මාර්ක් සකර්බර්ග්ගේ සමාජ මාධ්‍ය අධිරාජ්‍යය පිළිබඳ නව චිත්‍රපටයක් බ්‍රිතාන්‍යයේ සිනමාහල්වල ප්‍රදර්ශනය වීමට පෙර, නරඹන්නන්ට පියෙකුගේ වේදනාබර පණිවිඩයක් අසන්නට ලැබේ. ඒ, 2017 වසරේදී වයස අවුරුදු 14දී ජීවිතය අහිමි වූ මොලී රසල්ගේ පියා, ඉයන් රසල්ගේ හඬයි.

අධිකරණ ශාලාවේ නිහැඬියාව බිඳ වැටුණේ වින්දිත කාන්තාවකගේ කෝපාවිෂ්ට හඬිනි. ඇය "මේක විහිළුවක්" යැයි කෑගසද්දී, දශක ගණනාවක් පුරා ශ්‍රී ලාංකික බෞද්ධ ප්‍රජාවගේ ඉමහත් ගෞරවයට පාත්‍ර වී සිටි, එහෙත් දැන් කහ සිවුර වෙනුවට අළු පැහැති සිරකරු ඇඳුමෙන් සැරසී සිටි 71 හැවිරිදි නාඔටුන්නේ විජිත භික්ෂුව තමන්ට හිස නමා ආචාර කළ ආධාරකරුවන්ට සිනාසෙමින් අත වැනීය.

රුසියානු ජනාධිපති ව්ලැදිමීර් පුටින්ගේ 74 වැනි උපන්දිනය යෙදී තිබූ දිනයේ යුක්රේනයට එල්ල වූ දැවැන්ත රුසියානු ඩ්‍රෝන සහ මිසයිල ප්‍රහාර මාලාවකින් කුඩා දරුවන් සිව්දෙනෙකු ද ඇතුළුව සිවිල් වැසියන් 24 දෙනෙකු අවම වශයෙන් ජීවිතක්ෂයට පත්ව තිබේ. අගනුවර වන කියෙව් ඇතුළු තවත් ප්‍රදේශ ගණනාවකට රාත්‍රී කාලයේදී මෙම ප්‍රහාර එල්ල වී ඇති අතර, තවත් පුද්ගලයින් දුසිම් ගණනකට ඉන් තුවාල සිදුව ඇත.

බ්‍රිතාන්‍යයේ රාජකීය පවුලේ සාමාජිකයින්ට (විශේෂයෙන් කැමිලා බිසවගේ රෝග සඳහා) ප්‍රතිකාර කළ වෛද්‍යවරියක වන 45 හැවිරිදි හැනා කේන් (Hannah Cain) ඇගේ නිවසේදී ඝාතනයට ලක්ව ඇති බව අධිකරණයට කරුණු වාර්තා වී තිබේ. දරුවන්ගේ රාත්‍රී සාදයක් පැවැත්වෙමින් තිබියදී ඇගේ සැමියා විසින් ඇයව ගෙල සිරකර සහ පහර දී ඝාතනය කර ඇති බවට ඔහුට එරෙහිව චෝදනා එල්ල වී ඇත.

ඕස්ට්‍රේලියාවේ උතුරු ප්‍රදේශයේ (Northern Territory) ඩාර්වින් නගරයේ ආදිවාසී ජනාවාසයක (town camp) ක්‍රීඩා කරමින් සිටි වයස අවුරුදු හතරක දැරියක් ලිංගික අපයෝජනයට ලක් කළ නැතැනියෙල් ෆැරල් (34) නම් පුද්ගලයාට වසර 10ක සිර දඬුවමක් නියම වී තිබේ. වසර හතක් ගත වන තුරු ඔහුට පැරෝල් සඳහා ඉල්ලුම් කළ නොහැක.

