ජාතික ගුවන් සේවය නඟාසිටුවීමට ගෙනා ඩොලර් මිලියන ගණනක ගනුදෙනු, අවසානයේ දේශපාලන බල අරගලයක මැතිවරණ ව්‍යාපාරයක් පෝෂණය කිරීමට යොදාගත්තේ ද යන බරපතළ කාරණාව මේ වන විට නීතිය හමුවේ දිගහැරෙමින් තිබේ.

මහා භාණ්ඩාගාරයෙන් අතුරුදන් වූ ඩොලර් මිලියන 2.5ක දැවැන්ත මුදල හුදෙක් සයිබර් අපරාධයක් පමණක් නොව, ජීවිතයක් බිලිගත් හා පාර්ලිමේන්තුව උණුසුම් කළ බරපතළ දේශපාලන කුණාටුවක් බවට මේ වන විට පත්ව තිබේ. මෙම මූල්‍ය අක්‍රමිකතාව සිදුව ඇත්තේ ඕස්ට්‍රේලියානු අපනයන මූල්‍ය සමාගම (Australian Export Finance Ltd) වෙත ගෙවීමට තිබූ ණය මුදලක් පියවීමේදීය.

නීතියේ දෙවොල ලෙස සැලකෙන අධිකරණ භූමියක් ලේ විලක් බවට පත්කිරීමේ කුප්‍රකට සැලසුමක මහමොළකාරිය නීතියේම සෙවණැල්ලක් වීම සමස්ත සමාජයම කම්පනයට පත්කරන්නකි. අපරාධ ලෝකයේ ප්‍රබලයකු වූ ගණේමුල්ල සංජීව ඝාතනය කිරීමේ සමස්ත ක්‍රියාවලියම මෙහෙයවා ඇත්තේ කඩවත ප්‍රදේශයේ නීතිඥවරියක වන තමරා කුමාරි අබේරත්න විසින් බව කොළඹ අපරාධ කොට්ඨාසය ඊයේ අධිකරණය හමුවේ තහවුරු කළේය.

ටොරින්ටන් මාවතේ නිහඬව පවතින අති සුඛෝපභෝගී මන්දිරයක තාප්ප ඇතුළේ දශක ගණනාවක් තිස්සේ සැඟව තිබූ අඳුරු දේශපාලන රහසක් දැන් මහජනතාව ඉදිරියේ නිරාවරණය වෙමින් පවතී.

ඇමෙරිකා එක්සත් ජනපදය සහ ඉරානය අතර ඇති වී තිබූ සටන් විරාමය බිඳ වැටීමේ අවදානමකට ලක්ව ඇති අතර, මාසයකට පමණ පෙර සටන් විරාමය ප්‍රකාශයට පත් කිරීමෙන් පසු පළමු වරට එක්සත් අරාබි එමීර් රාජ්‍යයට ඉරානය විසින් ප්‍රහාරයක් දියත් කර තිබේ. මැයි 4 වන සඳුදා දින ඉරානය විසින් බැලස්ටික් මිසයිල 12ක්, කෲස් මිසයිල 3ක් සහ ඩ්‍රෝන යානා 4ක් යොදාගනිමින් මෙම ප්‍රහාරය එල්ල කර ඇත.

අනුරාධපුර පූජාභූමියේ පිහිටි විහාරස්ථානයක විහාරාධිපති හිමිනමක ඇතුළු පුද්ගලයින් තුන්දෙනෙකු විසින් 15 හැවිරිදි බාලවයස්කාර දැරියක්ව අවස්ථා කිහිපයකදී අපයෝජනයට ලක් කිරීමේ සිද්ධියකට අදාළව, නඩුවට අදාළව සොයාගත් ජීව විද්‍යාත්මක සාක්ෂි රජයේ රස පරීක්ෂකවරයා වෙත යොමු කර එහි වාර්තාවක් අධිකරණයට ඉදිරිපත් කරන ලෙස අනුරාධපුර ප්‍රධාන මහේස්ත්‍රාත් සියපත් සම්පත් විදානආරච්චි මහතා ගම්පහ කොට්ඨාස ළමා හා කාන්තා කාර්යාංශයට නියෝග කර ඇත. ඊට අමතරව මෙම සිද්ධියට අදාළ විමර්ශනවල ප්‍රගතිය දැක්වෙන වාර්තාවක්ද අධිකරණයට ඉදිරිපත් කරන ලෙස මහේස්ත්‍රාත්වරයා වැඩිදුරටත් නියෝග කර තිබේ.

වැලිකඩ බන්ධනාගාරයෙන් පළා ගොස් සිටියදී යළි අත්අඩංගුවට ගෙන රැඳවුම් භාරයේ සිටි රැඳවියෙකු හදිසියේ රෝගී වී බන්ධනාගාර රෝහලට ඇතුළත් කිරීමෙන් පසු මියගොස් තිබේ. මෙලෙස මියගොස් ඇත්තේ බොරැල්ල ප්‍රදේශයේ පදිංචිව සිටි හතළිස් හැවිරිදි පුද්ගලයෙකි.

