ඉන්දීය අග්රාමාත්ය නරේන්ද්ර මෝදිගේ නිල නිවස අසල පැවති විරෝධතාවක් අතරතුර එරට විපක්ෂ නායක රාහුල් ගන්ධි පොලිස් අත්අඩංගුවට පත්ව තිබේ. අධ්යාපන ක්රමයේ ප්රතිසංස්කරණ ඉල්ලා සිසුන් සිදු කළ විරෝධතාවකට එල්ල වූ පොලිස් මර්දනයට එරෙහිව මෙම විරෝධතාව සංවිධානය කර තිබූ අතර, එහිදී අග්රාමාත්යවරයා ස්ථානයෙන් ඉවත් වන ලෙස රාහුල් ගාන්ධි ඉල්ලා ඇත.
මෙම විරෝධතාව සඳහා රාහුල් ගන්ධි සමඟ ඔහුගේ සොහොයුරී ප්රියංකා ගන්ධි සහ කොංග්රස් පක්ෂයේ සාමාජිකයින් පිරිසක් ද එක්ව සිටියහ. විරෝධතා ස්ථානයෙන් රාහුල් ගන්ධි බලහත්කාරයෙන් ඉවත් කිරීමට පොලිසිය කටයුතු කළ බවත්, ඔහුගේ සොහොයුරී ප්රියංකා බස් රථයකට දැඩි ලෙස තල්ලු කරමින් රළු ලෙස හැසිරුණු බවත් කොංග්රස් පක්ෂය පවසා තිබේ.
සාමකාමී සිසුන්ට සහ තරුණයන්ට එල්ල කළ කෙරුණ ප්රහාරය දැඩි ලෙස හෙළා දකින බව පවසමින් කේරළ ප්රධාන අමාත්ය වී.ඩී. සතීෂන් ද මෙම විරෝධතාවට එක් විය. නවදිල්ලි නුවර පැවති මෙම විරෝධතා අතරතුර ආරක්ෂක අංශ සමඟ ඇති වූ ගැටුම්වලින් විරෝධතාකරුවන් 60 දෙනෙකු පමණ තුවාල ලබා ඇති අතර, එය මෑත වසර පහක කාලය තුළ අගනුවර සිදු වූ විශාලතම වීදි රැළිය ලෙස සැලකේ.
ප්රතිසංස්කරණ ඉල්ලා සිටින සිසුන්ට එරෙහි මර්දනය හේතුවෙන් අගමැති මෝදි ස්ථානයෙන් ඉවත් විය යුතු බව විපක්ෂ නායකයා සමාජ මාධ්ය ඔස්සේ ප්රකාශ කර ඇත. රජය කිසිදු වගකීමක් භාර ගැනීමට සූදානම් නැති බවත්, පාර්ලිමේන්තුවේ ඒ පිළිබඳව විවාදයක් පැවැත්වීමට පවා උත්සාහ නොකරන බවත් ඔහු වැඩිදුරටත් පෙන්වා දී තිබේ.
විරෝධතාකරුවන් විසුරුවා හැරීම සඳහා පොලිසිය කඳුළු ගෑස් සහ ජල ප්රහාර එල්ල කළ අතර, ඊට ප්රතිචාර වශයෙන් විරෝධතාකරුවන් ගල් ප්රහාර එල්ල කර ඇත. මෙම ගැටුම්වලදී පොලිස් නිලධාරීන් 118 දෙනෙකු පමණ තුවාල ලබා ඇති අතර, අධ්යාපන අමාත්ය ධර්මේන්ද්ර ප්රධාන් ඉවත් කරන ලෙස ඉල්ලමින් කොක්රෝච් ජන්ටා පක්ෂය (CJP) ද විරෝධතා සඳහා එක් විය. ඉන්දීය ප්රජාතන්ත්රවාදී ඉතිහාසයේ කළු දිනයක් ලෙස මෙම සිදුවීම හැඳින්වෙන අතර, පාර්ලිමේන්තුව ද මේ හේතුවෙන් කල් තැබීමට පියවර ගෙන ඇත.