ඉන්දීය ආණ්ඩුක්‍රම ව්‍යවස්ථාවේ පිටපතක් දෑතින් තුරුළු කරගත් ප්‍රියංකා ගාන්ධි වඩ්රා මහමඟ දිගා වී සිටියදී, දිල්ලි පොලිසියේ නිලධාරීන් විසින් රාහුල් ගාන්ධිව ඔසවාගෙන ගොස් පොලිස් බස් රථයකට දමන දර්ශනය 2026 ඔක්තෝබර් 7 වැනිදා දිල්ලියේ වින්ඩ්සර් පෙදෙසේදී දැකගත හැකි විය. මෙය ඉන්දීය මැතිවරණ කොමිසමට එරෙහිව විපක්ෂයේ 'INDIA' සන්ධානය දියත් කළ දැවැන්ත විරෝධතාවේ උච්චතම අවස්ථාවයි.

ඉන්දියාවේ තමිල්නාඩු ප්‍රාන්තයෙන් ක්‍රියාදාම චිත්‍රපටයක දර්ශනයක් සිහිගන්වන ත්‍රාසජනක සිදුවීමක් වාර්තා වෙයි. තහනම් දුම්කොළ නිෂ්පාදන තොගයක් ප්‍රවාහනය කරමින් සිටි සැකකරුවන් තිදෙනෙකු පළා යාමට උත්සාහ කිරීමේදී, පොලිස් නිලධාරියෙකු ඔවුන් අධිවේගී මාර්ගයක ගමන් ගත් මෝටර් රථයේ වහලයේ එල්ලී කිලෝමීටර් 40ක පමණ දුරක් ගමන් කර තිබේ.

එක්සත් රාජධානියේ තුන්වන චාර්ල්ස් රජු විසින් ඔහුගේ බාල සොයුරු ඇන්ඩෲ මවුන්ට්බැටන්-වින්ඩ්සර් හට පොලිසියට සහ අධිකරණයට එරෙහිව නීතිමය සටනක් ගෙන යාම සඳහා සිය මුදල් භාවිතා කිරීම තහනම් කර තිබේ. පසුගිය පෙබරවාරි මාසයේදී ඔහුව අත්අඩංගුවට ගෙන ඔහුගේ නිවාස වැටලූ පොලිස් නිලධාරීන්ට එරෙහිව හිටපු ආදිපාදවරයා විසින් මෙලෙස නීතිමය ක්‍රියාමාර්ග ගෙන ඇත.

බ්‍රිතාන්‍යයේ ජනප්‍රිය නවකතා රචකයෙකු මෙන්ම කොන්සවේටිව් පක්ෂයේ හිටපු සාමාජිකයෙකු වූ ජෙෆ්රි ආචර් සිය 86 වන වියේදී අභාවප්‍රාප්ත වී ඇත. ඔහුගේ ප්‍රකාශකයන් වන හාපර් කොලින්ස් ආයතනය සඳහන් කළ පරිදි, ඔහු නිවසේදී හදිසියේ සහ සාමකාමීව මිය ගොස් ඇත්තේ ඔහුගේ අවසන් නවකතාව ලෙස සැලකෙන 'ඇඩම් ඇන්ඩ් ඊව්' (Adam And Eve) එළිදැක්වීමට දිනකට පෙරය.

ඇමරිකානු රූපවාහිනී අපරාධ කතාමාලාවක් වන 'ඩෙක්ස්ටර්' (Dexter) හි දැඩි රසිකයෙකු වූ වෝර්සෙස්ටර් විශ්වවිද්‍යාලයේ අධිකරණ වෛද්‍ය විද්‍යාව හදාරන 20 හැවිරිදි බෙන්ජමින් ඩේ නමැති සිසුවෙකු විසින් ලිංගික ශ්‍රමිකයෙකු වූ මාරියා සසියානු නමැත්තියක ඝාතනය කිරීමේ සිද්ධියක් සම්බන්ධයෙන් බ්‍රිතාන්‍යයේ වුල්වර්හැම්ප්ටන් අධිකරණයේදී කරුණු අනාවරණය වී තිබේ. ඔහු විසින් ටිවිඩේල් හි පිහිටි එයාර්බීඑන්බී (Airbnb) නිවාසයක රූපවාහිනී කතාමාලාවේ එන ආකාරයේ 'ඝාතක කුටියක්' (kill room) සකස් කර මෙම අපරාධය සිදු කර ඇති බව පැමිණිල්ල විසින් අධිකරණයට දන්වා ඇත.

