ශ්‍රී ලංකාව විසින් විදේශ ණය වාරිකයක් ලෙස ගෙවීමට නියමිතව තිබූ ඇමෙරිකානු ඩොලර් ලක්ෂ 25 ක දැවැන්ත මුදලක් වංචනික ලෙස වෙනත් පාර්ශවයක බැංකු ගිණුමකට බැරවීමේ බරපතළ සිදුවීම පිළිබඳව විපක්ෂයේ මන්ත්‍රීවරුන් සිවුදෙනෙකු කල්තියා තොරතුරු දැන සිටි බවට කරුණු අනාවරණය වේ. මෙවැනි මූල්‍ය අක්‍රමිකතාවක් පිළිබඳව තොරතුරු ලැබී තිබියදීත්, අදාළ මන්ත්‍රීවරුන් ඒ සම්බන්ධයෙන් බලධාරීන් දැනුවත් කිරීමෙන් හෝ කරුණු හෙළිදරව් කිරීමෙන් වැළකී සිටීම විශේෂත්වයකි.

හම්බන්තොට මත්තල රාජපක්ෂ ජාත්‍යන්තර ගුවන් තොටුපොළේ මෙහෙයුම් කටයුතු වඩාත් කාර්යක්ෂමව පවත්වාගෙන යාම සඳහා සුදුසු ආයෝජකයන්ගෙන් අභිලාෂ ප්‍රකාශ කිරීමේ අයදුම්පත් කැඳවීමට වරාය සහ සිවිල් ගුවන් සේවා අමාත්‍යාංශය පියවර ගෙන තිබේ. ගුවන් තොටුපොළ සහ ගුවන් සේවා (ශ්‍රී ලංකා) පෞද්ගලික සමාගම වෙනුවෙන් ක්‍රියාත්මක වන මෙම වැඩපිළිවෙළේ ප්‍රධාන අරමුණ වන්නේ මත්තල ගුවන් තොටුපොළ සතු සම්පත් උපරිම අයුරින් ප්‍රයෝජනයට ගැනීම සඳහා සුදුසු ආයෝජන අවස්ථා හඳුනා ගැනීමයි.

ක්ලීන් ශ්‍රී ලංකා' (Clean Sri Lanka) ජාතික වැඩසටහන යටතේ ක්‍රියාත්මක වන 'සිහින ගමනාන්තය' දුම්රිය ස්ථාන සියයක් නවීකරණය කිරීමේ ව්‍යාපෘතියට සමගාමීව, මරදාන දුම්රිය ස්ථානයේ සිදුකෙරුණු නවීකරණ කටයුතුවල පළමු අදියර මේ වන විට සාර්ථකව අවසන් කර ඇත. ඒ අනුව, මගී ජනතාව වෙනුවෙන් එම නව පහසුකම් විවෘත කරදීම ප්‍රවාහන, මහාමාර්ග හා නාගරික සංවර්ධන අමාත්‍ය බිමල් රත්නායක මහතාගේ ප්‍රධානත්වයෙන් අද (25) දින සිදු කෙරිණි.

මෝටර් රථ ප්‍රවාහන දෙපාර්තමේන්තුව විශේෂ වාහන ලියාපදිංචි අංක නිකුත් කිරීමේ ක්‍රමවේදයක් හරහා ගතවූ වසර හතරක කාලසීමාව තුළ රුපියල් කෝටි 118ක දැවැන්ත ආදායමක් උපයා ගැනීමට සමත්ව තිබේ. පවතින සාමාන්‍ය අංක පිළිවෙළට වඩා අංක ලක්ෂයක් ඉදිරියෙන් ඇති විශේෂ අංක තහඩු වෙන්කර දීමෙන් මෙම ආදායම හිමිකරගෙන ඇති බව රජයේ මුදල් පිළිබඳ පාර්ලිමේන්තු කාරක සභාව හමුවේ අදාළ දෙපාර්තමේන්තු නිලධාරීන් විසින් අනාවරණය කරනු ලැබීය.

ඕස්ට්‍රේලියානු අපනයන මූල්‍ය නියෝජිතායතනය (Australian Export Finance Agency) වෙත ගෙවීමට තිබූ අරමුදල් වංචනික ලෙස ලබා ගත් හැකර්වරුන්, ඊට අමතරව ඉන්දියාවට කිරීමට තිබූ ගෙවීමක් ද එලෙසම ලබා ගැනීමට උත්සාහ කර ඇති බව මුදල් නියෝජ්‍ය අමාත්‍ය ආචාර්ය අනිල් ජයන්ත මහතා පවසයි. මෙම දැවැන්ත මූල්‍ය වංචාව පිළිබඳව මුලින්ම අනාවරණය වී ඇත්තේ ඔවුන් විසින් ඉන්දියාවට ගෙවීමට තිබූ අදාළ අරමුදල් වෙනත් පාර්ශ්වයක් වෙත හැරවීමට ගත් උත්සාහයත් සමග බව ඒ මහතා වැඩිදුරටත් සඳහන් කළේය.

