උච්ච අධිකරණ විනිසුරුවරුන්ගේ විශ්‍රාම යෑමේ වයස් සීමාව ඉහළ නැංවීමට අදාළව යෝජිත 22 වන ආණ්ඩුක්‍රම ව්‍යවස්ථා සංශෝධනය සම්බන්ධයෙන් මහා නායක හිමිවරුන් විසින් ජනාධිපති අනුර කුමාර දිසානායක මහතා වෙත ලිපියක් යොමු කර ඇති බව මල්වතු පාර්ශ්වයේ මහානායක අතිපූජ්‍ය තිබ්බටුවාවේ ශ්‍රී සුමංගල මහා නාහිමියෝ තහවුරු කළහ. ආණ්ඩුව විසින් මෙතෙක් කල් එවැනි ලිපියක් ජනාධිපතිවරයා වෙත ලැබී නොමැති බව ප්‍රකාශ කර තිබූ පසුබිමක උන්වහන්සේ මෙම අනාවරණය සිදු කළහ.

දිවයින පුරා අද (9) පැවැත්වෙන පහ ශ්‍රේණිය ශිෂ්‍යත්ව විභාගය සහ අගෝස්තු 10 වැනිදා ආරම්භ වන අධ්‍යයන පොදු සහතික පත්‍ර උසස් පෙළ විභාගය කිසිදු බාධාවකින් තොරව සාර්ථකව පවත්වා නිමකිරීම සඳහා සියලු සංවිධාන කටයුතු යොදා තිබේ. කාලගුණ විද්‍යා දෙපාර්තමේන්තුව, ආපදා කළමනාකරණ මධ්‍යස්ථානය සහ විභාග දෙපාර්තමේන්තුව එක්ව පවත්වන ලද විශේෂ සාකච්ඡාවකින් අනතුරුව අයහපත් කාලගුණයෙන් සිදුවිය හැකි බලපෑම් කළමනාකරණය කරගැනීමට පියවර ගෙන ඇති බව විභාග කොමසාරිස් ජනරාල් ඉන්දිකා කුමාරි ලියනගේ මහත්මිය පැවසුවාය.

'එකමුතුව එක්වෙමු - පිරිසිදු ශ්‍රී ලංකාවක් ගොඩනගමු' යන තේමාව පෙරදැරි කරගනිමින්, සමස්ත දිවයිනම ආවරණය වන පරිදි ක්‍රියාත්මක කෙරෙන "අත්තම" ජාතික පවිත්‍රතා වැඩසටහන ඊයේ (8) ආරම්භ විය. පරිසර සුරක්ෂිතතාව සහ ප්‍රජා සහජීවනය උදෙසා සංවිධානය කර ඇති මෙම දැවැන්ත පුරවැසි මෙහෙයුම, දිවයිනේ පිහිටි සියලුම ග්‍රාම නිලධාරී වසම් ආවරණය වන පරිදි ක්‍රියාත්මක කිරීමට පියවර ගෙන ඇත.

දිවයිනේ බන්ධනාගාර තුළ මෑතකදී වර්ධනය වූ නොසන්සුන්කාරී තත්ත්වයන් පාලනය කිරීමේ ක්ෂණික පියවරක් ලෙස, මෑතකදී විශ්‍රාම ලැබූ ත්‍රිවිධ හමුදා නිලධාරීන් 1,000 දෙනෙකු බන්ධනාගාර නියාමකවරුන් ලෙස බඳවා ගැනීමට රජය තීරණය කර තිබේ. මෙයට අමතරව රට පුරා පිහිටි බන්ධනාගාර 32 හිම විශේෂ කාර්ය බලකා (STF) ඒකක ස්ථාපනය කිරීමට ද පියවර ගෙන ඇත.

පාපන්දු ලොව අතිපූජනීය ක්‍රීඩකයෙකු වන ලියොනල් මෙසීගේ පියා, මෙන්ම සමීපතම උපදේශකයා වූ ජෝර්ජ් හොරාසියෝ මෙසී වසර 68 ක් ආයු විඳ දීර්ඝකාලීන අසනීප තත්ත්වයකින් පසු අභාවප්‍රාප්ත වී තිබේ. ආර්ජන්ටිනාවේ රොසාරියෝ හි පිහිටි සැනටෝරියෝ සෙන්ට්‍රෝ වෛද්‍ය සායනයේදී 2026 අගෝස්තු 8 වන සෙනසුරාදා පාන්දර 2.00 ට පමණ ඔහු අවසන් සුසුම් හෙළූ බව එම රෝහලේ වෛද්‍ය අධ්‍යක්ෂ ඩොක්ටර් කාර්ලෝස් මැකී තහවුරු කළේය.

සමාජ මාධ්‍ය ජාලයන්හි දැඩි ලෙස සංසරණය වූ වීඩියෝ පටයක පූසෙකුට හිංසා පමුණුවන අයුරු සටහන්ව තිබූ සිදුවීමට අදාළව සැකකරුවන් දෙදෙනෙකු අත්අඩංගුවට ගත් බව පොලිසිය පවසයි.

