පල්ලෙකැලේ, දුම්බර බන්ධනාගාරයෙන් පලායාමට උත්සාහ කළ 27 හැවිරිදි රක්ෂිත බන්ධනාගාර රැඳවියෙකු අද (01) පස්වරුවේ බන්ධනාගාර ආරක්ෂක නිලධාරීන්ගේ වෙඩි පහරින් ජීවිතක්ෂයට පත්ව තිබේ.

කළුතර බන්ධනාගාර පරිශ්‍රයේ අද (21) පස්වරුවේ හදිසි වෙඩි හඬක් දෝංකාර දුන්නේය. ඒ, ආරක්ෂක අංශවල දැඩි සෝදිසිය නොතකා බන්ධනාගාරය තුළට තහනම් භාණ්ඩ ඇතුළත් පාර්සල් විසිකිරීමට තැත් කළ සැකකරුවෙකුගේ ක්‍රියාකලාපයක් හේතුවෙනි.

සිරගත කර සිටින පූජ්‍ය ගලගොඩඅත්තේ ඥානසාර හිමියන් නිදහස් කළ යුතු බවට අස්ගිරි පාර්ශ්වයේ මහා නායක අතිපූජ්‍ය වරකාගොඩ ශ්‍රී ඥානරතන මාහිමිපාණන් වහන්සේ අද (16) ප්‍රකාශ කළහ.

මෙරට බන්ධනාගාර පද්ධතිය දිගු කලක සිට මුහුණ දෙමින් සිටින දැඩි තදබදයට යම් අස්වැසිල්ලක් ගෙන දෙමින්, පසුගිය මාස කිහිපය තුළ පමණක් බන්ධනාගාර ගත රැඳවියන්ගේ සංඛ්‍යාව හාරදහසකින් පමණ පහත වැටී ඇති බව බන්ධනාගාර දෙපාර්තමේන්තුව පවසයි. මීට ප්‍රධානතම හේතුව වී ඇත්තේ රජයේ රස පරීක්ෂක වාර්තා නිකුත් කිරීමේ ක්‍රියාවලිය වෙනදාට වඩා කඩිනම් වීමයි.

තමන් හැඳ සිටි තිසරපටය තුළ සූක්ෂම ලෙස සඟවාගෙන හෙරොයින් මත්ද්‍රව්‍ය ජාවාරම් කිරීමේ නිරත වූ බවට එල්ල වී තිබූ චෝදනාවකට වරදකාරිය වූ කාන්තාවකට කොළඹ මහාධිකරණය විසින් බරපතළ වැඩ සහිත ජීවිතාන්තය දක්වා වූ සිරදඬුවමක් නියම කර තිබේ.

මීගමුව බන්ධනාගාරයේ සිදුවූ මාරාන්තික ගැටුමට සම්බන්ධයෙන් චෝදනා ලැබ සිටින සැකකාර රැඳවියන් හඳුනාගැනීමේ පෙරට්ටුවක් මීගමුව මහේස්ත්‍රාත් අධිකරණයේදී ඊයේ (22) පවත්වන ලදී. මීගමුව ප්‍රධාන මහේස්ත්‍රාත් ශීලනී පෙරේරා මහත්මියගේ නියෝගයකට අනුව, වැඩබලන මහේස්ත්‍රාත් ඉන්දික සිල්වා මහතා ඉදිරියේ මෙම හඳුනාගැනීමේ පෙරට්ටුව සඳහා මුහුණ ආවරණය කරන ලද සැකකරුවන් හයදෙනෙකු ඉදිරිපත් කරනු ලැබීය.

බන්ධනාගාරගත කර සිටින ප්‍රකට පාතාල කල්ලි නායකයන් සහ මත්ද්‍රව්‍ය ජාවාරම්කරුවන් වන නඳුන් චින්තක වික්‍රමරත්න හෙවත් ‘හරක් කටා’ සහ මන්දිනු පද්මසිරි පෙරේරා හෙවත් ‘කෙහෙල්බද්දර පද්මේ’ යන දෙදෙනා අතර ඊයේ (22) පස්වරුවේ බන්ධනාගාරය තුළදී උණුසුම් ගැටුමක් හටගෙන තිබේ. මෙම සිදුවීමෙන් සුළු තුවාල ලැබූ කෙහෙල්බද්දර පද්මේ ප්‍රතිකාර සඳහා බන්ධනාගාර රෝහලට ඇතුළත් කර ඇති අතර, සිද්ධිය සම්බන්ධයෙන් බන්ධනාගාර බලධාරීන් විසින් පුළුල් විමර්ශනයක් ආරම්භ කර ඇත.

