ඉන්දියාවේ උත්තර ප්‍රදේශ් ප්‍රාන්තයේ ලක්නව් නුවර අලිගන්ජ් ප්‍රදේශයේ පිහිටි තෙමහල් වාණිජ ගොඩනැගිල්ලක අද 22 වන සඳුදා දින පස්වරු කාලයේදී හටගත් දරුණු ගින්නකින් පුද්ගලයන් 15 දෙනෙකු පමණ ජීවිතක්ෂයට පත්ව ඇති බව වාර්තා වේ. පූරානියා ප්‍රදේශයේ උෂා මාර්ගයේ පිහිටි මෙම ගොඩනැගිල්ලේ පස්වරු 3.00 ට පමණ මෙම අනතුර සිදුව ඇති අතර, මියගිය අයගෙන් බහුතරය එහි ඉහළ මහලක පවත්වාගෙන ගිය සජීවීකරණ සහ පරිගණක ක්‍රීඩා පුහුණු මධ්‍යස්ථානයකට පැමිණි වයස අවුරුදු 16-17 ක පමණ පසුවන තරුණ සිසුන් බව තහවුරු වී තිබේ.

ඉන්දියානු යුධ හමුදාව විසින් යටත්විජිත යුගයට අයත් පැරණි පිළිවෙත් සහ භාවිතයන් ඉවත් කරමින්, දේශීය අනන්‍යතාවය තහවුරු කිරීමේ අරමුණින් නව නිල ඇඳුම් ප්‍රතිපත්තියක් හඳුන්වා දී තිබේ. නවදිල්ලියේදී නිවේදනය කෙරුණු මෙම පියවර, හමුදා සම්ප්‍රදායන් නවීකරණය කිරීම සහ අනවශ්‍ය උපාංග ඉවත් කිරීම සඳහා ගනු ලැබූ සුවිශේෂී තීරණයක් ලෙස සැලකේ.

පසුගිය 2025 වසරේ ජූනි මස 12 වනදා සිදු වූ එයාර් ඉන්දියා බෝයිං 787-8 ඩ්‍රීම්ලයිනර් (Air India Boeing 787-8 Dreamliner) ගුවන් යානා අනතුරට වසරක් සපිරීම නිමිත්තෙන්, එම අනතුරෙන් ජීවිතක්ෂයට පත් වූවන් සිහිපත් කරමින් ඔවුන්ගේ පවුල්වල සාමාජිකයන් විසින් විශේෂ ගුණානුස්මරණ සහ ආගමික වතාවත් සංවිධානය කර තිබේ. මෙම අනතුර සිදු වූ අහමදාබාද්හි බී.ජේ.

ඉන්දියාවේ චෙන්නායි හි මෑතක පනවනු ලැබූ නීතියක් නිසා ඉන්දියානු රුපියල් 10 කාසි වලට විශාල ඉල්ලුමක් මතුවී ඇත. වාර්තාවලට අනුව, හිස් මත්පැන් බෝතල් නැවත භාරදීමේදී රුපියල් 10 බැගින් මුදල් ආපසු ලබාදීමේ නව ක්‍රමවේදය හේතුවෙන්, මෑතක් වන තුරුම භාවිතයෙන් ඉවත්ව තිබූ රුපියල් 10 කාසි සඳහා නැවතත් විශාල ඉල්ලුමක් නිර්මාණය වී තිබේ.

2012 වසරේ පූනේ රූමතිය (Miss Pune) තරඟයේ කිරුළ පැළඳි, මෙන්ම රංගන ශිල්පිණියක සහ නිරූපිකාවක වූ 33 හැවිරිදි ත්විෂා ශර්මාගේ අභිරහස් මරණය මේ දිනවල ඉන්දියාව පුරා දැඩි ආන්දෝලනයකට තුඩු දී තිබේ. පසුගිය මැයි 12 වැනිදා භෝපාල් හි කටාරා හිල්ස් ප්‍රදේශයේ පිහිටි ඇයගේ සැමියාගේ නිවසේදී ඇය ජීවිතක්ෂයට පත්ව තිබූ අතර, විවාහ වී මාස පහක් වැනි කෙටි කාලයක් තුළ සිදුවූ මෙම මරණය දෑවැද්ද හේතුවෙන් සිදුකළ ගෘහස්ථ හිංසනයක් ද යන්න පිළිබඳව සමාජය තුළ දැඩි කතාබහක් නිර්මාණය වී ඇත.

ඉන්දියාවේ කේරළ ප්‍රාන්තයේ බලයට පත් නව රජය විසින් රාජ්‍ය අංශයට අයත් ප්‍රවාහන සේවයේ බස් රථවල කාන්තාවන්ට නොමිලේ ගමන් කිරීමට අවස්ථාව ලබා දීමට ගත් තීරණය මේ වන විට විවිධ පාර්ශ්වයන්ගේ දැඩි කනස්සල්ලට හා සංවාදයට ලක්ව තිබේ. දැනටමත් දැඩි මූල්‍ය අර්බුදයකට මුහුණ දී සිටින කේරළ ප්‍රාන්ත ගමනාගමන සංස්ථාවට (KSRTC) මෙමඟින් එල්ල විය හැකි බලපෑම මෙන්ම, ප්‍රාන්තයේ ප්‍රබලව ක්‍රියාත්මක වන පෞද්ගලික බස් කර්මාන්තය මුළුමනින්ම කඩා වැටීමේ අවදානමක් පවතින බවට පෞද්ගලික බස් රථ හිමියන් බිය පළ කරති.