මැදපෙරදිග කලාපයේ හටගත් අර්බුදකාරී වාතාවරණය හේතුවෙන් තාවකාලිකව අත්හිටුවා තිබූ කුවේටය සහ කොළඹ අතර ශ්‍රී ලංකන් ගුවන් සේවයේ මෙහෙයුම් කටයුතු අද (08) පස්වරුවේ සිට යළි ආරම්භ කිරීමට පියවර ගෙන තිබේ. සිවිල් ගුවන් සේවා අධිකාරිය විසින් මේ බව තහවුරු කර ඇත.

ජංගම දුරකථන අංකය වෙනස් නොකර සේවා සැපයුම්කරු මාරු කිරීමේ (Mobile Number Portability - MNP) පහසුකම එළඹෙන සැප්තැම්බර් මාසයේදී ආරම්භ නොවන බව පවසමින් රජය විසින් විශේෂ පැහැදිලි කිරීමක් සිදුකර තිබේ. ඩිජිටල් ආර්ථික කටයුතු පිළිබඳ නියෝජ්‍ය අමාත්‍ය ඉංජිනේරු එරංග වීරරත්න මහතා පාර්ලිමේන්තුවේදී කළ ප්‍රකාශයක් පදනම් කරගනිමින් පළවූ මාධ්‍ය වාර්තා නිවැරදි කරමින් රජය මෙම නිවේදනය නිකුත් කර ඇත.

පසුගිය 2020 වසරේ සිට 2025 වසර දක්වා වූ පස් වසරක කාලය තුළදී මෙරට විශේෂඥ වෛද්‍යවරුන් 3,791 දෙනෙකු විදේශගත වී ඇති බව සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි මහතා පෙරේදා (06) පාර්ලිමේන්තුවේදී අනාවරණය කළේය. මෙලෙස රට හැර ගිය පිරිසෙන් වැඩි පිරිසක් විදේශගත වී ඇත්තේ සිය පශ්චාත් උපාධි අධ්‍යාපන කටයුතු සම්පූර්ණ කරගැනීමේ අරමුණින් බව පෙන්වා දුන් නියෝජ්‍ය අමාත්‍යවරයා, විදේශ රැකියා ලබා යාම, සිය කලත්‍රයා සමඟ විදේශගත වීම, විවිධ අධ්‍යාපනික කටයුතු මෙන්ම මදසරුභාවය සඳහා ප්‍රතිකාර ලබාගැනීම වැනි අනෙකුත් අවශ්‍යතාවන් වෙනුවෙන් සෙසු පිරිස පිටව ගොස් ඇති බවද සඳහන් කළේය.

යතුරුපැදියකින් ගමන් කරමින් අතුරු මාර්ගවල පාළු ස්ථානවල පෙම්වතුන් සේ රැඳී සිටිමින් දීර්ඝ කාලයක් තිස්සේ මහා පරිමාණයෙන් මත්පෙති ජාවාරමේ නිරත වූ අඹුසැමි යුවළක් මත්පෙති 90ක් ද සමගින් අත්අඩංගුවට ගැනීමට හෝමාගම කොට්ඨාස විෂ මත්ද්‍රව්‍ය වැටලීම් ඒකකය සමත්ව තිබේ.

ජාතික පොලිස් කොමිෂන් සභාවේ තීරණයට අනුව පොලිස්පති ප්‍රියන්ත වීරසූරිය මහතා විසින් ජ්‍යෙෂ්ඨ නියෝජ්‍ය පොලිස්පතිවරුන් සිව්දෙනෙකු සඳහා වහාම ක්‍රියාත්මක වන පරිදි ස්ථාන මාරුවීම් ලබා දී ඇත.

ශ්‍රී ලංකා දුම්රිය දෙපාර්තමේන්තුව මගින් ක්‍රියාත්මක කිරීමට නියමිත ප්‍රධාන යටිතල පහසුකම් ව්‍යාපෘති කිහිපයක වත්මන් ප්‍රගතිය පිළිබඳව ප්‍රවාහන හා මහාමාර්ග නියෝජ්‍ය අමාත්‍ය ප්‍රසන්න ගුණසේන මහතා පාර්ලිමේන්තුවේදී තොරතුරු අනාවරණය කළේය. කැලණිවැලි දුම්රිය මාර්ගය රත්නපුරය දක්වා දීර්ඝ කිරීම, කොළඹ තදාසන්න දුම්රිය මාර්ග විදුලියනය කිරීම සහ නව දුම්රිය කට්ටල මිලදී ගැනීම ඇතුළු තීරණාත්මක සංවර්ධන පියවර රැසක් ඉදිරියට ගෙන යාමට පියවර ගනිමින් සිටින බව අමාත්‍යවරයා මෙහිදී පැහැදිලි කළේය.