ජාතික ගමනාගමන කොමිෂන් සභාවේ හිටපු සභාපති මෙන්ම ශ්‍රී ලංකා පොදුජන පෙරමුණේ හිටපු පාලක ලේකම්වරයා වන රේණුක පෙරේරා මහතා මේ වන විට කොළඹ රිමාන්ඩ් බන්ධනාගාරයේ රඳවා සිටින බව බන්ධනාගාර දෙපාර්තමේන්තුව තහවුරු කරයි. අල්ලස් හෝ දූෂණ චෝදනා විමර්ශන කොමිෂන් සභාව මගින් අත්අඩංගුවට ගත් ඒ මහතා, කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමෙන් අනතුරුව එළඹෙන 29 වනදා දක්වා රක්ෂිත බන්ධනාගාර ගත කර ඇත.

ශ්‍රී ලංකන් ගුවන් සමාගමට ගුවන් යානා මිලදී ගැනීමේදී සිදුවූ බව කියන රුපියල් මිලියන 100 ක අල්ලස් ලබාගැනීමේ සිද්ධියකට අදාළව අත්අඩංගුවට ගෙන රක්ෂිත බන්ධනාගාරගත කර සිටින ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ මහතාගේ සුවදුක් විමසීම සඳහා ඔහුගේ මව වන ශිරන්ති රාජපක්ෂ මහත්මිය වැලිකඩ බන්ධනාගාරය වෙත ගොස් තිබේ. තම පුතු වෙනුවෙන් පිළියෙල කළ කෑමද රැගෙන ඇය ගොස් තිබේ.

දිවයින පුරා පිහිටි බන්ධනාගාර තුළ නිතර ඇති වන ගැටුම්කාරී තත්ත්වයන් පාලනය කිරීම සඳහා විශේෂ සාකච්ඡාවක් පැවැත්වීමට ශ්‍රී ලංකා මානව හිමිකම් කොමිෂන් සභාව පියවර ගෙන තිබේ. ඒ අනුව, බන්ධනාගාර ප්‍රධානීන් සහ පොලිස්පතිවරයා ඇතුළු වගකිව යුතු ක්ෂේත්‍රවල උසස් නිලධාරීන් එළඹෙන අගෝස්තු 18 වැනිදා එම කොමිෂන් සභාව හමුවට කැඳවා ඇත.

කුරුවිට බන්ධනාගාරයේ ඉකුත් සිකුරාදා රැඳවියන් දෙපාර්ශ්වයක් අතර ඇති වූ දරුණු ගැටුමකදී බන්ධනාගාර ගොඩනැගිලි තුනක වහලවලට දැඩි හානි සිදුව ඇති බව බන්ධනාගාර ආරංචි මාර්ග අනාවරණය කරයි. මෙම ගැටුම අතරතුර රැඳවියන් විසින් ගොඩනැගිලිවල සෙවිලි තහඩු ගලවා ඉවත් කර ඇති අතර, එම සෙවිලි තහඩු යොදාගෙන ආරක්ෂක නිලධාරීන්ට ප්‍රහාර එල්ල කර ඇති බව පොලිසිය පවසයි.

දිවයින පුරා පිහිටි බන්ධනාගාර කිහිපයක ඇති වූ ගැටුම් සහ නොසන්සුන්කාරී තත්ත්වයන් පිටුපස විශාල සංවිධානාත්මක කුමන්ත්‍රණයක් ක්‍රියාත්මක වන බවට බුද්ධි අංශ මගින් තොරතුරු අනාවරණය කරගෙන තිබේ. මෙරට බන්ධනාගාර පහක කැරලි හටගත හැකි බවට බුද්ධි අංශ කළ හෙළිදරව්වෙන් දින කිහිපයකට පසුව, කොළඹ මැගසින්, කුරුවිට සහ මීගමුව පල්ලන්සේන යන බන්ධනාගාරවල මෙලෙස එකවර නොසන්සුන්තාවන් හටගෙන ඇත.

මෙරට බන්ධනාගාර පද්ධතිය තුළ පවතින අධික තදබදයට සාර්ථක විසඳුමක් ලෙස, රිමාන්ඩ් භාරයට ගැනීම හෝ බන්ධනාගාරගත කිරීම වෙනුවට සුදුසු නඩු කටයුතුවලදී සැකකරුවන් සහ වැරදිකරුවන් නිවාස අඩස්සියේ තැබීමට අදාළ නීතිමය විධිවිධාන සකස් කිරීම සඳහා කැබිනට් මණ්ඩලයේ අනුමැතිය හිමිව තිබේ. සෞඛ්‍ය හා ජනමාධ්‍ය අමාත්‍ය, කැබිනට් මාධ්‍ය ප්‍රකාශක වෛද්‍ය නලින්ද ප්යතිස්ස මහතා මේ බව තහවුරු කළේය.

අපරාධ පරීක්‍ෂණ දෙපාර්තමේන්තු භාරයෙන් පලා යෑමට කුමන්ත්‍රණය කිරීම ඇතුළු චෝදනා ලබා සිටින ප්‍රබල මත්ද්‍රව්‍ය ජාවාරම්කරුවකු යැයි කියන නඳුන් චින්තක වික්‍රමරත්න හෙවත් ‘හරක් කටා’ ඇතුළු විත්තිකරුවන්ට එරෙහි නඩුව ත්‍රස්තවාදය වැළැක්වීමේ පනත යටතේ පවත්වාගෙන යා නොහැකි බවට කොළඹ මහාධිකරණය දුන් නියෝගයට එරෙහිව අභියාචනයක් ඉදිරිපත් කිරීමට නීතිපතිවරයා තීරණය කර ඇත. මේ බව නීතිපතිවරයා වෙනුවෙන් පෙනී සිටි රජයේ නීතිඥවරයා විසින් කොළඹ මහාධිකරණ විනිසුරු බුද්ධික සී.

