේ.

බූස්ස අධි ආරක්ෂිත බන්ධනාගාරයේ ඊයේ ඇති වූ නොසන්සුන්කාරී තත්ත්වය මේ වන විට පාලනය කර ඇතැයි බන්ධනාගාර බලධාරීන් ප්‍රකාශ කරයි.

බූස්ස අධි ආරක්ෂිත බන්ධනාගාරයේ සහකාර බන්ධනාගාර අධිකාරිවරයෙකුට පහරදීම සම්බන්ධයෙන් රැඳවියන්ට ආධාර අනුබල දුන් බවට චෝදනා ලැබූ බන්ධනාගාර නියාමකවරුන් සිව්දෙනෙකු රත්ගම පොලිසිය මගින් අත්අඩංගුවට ගෙන ඇත. ගාල්ල දිසාභාර නියෝජ්‍ය පොලිස්පති කාර්යාලය විසින් තහවුරු කරන ලද පරිදි, මෙම අත්අඩංගුවට ගැනීම ඊයේ (08) සවස සිදු විය.