ශ්‍රී ලංකාවේ සාහිත්‍ය, කලා සහ සංස්කෘතික ක්ෂේත්‍ර උදෙසා අසමසම මෙහෙවරක් ඉටු කළ ප්‍රමුඛ පෙළේ විද්වතකු වූ මහාචාර්ය විමල් දිසානායක මහතා ඊයේ අභාවප්‍රාප්ත විය. මියයන විට ඒ මහතා 87 වැනි වියෙහි පසුවූ අතර, හෙතෙම ජනසන්නිවේදනය, සිනමාව, සාහිත්‍යය මෙන්ම සෞන්දර්ය කලා විෂයයන් සම්බන්ධයෙන් පූර්ණ ප්‍රමාණිකත්වයක් ඉසිලූ සම්භාවනීය පණ්ඩිතයෙකි.

රසිකයින් නොඉවසිල්ලෙන් බලාගෙන සිටි සාරංග දිසාසේකරගේ වෙනස්ම රංගනයක් සමඟ ආරම්භ වූ “Toy එක” නව කතාමාලාවේ ටීසරය මේ වනවිට සමාජ මාධ්‍යට නිකුත් වී තිබෙනවා.

රත්මලාන, ගොනා කෝවිල ප්‍රදේශයේ පිහිටි නිවසක් වටලා දේශීය නිෂ්පාදිත අත්බෝම්බයක් ඇතුළු විවිධ මාරාන්තික ආයුධ රැසක් සමඟ සැකකරුවන් හයදෙනෙකු අත්අඩංගුවට ගැනීමට ගල්කිස්ස දූෂණ මර්දන අංශයේ නිලධාරීන් සමත්ව තිබේ. මෙම සෝදිසි කිරීමේදී කඩු තුනක්, කෙටේරියක්, කිනිසි තුනක් සහ අදාළ අත්බෝම්බය පොලිස් භාරයට ගෙන ඇත.

දිවයින පුරා පිහිටි බන්ධනාගාර කිහිපයක ඇති වූ ගැටුම් සහ නොසන්සුන්කාරී තත්ත්වයන් පිටුපස විශාල සංවිධානාත්මක කුමන්ත්‍රණයක් ක්‍රියාත්මක වන බවට බුද්ධි අංශ මගින් තොරතුරු අනාවරණය කරගෙන තිබේ. මෙරට බන්ධනාගාර පහක කැරලි හටගත හැකි බවට බුද්ධි අංශ කළ හෙළිදරව්වෙන් දින කිහිපයකට පසුව, කොළඹ මැගසින්, කුරුවිට සහ මීගමුව පල්ලන්සේන යන බන්ධනාගාරවල මෙලෙස එකවර නොසන්සුන්තාවන් හටගෙන ඇත.

ඉදිරි වසර 40 තුළ ඕස්ට්‍රේලියාවේ ඩිමෙන්ශියා (dementia) රෝගීන්ගේ සංඛ්‍යාව දෙගුණයකටත් වඩා වැඩි වී මිලියන 1.1 කට ආසන්න වනු ඇතැයි අපේක්ෂා කෙරෙන අතර ඉන් බහුතරය කාන්තාවන් වනු ඇත. ඕස්ට්‍රේලියානු සෞඛ්‍ය සහ සුබසාධන ආයතනයේ (AIHW) නවතම දත්ත වලට අනුව, අඛණ්ඩව දෙවන වසරටත් රටේ ප්‍රධානතම මරණ හේතුව බවට ඩිමෙන්ශියාව පත්ව තිබේ.

පවතින උණුසුම් කාලගුණ තත්ත්වය ප්‍රයෝජනයට ගනිමින් අයිස්ක්‍රීම් අලෙවිකරුවන් විසින් සාමාන්‍ය අයිස්ක්‍රීම් කෝන් එකක් සඳහා අධික මිලක් අය කරනු ලබන බවට දැඩි චෝදනා එල්ල වී තිබේ. ඇතැම් ස්ථානවල එක් අයිස්ක්‍රීම් කෝන් එකක් පවුම් 7කට ආසන්න මුදලකට අලෙවි කරනු ලබන අතර, මෙම අධික මිල නියම කිරීම් සම්බන්ධයෙන් දෙමාපියන් දැඩි අප්‍රසාදය පළ කර ඇත.

සීතාඑළිය රක්ෂිතයට විනෝදයට ගිනිතබා කැලෑව විනාශකිරීමේ චෝදනාවට වරද පිළිගත් පුද්ගලයකුට රුපියල් 40,000/-ක දඩයක් නියම කළ නුවරඑළිය මහේස්ත්‍රාත් බුද්ධිකා හර්ෂනී ධර්මදාස මහත්මිය වනයට සිදුකළ හානිය වෙනුවෙන් රුපියල් ලක්‍ෂ 04කට අධික වන්දියක් ගෙවීමටද නියම කළාය.

තම පැටවා මියගිය දුක දරාගැනීමට නොහැකිව දින හයක් සිය කර මත තබාගෙන ඕස්ට්‍රේලියාවේ පර්ත් නගරයට ඔබ්බෙන් පිහිටි වෙරළේ පිහිනූ ඩොල්ෆින් මවකගේ දර්ශන පෙළකට ඊයේ වනවිට සමාජ මාධ්‍ය තුළ විශාල අවධානයක් හිමිව තිබිණි.