දෙමළ සිනමා කර්මාන්තයේ ප්‍රවීණ චිත්‍රපට නිෂ්පාදකයෙකු, අධ්‍යක්ෂවරයෙකු, රචකයෙකු මෙන්ම රංගන ශිල්පියෙකු ද වූ කේ. රාජන් මහතා 2026 මැයි 17 වන දින ඉන්දියාවේ චෙන්නායි නුවරදී සියදිවි නසාගෙන තිබේ.

2026 මැයි 17 වන දින චෙන්නායි හි පෝස් ගාඩ්න් (Poes Garden) නිවසේදී පැවති මාධ්‍ය හමුවකදී ප්‍රවීණ දෙමළ සිනමා තරුවක් වන රජිනිකාන්ත්, නළුවෙකු වී පසුව දේශපාලනයට පිවිසි තලපති විජේ (C. Joseph Vijay) තමිල්නාඩු මහ ඇමතිවරයා ලෙස පත්වීම පිළිබඳව සිය අදහස් දැක්වීය.

තමිල්නාඩු මහ ඇමතිවරයා ලෙස පත්වූ, ජනප්‍රිය නළුවෙකු මෙන්ම තමිලග වෙට්‍රි කලගම් (TVK) පක්ෂයේ නායක සී. ජෝසප් විජේ විසින් සිය පෞද්ගලික ජ්‍යෝතිෂවේදියා වන රිකී රාධන් පණ්ඩිත් වේල්වෙල් (රතින් පණ්ඩිත්) මහ ඇමති කාර්යාලයේ විශේෂ රාජකාරි නිලධාරියෙකු (දේශපාලන) ලෙස පත්කර දිනක් ඇතුළත එම පත්කිරීම අවලංගු කර තිබේ.

ශ්‍රී ලංකාවට ආසන්නම ඉන්දීය ප්‍රාන්තය වන තමිල්නාඩුවේ මහඇමති ධූරය පෙරළිකාර දේශපාලන වෙනසකට අද සිට පත්ව ඇත. තමිල් වෙට්‍රි කලහම් (TVK) පක්ෂයේ නිර්මාතෘ සහ සභාපති සී.

තමිල්නාඩු ප්‍රාන්තයේ නව රජයක් පිහිටුවීම සම්බන්ධයෙන් පවතින දේශපාලන අවිනිශ්චිතතාවය මේ වන විට දැඩි අර්බුදකාරී මුහුණුවරක් ගෙන ඇති අතර නළුවෙකු මෙන්ම දේශපාලනඥයෙකු වන විජේගේ තමිලග වෙට්ට්‍රි කසාගම් (TVK) පක්ෂය බලය ලබාගැනීම සඳහා දැඩි උත්සාහයක නිරත වෙයි. මෑතකදී නිමාවට පත් වූ මැතිවරණයෙන් ආසන 108ක් දිනා ගනිමින් විශාලතම තනි පක්ෂය බවට පත්ව සිටින විජේගේ පක්ෂයට කොන්ග්‍රසය සහ වාමාංශික පක්ෂවල සහයෝගය ලැබෙන බවට මුලින් ඉඟි පළ වුවද, මුස්ලිම් ලීගය (IUML) දිගින් දිගටම DMK සන්ධානයට පක්ෂපාතීත්වය දැක්වීම සහ VCK පක්ෂය සිය ස්ථාවරය ප්‍රකාශ කිරීම ප්‍රමාද කිරීම හේතුවෙන් රජයක් පිහිටුවීමට අවශ්‍ය බහුතරය සපුරා ගැනීම අභියෝගයක් වී තිබේ.

2026 තමිල්නාඩු ප්‍රාන්ත මැතිවරණයෙන් අනතුරුව ප්‍රධාන අමාත්‍යවරයා ලෙස දිවුරුම් දීමට සූදානම් වූ තමිලග වෙට්‍රි කලගම් (TVK) පක්ෂයේ නිර්මාතෘ තලපති විජේ හෙවත් සී. ජෝසප් විජේගේ දිවුරුම් දීමේ උත්සවය මේ වන විට ප්‍රමාදයකට ලක්ව තිබේ.

දැන් තමිල්නාඩුවේ මහ ඇමති ධූරයට සුදුසුකම් ලබා තිබෙන සිනමා නළු තලපති විජේ ඉන්දියා සිනමාවෙන් මෙම පුටුවට අතීතයේදී ආ MGR ගේ වාර්තාවක්ද බිඳ දමා ඇති බව එරට මාධ්‍ය වාර්තා කරයි. "ඉතිහාසය නැවත පුනරාවර්තනය වේ" යන්න තමිළග වෙට්‍රි කලගම් (T.V.K) පක්ෂයේ නායක, සුපිරි නළු විජෙයි සිය දේශපාලන ආගමනයේදී ප්‍රකාශ කළේය.