එකතු කළ අගය මත බද්ද හෙවත් වැට් (VAT) බද්ද සියයට 20 දක්වා ඉහළ නංවා ඇති බවට සමාජ මාධ්‍ය ඔස්සේ පැතිර යන තොරතුරු සම්පූර්ණයෙන්ම අසත්‍ය හා පදනම් විරහිත බව ආර්ථික සංවර්ධන නියෝජ්‍ය අමාත්‍ය නිශාන්ත ජයවීර මහතා පවසයි. පසුගියදා රජය විසින් නිකුත් කරන ලද ගැසට් නිවේදනයක් වැරදි ලෙස අර්ථකථනය කරමින් ඇතැම් පාර්ශව මෙවැනි අසත්‍ය ප්‍රචාර පතුරුවා හරින බව මුදල් අමාත්‍යාංශයේදී පැවති මාධ්‍ය හමුවකදී ඒ මහතා අවධාරණය කළේය.

මුදල් අමාත්‍යාංශයේ සහකාර අධ්‍යක්ෂක රංග නිශාන්ත මහතාගේ පශ්චාත් මරණ පරීක්ෂණයේදී මරණය 'සියදිවිනසාගැනීමක් වීම' හා 'ඝාතනයක් නොවීම' දේශපාලනික වශයෙන් වාසියක් ගැනීමට සිටි එක්තරා කණ්ඩායමකට ගැටලුවක් වී ඇති ආකාරය මේ වනවිට පෙන්නුම් කරයි. මෙය රජයේ අනුග්‍රහයෙන් සිදු කළ මිනීමැරුමක්ය යන්න කෙසේ හෝ සනාථ කිරීම සඳහා මේ දිනවල විවිධ ව්‍යාජ ප්‍රවෘත්තිද නිර්මාණය කරමින් තර්කයක් ගොඩනගන්නට පිරිසක් ක්‍රියා කරමින් තිබේ.

හොරණ - කොළඹ ප්‍රධාන මාර්ගයේ පොල්ගස්ඕවිට, වෑතර ප්‍රදේශයේදී නවතා තිබූ කන්ටේනර් රථයක යතුරුපැදියක් ගැටී සිදුවන්නට ගිය මහා විනාශයක් එම රථයේ රියදුරුගේ ක්ෂණික සහ බුද්ධිමත් ක්‍රියාකලාපය හේතුවෙන් වළක්වා ගැනීමට හැකි වී තිබේ. කහතුඩුව පොලීසිය සඳහන් කරන පරිදි, මෙම අනතුරත් සමඟ යතුරුපැදිය ගිනි ගැනීමට ලක්ව ඇති අතර, රියදුරු තම රථය උපක්‍රමශීලීව ධාවනය කර ගිනිගත් යතුරුපැදිය රථයෙන් වෙන් කරගැනීම නිසා රුපියල් කෝටි ගණනක් වටිනා රබර් තොගයක් සහ අවට දේපළ විනාශ වීම වැළකී ගොස් ඇත.

අනුරාධපුර ප්‍රදේශයේ 14 හැවිරිදි දැරියකට සිදුවූ බව කියන ආන්දෝලනාත්මක ලිංගික අපයෝජන සිදුවීම් මාලාව සම්බන්ධයෙන් වන නඩු විභාගය අද අනුරාධපුර අධිකරණයේදී කැඳවනු ලැබීය. මෙම දැරියගේ වයස අවුරුදු 15ක් ලෙස ඇතැම් පාර්ශ්ව ප්‍රකාශ කළද, ඇයගේ සැබෑ වයස අවුරුදු 14යි මාස හතරක් බව මේ වන විට තහවුරු වී තිබේ.

යාපනය දිස්ත්‍රික් පාර්ලිමේන්තු මන්ත්‍රී රාමනාදන් අර්ච්චුනා මහතා සම්බන්ධයෙන් පසුගියදා වාර්තා වූ ආන්දෝලනාත්මක සිදුවීම් මාලාවකට තවත් සිදුවීමක් මේ වන විට එක්ව තිබේ. ඒ, ඩෙල්ෆ්ට් දූපත වෙත ගමන් කරන බෝට්ටුවක දී ආරක්ෂිත කබාය (Life jacket) පැළඳීම ප්‍රතික්ෂේප කරමින් සෙසු මගීන්ට අපහසුතාවක් වන අයුරින් කටයුතු කිරීම සහ ඔවුන් සමග වාදයකට පැටලීමේ සිදුවීමකි.