රස පරීක්ෂක වාර්තා ලැබීම දීර්ඝ ලෙස ප්‍රමාද වීම හේතුවෙන් දිවයින පුරා පිහිටි බන්ධනාගාර 22 ක පසුවන සැකකරුවන් 15,117 දෙනෙකුට නිදහස ලබා ගැනීමට නොහැකි වී ඇති බව ජාතික විගණන කාර්යාලයේ අලුත්ම වාර්තාවෙන් හෙළි වේ. එමෙන්ම, අධිකරණය නියම කළ සුළු දඩ මුදල් පවා ගෙවා ගැනීමට නොහැකි වීම නිසා බන්ධනාගාර 28 ක රැඳවියන් 1,940 දෙනෙකු තවදුරටත් රඳවා තබා ගැනීමට සිදු වී ඇති බව ද එම වාර්තාවේ දැක්වේ.

මහර බන්ධනාගාරය තුළ ඇති වූ නොසන්සුන්කාරී තත්ත්වය මේ වන විට පාලනය කර ඇති අතර, එහි ආරක්ෂාව බන්ධනාගාර අධිකාරිය ඇතුළු ආරක්ෂක අංශ විසින් සම්පූර්ණයෙන්ම තහවුරු කර තිබේ. විශේෂ කාර්ය බලකාය, පොලිසිය සහ බන්ධනාගාර පාලනාධිකාරිය එක්ව උදෑසන වන විට බන්ධනාගාරයේ අභ්‍යන්තර පාලනය සම්පූර්ණයෙන්ම තම භාරයට ගෙන ඇති අතර, පෙර දින රාත්‍රියේ එම ස්ථානයට කැඳවා තිබූ ගිනි නිවන රථ සහ ගිලන් රථ ද පරිශ්‍රයෙන් පිටත්ව ගොස් ඇත.

මහර බන්ධනාගාරය තුළ හටගත් නොසන්සුන්කාරී තත්ත්වය පාලනය කර සාමකාමී මට්ටමකට පත් කිරීමට ආරක්ෂක අංශ සමත්ව ඇති බව අධිකරණ අමාත්‍ය නීතිඥ හර්ෂණ නානායක්කාර මහතා සඳහන් කරයි. මෙම සිදුවීම මීට පෙර මීගමුව බන්ධනාගාරයේ ඇති වූ තත්ත්වයට වඩා මුලුමනින්ම වෙනස් ස්වරූපයක් ගන්නා බව ද අමාත්‍යවරයා පෙන්වා දෙයි.

මහර බන්ධනාගාරයේ පිරිසක් අතර ඉකුත් සිකුරාදා පස්වරු 4.00 ට පමණ ආරම්භ වූ උණුසුම්කාරී තත්ත්වය සහ පසුව හටගත් නොසන්සුන්තාව පාලනය කිරීම සඳහා ආරක්ෂක අංශ විසින් ඒකාබද්ධ මෙහෙයුමක් දියත් කර තිබේ. මෙම සිදුවීමේදී එල්ල වූ ගැටුම් හමුවේ රැඳවියෙකු ජීවිතක්ෂයට පත්ව ඇති අතර තවත් පිරිසක් තුවාල ලබා ඇත.

අනුරාධපුර බන්ධනාගාරයේ රඳවා සිටි රැඳවියෙකු සියදිවි නසා ගැනීමට තැත් කිරීම නිසා බරපතළ තත්ත්වයෙන් අනුරාධපුර මහ රෝහලට ඇතුළත් කර ඇති බව අනුරාධපුර පොලිසිය පවසයි. මෙලෙස රෝහල් ගත කර ඇත්තේ තිරප්පනේ ප්‍රදේශයේ පදිංචි 35 හැවිරිදි වියේ පසුවන අයෙකි.

ඇප මුදල් තැන්පත් කිරීමට සහ නියම වූ දඩ මුදල් ගෙවීමට නොහැකි වීම හේතුවෙන් රැඳවියන් 3,371 දෙනෙකු වසර ගණනාවක් තිස්සේ බන්ධනාගාර තුළ නිකරුණේ රැඳී සිටින බව ජාතික විගණන කාර්යාලයේ අලුත්ම වාර්තාවකින් අනාවරණය වේ. බන්ධනාගාර පද්ධතිය තුළ පවතින අධික තදබදයට ද මෙම තත්ත්වය ප්‍රධාන ලෙස බලපා ඇති බව එම වාර්තාව මගින් පෙන්වා දී ඇත.