අබුඩාබි නුවර පැවති ආසියානු කුසලාන විස්සයි20 තරගයකින් ශ්‍රී ලංකා ක්‍රිකට් කණ්ඩායම ඇෆ්ගනිස්ථාන පිල පරදා සුපර් 4, ඊළඟ වටයට අද දින සුදුසුකම් ලබාගත්තේය. මුලින් පන්දුවට පහරදුන් ඇෆ්ගනිස්ථාන පිල 170 ක ඉලක්කයක් ලබාදුන් අතර ශ්‍රී ලංකාව 18  වන ඕවරයේදී එම ඉලක්කය පසුකර ගියේය.

 ප්‍රංශ ජනාධිපති එමානුවෙල් මැක්‍රොන්ගේ බිරිඳ වන බ්‍රිජිට් මැක්‍රොන්, තමන් කාන්තාවක් බවට විද්‍යාත්මක සාක්ෂි ඉදිරිපත් කිරීමට සූදානම් වේ.  දක්ෂිණාංශික ක්‍රියාකාරිනියක වන කැන්ඩේස් ඕවන්ස්ට එරෙහිව ඇය විසින්  අධිකරණයක අපහාස නඩුවක් ගොනු කර ඇත.

මිනිස් ක්‍රියාකාරකම් පහසු කිරීම සහ කාලය ඉතිරි කිරීම සඳහා යොදාගනු ලබන කෘත්‍රිම බුද්ධිය හෙවත් AI පිළිබඳව ලොව පුරා විවිධ අත්හදා බැලීම් සිදු වෙමින් පවතී. මිනිසුන් සඳහා පරිගණක කේත ලිවීමේ සිට චිකිත්සක උපදෙස් ලබා දීම දක්වා වූ පුළුල් පරාසයක කාර්යයන් සඳහා අද වන විට කෘත්‍රිම බුද්ධි චැට්බෝට් යොදා ගැනේ.

කරන්දෙනිය , කොටවෙල ප්‍රදේශයේ පසුගිය 11 වැනිදා සවස මවක සහ පුතකු කපාකොටා ඝාතනය කිරිමට සම්බන්ධ සැකකරු තියුනු ආයුධයක් සමග කරන්දෙනිය පොලිසිය අත්අඩංගුවට ගෙන තිබෙයි. නිවස තුල දි තියුණු ආයුධයකින් ගෙල ප්‍රදේශයට කැපුම් තුවාල සිදුකර 75 වන වියේ මව හා 25 හැවිරිදි පුතා ඝාතනය කර තිබිය දී කරන්දෙනිය පොලිසිය සොයාගෙන තිබුණි.

 හම්බන්තොට, මාගම්පුර වරායේ කළුගල් ඉවත් කිරීමේ ටෙන්ඩරයක් ලබාදෙන බව පවසා සිදුකරන ලදැයි කියන රුපියල් මිලියන 20ක මූල්‍ය වංචාවක් සම්බන්ධයෙන් හිටපු වරාය අමාත්‍ය රෝහිත අබේගුණවර්ධන මහතාගෙන් ප්‍රකාශයක් සටහන් කරගන්නා ලෙස කඩුවෙල මහෙස්ත්‍රාත් අධිකරණය අපරාධ පරීක්ෂණ දෙපාර්තමේන්තුවට නියෝග කර තිබේ. අදාළ ප්‍රකාශය සති දෙකක් ඇතුළත අධිකරණයට ඉදිරිපත් කරන ලෙස මහෙස්ත්‍රාත් අරුණ ඉන්ද්‍රජිත් බුද්ධදාස මහතා නියෝග කළේය.

 එක්සත් රාජධානියේ බිලියන ගණනක ආයෝජනයන් සිදු කිරීමට ප්‍රධාන පෙළේ එක්සත් ජනපද තාක්ෂණික සමාගම් පොරොන්දු වීමත් සමග, දෙරටේ නායකයින් විසින් "තාක්ෂණික සෞභාග්‍ය ගිවිසුමක්" අත්සන් කර තිබේ. මෙම නව තාක්ෂණික ගිවිසුමට "ජීවිත වෙනස් කිරීමේ බලයක් ඇති" බව අගමැති ස්ටාමර් ප්‍රකාශ කළ අතර, "මීළඟ තාක්ෂණික විප්ලවයට එක්සත් රාජධානිය සහ එක්සත් ජනපදය කරට කර නායකත්වය දීම" මෙමගින් සහතික වනු ඇති බව ජනාධිපති ට්‍රම්ප් පැවසීය.

 දෙහිවල, අල්විස් පාරේ නිවසක් පිටුපස තිබී චීන ජාතිකයෙකුගේ සිරුරක් සොයාගත් බව දෙහිවල පොලීසිය පවසයි. පොලීසියට ලද දුරකතන ඇමතුමක් මත මෙම සිරුර සොයාගෙන ඇත.

 ශ්‍රී ලාංකික ඉංජිනේරුවන්ගේ තාක්ෂණික දායකත්වයෙන් නිර්මාණය කෙරුණු, මෙරට තුන්වන නැනෝ චන්ද්‍රිකාව වන 'BIRDS-X DRAGONFLY' හෙට (19) කක්ෂගත කිරීමට නියමිතය. ශ්‍රී ලංකා වේලාවෙන් පස්වරු 2.15ට ජාත්‍යන්තර අභ්‍යවකාශ මධ්‍යස්ථානයේ සිට එය කක්ෂයට මුදා හැරෙන බව ආතර් සී. ක්ලාක් ආයතනය පවසයි.

 ශ්‍රී ලංකා පොලිසියේ නිල ආරාධනයක් මත දේශනයක් පැවැත්වීමට මෙරටට පැමිණි අමෙරිකානු පොලිස් නිලධාරියෙකු, ජීව උණ්ඩ 17ක් සන්තකයේ තබා ගැනීමේ චෝදනාව මත අත්අඩංගුවට ගැනීමෙන් අනතුරුව, සුවිශේෂී කරුණු සලකා බලමින් දැඩි ඇප කොන්දේසි මත මුදා හැරීමට අධිකරණය නියෝග කර තිබේ.

 ප්‍රමිතියෙන් තොර රූපලාවණ්‍ය ද්‍රව්‍ය, විශේෂයෙන්ම සම සුදු කරන ආලේපන වෙළෙඳපොළේ ඉවත්කිරීම බලාත්මක කිරීම සඳහා වන නව රූපලාවණ්‍ය පනත් කෙටුම්පතක් මෙම වසර අවසන් වීමට පෙර පාර්ලිමේන්තුවට ඉදිරිපත් කරන බව කොළඹ ජාතික රෝහලේ චර්ම රෝග පිළිබඳ විශේෂඥ වෛද්‍ය ඉන්දිරා කහවිට මහත්මිය ප්‍රකාශ කරයි.