2026 තමිල්නාඩු ප්‍රාන්ත සභා මැතිවරණයේ ඡන්ද ගණනය කිරීම් අද (මැයි 04) උදෑසන 8.00ට පමණ ආරම්භ වූ අතර, මේ වන විට නිකුත් වී ඇති මූලික මැතිවරණ ප්‍රවණතා මගින් ප්‍රාන්ත දේශපාලනයේ දැවැන්ත පෙරළියක් පෙන්නුම් කරයි.

එළඹෙන මැයි 4 වනදා තමිල්නාඩු ප්‍රාන්ත ව්‍යවස්ථාදායක සභා මැතිවරණයේ ප්‍රතිඵල නිකුත් වීමට නියමිතව ඇති පසුබිමක, තමිලග වෙට්‍රි කලගම් පක්ෂයේ නායක විජෙයි ෂිර්ඩි සායි බාබා විහාරස්ථානයේ දණගසා වැඳ නමස්කාර කරන වීඩියෝවක් මේ දිනවල අන්තර්ජාලය පුරා වේගයෙන් සංසරණය වේ. නිල් පැහැති කමිසයකින් සැරසී සිටින ඔහු සායි බාබා ප්‍රතිමාව ඉදිරියේ මෙලෙස ආශිර්වාද ලබා ගන්නා අයුරු එම වෛරස් වීඩියෝවෙන් මනාව දැකගත හැකිය.

නිල්වන් මුහුදු තීරයේ සහ වර්ණවත් රාත්‍රී ජීවිතයේ අසිරිය විඳගැනීමට ගෝවට පියනඟන සංචාරකයින් පසුපස හඹා එන අඳුරු සෙවණැල්ලක් පිළිබඳව දැන් දැන් වැඩි වශයෙන් කතාබහට ලක්වෙමින් තිබේ. විවේකය සහ සතුට සොයා එන සංචාරකයින්ව සූක්ෂම ලෙස ගොදුරු කරගන්නා මහා පරිමාණ වංචනික දැලක් ක්‍රියාත්මක වන බවට වූ බරපතළ අනතුරු ඇඟවීමක් පසුගියදා සමාජ මාධ්‍ය ඔස්සේ කරළියට පැමිණියේය.

දශක තුනක් පුරා ගොඩනැගුණු පවුල් ජීවිතයක්, එකම එක මොහොතක ඇති වූ අන්ධ සැකයක ගිනිදැල්වලින් සම්පූර්ණයෙන්ම අළු වී ගියේය.

සතුටින් පිරුණු රාත්‍රී භෝජන සංග්‍රහයක්, පැය කිහිපයක් ඇතුළත මුළු පවුලක්ම බිලිගන්නා මරණ මංචකයක් බවට පත්වනු ඇතැයි කිසිවෙකුත් සිතන්නට නැත. මුම්බායි හි පයිදෝනි ප්‍රදේශයේ ජීවත් වූ දරුවන් දෙදෙනෙකු ඇතුළු සිව් දෙනෙකුගෙන් යුත් පවුලකට අත් වූ මේ අවාසනාවන්ත ඉරණම, මුළු ප්‍රදේශයම දැඩි ලෙස කම්පනයට පත් කර තිබේ.

බටහිර බෙංගාලයේ දේශපාලන කරළියට මේ දිනවල අමුතුම සුවඳක් වහනය වෙමින් තිබේ; ඒ බලය වෙනුවෙන් කෙරෙන ප්‍රතිපත්තිමය කතාබහට වඩා ජනතා හදවත් පාරාගෙන යන මාළු සුවඳයි.

2026 අප්‍රේල් මස 18 වන සෙනසුරාදා දින හෝමුස් සමුද්‍ර සන්ධිය ආසන්නයේදී ඉන්දීය ධජය යටතේ යාත්‍රා කළ වෙළඳ නෞකා දෙකකට ඉරාන විප්ලවවාදී ආරක්ෂක බලකායේ (IRGC) වෙඩි බෝට්ටු මගින් ප්‍රහාර එල්ල කිරීමේ සිද්ධියක් මුල් කරගනිමින්, නවදිල්ලිය විසින් ඉරාන තානාපතිවරයා වහාම කැඳවා සිය දැඩි කනස්සල්ල පළ කර තිබේ. ඉරාන ත්‍රිවිධ හමුදාව විසින් හෝමුස් සමුද්‍ර සන්ධිය වාණිජ නෞකා සඳහා යළිත් වරක් වසා දැමීමත් සමඟ මෙම වෙඩි තැබීම වාර්තා වී ඇති අතර, ඉන්දීය විදේශ කටයුතු අමාත්‍යාංශය (MEA) විසින් ඉරාන තානාපති ආචාර්ය මොහොමඩ් ෆතාලි මහතා විදේශ ලේකම් වික්‍රම් මිස්රි මහතා හමුවට කැඳවා මෙම රාජ්‍යතාන්ත්‍රික විරෝධය පළ කර ඇත.