ශ්රී ලංකන් ගුවන් සමාගමට ගුවන් යානා මිලදී ගැනීමේදී සිදුවූ බව කියන රුපියල් මිලියන 100 ක අල්ලස් ලබාගැනීමේ සිද්ධියකට අදාළව අත්අඩංගුවට ගෙන රක්ෂිත බන්ධනාගාරගත කර සිටින ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතාගේ සුවදුක් විමසීම සඳහා ඔහුගේ මව වන ශිරන්ති රාජපක්ෂ මහත්මිය වැලිකඩ බන්ධනාගාරය වෙත ගොස් තිබේ. තම පුතු වෙනුවෙන් පිළියෙල කළ කෑමද රැගෙන ඇය ගොස් තිබේ.
අල්ලස් හෝ දූෂණ චෝදනා විමර්ශන කොමිෂන් සභාව මගින් අත්අඩංගුවට ගත් නාමල් රාජපක්ෂ මහතා පසුගිය 4 වැනිදා කොළඹ ප්රධාන මහේස්ත්රාත් අධිකරණය හමුවට ඉදිරිපත් කිරීමෙන් අනතුරුව ලබන 18 වනදා දක්වා රක්ෂිත බන්ධනාගාරගත කිරීමට නියෝග කෙරිණි. මේ වන විට ඔහු කොළඹ රිමාන්ඩ් බන්ධනාගාරයේ රඳවා සිටියි.
රක්ෂිත බන්ධනාගාරගතව පසුවන මන්ත්රීවරයාට නිවසින් රැගෙන එන ආහාර ලබාගැනීම සඳහා විශේෂ අවසර හිමිව ඇති අතර, ඔහුව හමුවීමට දිනකට තිදෙනෙකුට පමණක් අවස්ථාව ලබාදී ඇති බව බන්ධනාගාර දෙපාර්තමේන්තුව පවසයි. එමෙන්ම, ඔහු රඳවා සිටින වාට්ටුව ආශ්රිතව විශේෂ ආරක්ෂක වැඩපිළිවෙළක් ක්රියාත්මක කර ඇති බව බන්ධනාගාර මාධ්ය ප්රකාශක සේනක පල්ලේතැන්න මහතා සඳහන් කළේය.