එළඹෙන 2570 වන ශ්‍රී බුද්ධ වර්ෂය උදෙසා වන රාජ්‍ය වෙසක් මහෝත්සවය මෙවර මාතර දිස්ත්‍රික්කය මූලික කරගනිමින් පැවැත්වීමට රජය තීරණය කර තිබේ. ඒ අනුව, 2026 මැයි මස 27 වන දින සිට ජූනි මස 02 වන දා දක්වා කාලසීමාව ජාතික වෙසක් සතිය ලෙස ප්‍රකාශයට පත් කර ඇති අතර, එහි ප්‍රධාන සමාරම්භක උළෙල මැයි 27 වන දින මාතර, තිහගොඩ පිහිටි මිදෙල්ලවල පුරාණ රජමහා විහාරස්ථානයේදී අතිශය උත්කර්ෂවත් අන්දමින් පැවැත්වීමට සියලු කටයුතු සූදානම් කර ඇත.

ආබාධ සහිත පුද්ගලයන්ගේ ප්‍රවාහන අවශ්‍යතා වෙනුවෙන් ප්‍රමුඛතාව ලබා දෙන විශේෂ පහත් පතුල් සහිත බස් රථ සේවාවක් නියමු ව්‍යාපෘතියක් ලෙස අද (21) දින ආරම්භ කෙරිණි. මාකුඹුර බහුවිධ ප්‍රවාහන මධ්‍යස්ථානයේදී පැවති මෙම සමාරම්භක අවස්ථාව සඳහා ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක මහතා ඇතුළු මැති ඇමතිවරු පිරිසක් සහභාගී වූහ.

අනුරාධපුර කලාප අධ්‍යාපන අධ්‍යක්ෂිකා මහේෂි මංජරිකා හෙට්ටිආරච්චි මහත්මිය මූල්‍ය චෝදනා තුනක්, කූට ලේඛන සැකසීමක් සහ පරිපාලන දුර්වලතා පිළිබඳ චෝදනාවක් ඇතුළු එල්ල වී තිබූ සියලුම චෝදනාවලට වරදකරු බවට උතුරු මැද පළාත් ප්‍රධාන ලේකම් ජේ.එම්.ආර්.ජී. ජයසිංහ මහතා විසින් නිල වශයෙන් තීන්දු කර තිබේ.

අමෙරිකානු ප්‍රහාරයකින් තුවාල ලබා , ශ්‍රී ලංකා නාවික හමුදාව මගින් බේරා ගෙන මෙරට තුළ රදවා සිටි ඉරාන ජාතිකයන් 238 දෙනෙකු , ඉරාන විශේෂ ගුවන් යානයකින් ඊයේ(14) රාත්‍රී ආපසු රැගෙන යාමට පියවර ගෙන තිබේ.

දරුවන්ගේ මන්දපෝෂණ තත්ත්වය පිටුදැකීම උදෙසා රජය විසින් ක්‍රියාත්මක කරනු ලබන පාසල් උදෑසන ආහාර ලබාදීමේ වැඩසටහන මේ වන විට දැඩි අර්බුදයකට මුහුණ පා තිබේ. මෙරට සමස්ත පාසල් සිසුන් ලක්ෂ හතළිහක් පමණ සිටින අතර, ඉන් ලක්ෂ දහහතරකට පමණ රජය මගින් මෙම නොමිලේ ආහාර වේල සපයනු ලබයි.

පොදු ව්‍යාපාර පිළිබඳ කාරක සභාව හෙවත් කෝප් (COPE) කමිටුවට සහ රජයේ ගිණුම් පිළිබඳ කාරක සභාව හෙවත් කෝපා (COPA) කමිටුවට රාජ්‍ය ආයතනවල සිදුවන දූෂණ සහ වංචා සම්බන්ධයෙන් සෘජුවම නීතිමය පියවර ගැනීම සඳහා පැමිණිලි කිරීමට නව බලතල හිමිවී තිබේ. පසුගිය සතියේදී පාර්ලිමේන්තුවේ ඒකමතික තීරණයකින් යුතුව ස්ථාවර නියෝග සඳහා ගෙන ආ නව සංශෝධන දෙකක් සම්මත වීමත් සමඟ මෙම සුවිශේෂී අවස්ථාව උදා වී ඇත.

මැදපෙරදිග කලාපයේ පවතින අර්බුදකාරී වාතාවරණය හමුවේ වුවද ශ්‍රී ලංකාව තුළ කිසිදු ඉන්ධන හිඟයක් ඇතිවීමට ඉඩ නොතබන බවත්, අඛණ්ඩව ඉන්ධන සැපයුම තහවුරු කිරීමට චීනය සහතික වන බවත් ශ්‍රී ලංකාවේ චීන තානාපති චී ජෙන්හොං මහතා ප්‍රකාශ කරයි. ගෝලීය වශයෙන් මතුව ඇති මෙවැනි අවිනිශ්චිතතාවයන් මධ්‍යයේ වුවද, ශ්‍රී ලංකාවට ලබාදෙන සහයෝගය නොකඩවා පවත්වාගෙන යන බව ද හෙතෙම අවධාරණය කළේය.