ඉන්දියාවේ බෙංගලූරු නගරයේ කෘෂ්ණරාජපුර ප්‍රදේශයේ පසුගිය ජුනි මාසයේ සිදු වූ ත්‍රිත්ව ඝාතනයේ සැකකරු එම ඝාතන සැලසුම් කිරීම සඳහා කෘත්‍රිම බුද්ධිය (AI) භාවිත කර ඇති බව පොලිස් විමර්ශනවලින් අනාවරණය වී තිබේ.

රුසියාවේ ප්ලේගය (plague) ඇතුළු බෝවන රෝග පිළිබඳ පර්යේෂණ සිදුකරන ආයතනයක සේවය කළ කාන්තාවක් හෙළි නොකළ රෝගී තත්ත්වයකින් මියයාමෙන් පසු පුද්ගලයන් සිය ගණනක් නිරෝධායනයට ලක්කර තිබෙන බව වාර්තා වී තිබේ. මියගොස් ඇත්තේ ශෙලෙකොව් නගරයේ පිහිටි සයිබීරියානු ඉර්කුට්ස්ක් ප්ලේග විරෝධී පර්යේෂණ ආයතනයේ සේවය කළ 28 හැවිරිදි රසායනාගාර තාක්ෂණික නිලධාරිනියකි.

ඩුබායි සිට ටෙල් අවිව් බලා පියාසර කළ ෆ්ලයිඩුබායි (flydubai) ගුවන් යානයක් පැහැරගැනීමට තැත් කළ බවට චෝදනා ලැබ සිටින සහකාර නියමුවා, එම යානය ටෙල් අවිව්හි බෙන් ගුරියන් ගුවන්තොටුපළට හෝ එම ඊශ්‍රායල නගරයේ බහුමහල් ගොඩනැගිල්ලකට ගැට්ටවීමට සැලසුම් කර තිබූ බව ඇමෙරිකානු සහ ඊශ්‍රායල වාර්තා පෙන්වා දෙයි. ඕමාන් ජාතිකයකු වන ඔහු "තනි වෘකයකු" ලෙස ක්‍රියා කළ අන්තවාදියකු බවද එම වාර්තාවල සඳහන් වේ.

දිවයිනේ ඇතැම් ප්‍රදේශවල ඉන්ධන පිරවුම්හල් අසල අද (05) දිනයේ දක්නට ලැබුණු පෝලිම් තත්ත්වය සම්බන්ධයෙන් කලබල වී අනවශ්‍ය ලෙස ඉන්ධන රැස්කර තබාගැනීමෙන් වළකින ලෙස ලංකා ඛනිජ තෙල් පෞද්ගලික ටැංකි රථ හිමියන්ගේ සංගමය මහජනතාවගෙන් ඉල්ලීමක් කරයි. රට තුළ කිසිදු ඉන්ධන හිඟයක් හෝ සැපයුම් බිඳවැටීමක් නොමැති බව අවධාරණය කරන එම සංගමයේ සභාපති ඒ.එම්.එච්.

එංගලන්තයේ පොදු ප්‍රවාහන සේවාවන් තුළදී කාන්තාවකට සහ දැරියන් දෙදෙනෙකුට අවස්ථා කිහිපයකදී ලිංගික අතවර කිරීමේ චෝදනාවන්ට වරද පිළිගත් තිස්නව හැවිරිදි ශ්‍රී ලාංකිකයෙකුට මැන්චෙස්ටර් ක්‍රවුන් අධිකරණය විසින් මාස දහහතරක (අවුරුද්දක් සහ මාස දෙකක) සිරදඬුවමක් නියම කර තිබේ. මෙලෙස සිරදඬුවම් නියම වී ඇත්තේ මීට වසර 4 කට පෙර (2022) ධීවරයෙකු ලෙස රැකියාව කිරීම සඳහා බ්‍රිතාන්‍යයේ ස්කොට්ලන්තයට පැමිණ පසුව ඇල්ට්‍රින්හැම් ප්‍රදේශයේ ජීවත් වූ නිසාන් ප්‍රනාන්දු කුරුකුලසූරිය නමැති පුද්ගලයෙකුටය.