එළඹෙන සිංහල හා හින්දු අලුත් අවුරුදු උත්සව සමය වෙනුවෙන් මහජනතාවට සහනයක් සැලසීමේ අරමුණින් අද (11) මධ්‍යම රාත්‍රියේ සිට අප්‍රේල් 18 වනදා දක්වා පෙට්‍රල් භාවිත කරන වාහන සඳහා 'QR' කේත පටිපාටියෙන් තොරව ඉන්ධන ලබාදීමට තීරණය කර ඇත. අද පැවති විශේෂ මාධ්‍ය හමුවකට එක්වෙමින් ලංකා ඛනිජ තෙල් නීතිගත සංස්ථාවේ සභාපති ජනක රාජකරුණා මහතා මේ බව නිල වශයෙන් නිවේදනය කළේය.

ශ්‍රී ලංකා මෝටර් රථ ප්‍රවාහන දෙපාර්තමේන්තුව තුළ උද්ගතව ඇති පරිපාලනමය දුර්වලතා සහ තාක්ෂණික පද්ධතිවල දෝෂයන් මුල් කරගනිමින් මේ වන විට වාහන ලියාපදිංචි කිරීමේ කටයුතු විශාල වශයෙන් ප්‍රමාද වෙමින් පවතින බව වාර්තා වේ.

ලබුගම සහ කලටුවාව ජල පිරිපහදු මධ්‍යස්ථාන ආශ්‍රිතව පවතින ජල මට්ටම මේ දිනවල ඉතා ශීඝ්‍රයෙන් පහත වැටෙමින් පවතින බැවින්, ප්‍රදේශ ගණනාවකට අද (08) සහ හෙට (09) යන දිනවලදී පැය දොළහක ජල කප්පාදුවක් සිදු කිරීමට සිදුවන බව ජාතික ජල සම්පාදන සහ ජලාපවහන මණ්ඩලය පවසයි. මෙම තත්ත්වය මත විවිධ කාලසීමාවන් යටතේ අදාළ ප්‍රදේශ සඳහා ජල සැපයුම අත්හිටුවීමට පියවර ගෙන තිබේ.

අද (5) මධ්‍යම රාත්‍රියේ සිට ලිට්‍රො හා ලාෆ්ස් ගෑස් මිල සංශෝධනය කර තිබේ. ලිට්‍රො වෙනස්කම පහත පරිදිය.

2013 වර්ෂයේ පැවති දැයට කිරුළ ජාතික ප්‍රදර්ශනයට සමගාමීව තාවකාලික වැසිකිළි පද්ධතියක් ඉදිකිරීමේ ටෙන්ඩරය සිය පුත්‍රයාගේ සමාගමකට ලබා දීම හරහා රජයට රුපියල් ලක්ෂ අනූවක මූල්‍යමය පාඩුවක් සිදුකළ බවට චෝදනා ලැබ සිටි එම ප්‍රදර්ශනයේ හිටපු අධ්‍යක්ෂවරියක ඇප මත මුදා හැරීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා ඊයේ (02) නියෝග කළේය.

නිසි ක්‍රමවේදයන්ගෙන් බැහැරව සහ වෛද්‍යවරුන්ගේ කැමැත්තෙන් තොරව ඔවුන් ලවා බලහත්කාරයෙන් රාජකාරි කරවා ගැනීමට වත්මන් රජය මෙන්ම සෞඛ්‍ය අමාත්‍ය වෛද්‍ය නලින්ද ජයතිස්ස මහතා උත්සාහ දරමින් සිටින බවට රජයේ වෛද්‍ය නිලධාරීන්ගේ සංගමය දැඩි චෝදනාවක් එල්ල කර සිටී.

2025 (2026) අධ්‍යයන පොදු සහතික පත්‍ර උසස් පෙළ විභාගයේ ප්‍රතිඵල මේ වන විට නිල වශයෙන් නිකුත් කර ඇති බව ශ්‍රී ලංකා විභාග දෙපාර්තමේන්තුව නිවේදනය කර තිබේ. දිවයින පුරා විසිරී සිටින, මෙවර විභාගයට පෙනී සිටි සියලුම පාසල් සහ පෞද්ගලික අයදුම්කරුවන්ට දැන් සිය ප්‍රතිඵල විමසා බැලීමට අවස්ථාව උදා වී ඇත.

ශ්‍රීලන්කන් ගුවන් සේවයේ සහ ශ්‍රීලන්කන් කේටරින් ආයතනයේ සභාපතිවරයා ලෙස කටයුතු කළ සරත් ගනේගොඩ මහතා මාර්තු 31 වැනිදා සිට ක්‍රියාත්මක වන පරිදි සිය ධුරයෙන් ඉල්ලා අස්වී තිබේ.