අකුණු ගර්ජනා මැද නිවසට කඩා වැදුණු මාරයා, තරුණ ජීවිතයක් උදුරා ගත්තේ සොබාදහමේ අහඹු කෝපයකට වඩා බිහිසුණු ඉරණමක් ඉතිරි කරමිනි. හබරාදුව කොක්වත්ත ප්‍රදේශයේ නවාතැන්පළකට එල්ල වූ ප්‍රබල අකුණු ප්‍රහාරයකින් පසු ඇඟලුම් සේවිකාවක මියයාමේ පුවත මුලින් වාර්තා වූයේ සෘජු අකුණු සැර වැදීමක් ලෙස වුවද, පශ්චාත් මරණ පරීක්ෂණයේදී හෙළි වූ කරුණු මුළු මහත් ප්‍රදේශයම තිගැස්මට පත් කර තිබේ.

පවුල් ආරවුලක් හේතුවෙන් නිවසින් පිටව ගිය බව කියන පාසල් ගුරුවරියකගේ මළ සිරුරක් කළුතර දකුණ කැලිඩෝ වෙරළ තීරයට ගොඩගසා තිබියදී සොයාගත් බව කළුතර දකුණ පොලිසිය ප්‍රකාශ කරයි. මෙසේ අවාසනාවන්ත ලෙස මියගොස් ඇත්තේ බණ්ඩාරගම, වීදියගොඩ, කනත්තගොඩ ප්‍රදේශයේ පදිංචිව සිටි 42 හැවිරිදි නදීෂානි තරංගිකා අමරනායක නැමති එක්දරු මවකි.

2026 තමිල්නාඩු ප්‍රාන්ත සභා මැතිවරණයේ ඡන්ද ගණනය කිරීම් අද (මැයි 04) උදෑසන 8.00ට පමණ ආරම්භ වූ අතර, මේ වන විට නිකුත් වී ඇති මූලික මැතිවරණ ප්‍රවණතා මගින් ප්‍රාන්ත දේශපාලනයේ දැවැන්ත පෙරළියක් පෙන්නුම් කරයි.

2002 අංක 14 දරන එකතු කළ අගය මත බදු පනත සංශෝධනය කිරීම අරමුණු කරගනිමින් පසුගිය 2026 අප්‍රේල් 29 වන දින නිකුත් කරන ලද නව පනත් කෙටුම්පත හරහා මෙරට වක්‍ර බදු ව්‍යූහයේ දැවැන්ත පරිවර්තනයක් සිදුවීමට නියමිත බව KPMG ශ්‍රී ලංකා ආයතනය සිය 2026 මැයි මාසයේ බදු විශ්ලේෂණ වාර්තාව මගින් පෙන්වා දෙයි. බදු දැල වඩාත් පුළුල් කිරීම, විදේශීය ඩිජිටල් සේවාවන් වැට් බද්දට යටත් කිරීම සහ බදු නීති ක්‍රියාත්මක කිරීමේ ක්‍රියාවලිය දැඩි කිරීමේ මූලික අරමුණින් ඉදිරිපත් කර ඇති මෙම නව යෝජනා, පාර්ලිමේන්තු අනුමැතිය හිමිවීමෙන් පසුව නීතියක් ලෙස බලාත්මක වනු ඇත.

රටක නීතිය සහ යුක්තිය සුරක්ෂිත කළ යුතු අවසන් බලකොටුව වන්නේ බන්ධනාගාරය වුවද, අද වන විට එය පාතාල අපරාධකරුවන්ගේ සුඛෝපභෝගී විනෝදාගාරයක් බවට පත්ව ඇත්තේ ද?

රාජ්‍ය අංශය තුළ ඩිජිටල්කරණ ක්‍රියාවලිය කඩිනම් කිරීමේ අරමුණින් ජ්‍යෙෂ්ඨ රාජ්‍ය නිලධාරීන් 400 දෙනෙකුගෙන් සමන්විත සුවිශේෂී කණ්ඩායමක් පිහිටුවීමට රජය පියවර ගෙන තිබේ. "පොදු බලපෑම් ශූරයන්ගේ ජාලය" (Public-Impact Champions Network - PIC-Net) ලෙස නම් කර ඇති මෙම කණ්ඩායමට රාජ්‍ය අංශයේ ඩිජිටල් පරිවර්තන ප්‍රයත්නයන් මෙහෙයවීමේ මූලික වගකීම පැවරෙනු ඇත.

ශ්‍රී ලංකාව තුළ රැඳී සිටිමින් අන්තර්ජාලය ඔස්සේ නීතිවිරෝධී මූල්‍ය ජාවාරම් සහ සයිබර් අපරාධවල නිරත වූ විදේශිකයන් විශාල පිරිසක් අත්අඩංගුවට ගැනීමේ දැවැන්ත මෙහෙයුම් මාලාවක් මේ දිනවල ක්‍රියාත්මක වෙමින් පවතී. එහි නවතම පියවර ලෙස රාජගිරිය සහ තලංගම යන ප්‍රදේශ කේන්ද්‍ර කරගනිමින් සිදුකළ වැටලීම්වලදී විදේශිකයන් එකසිය පනහකට අධික සංඛ්‍යාවක් ආරක්ෂක අංශ භාරයට ගෙන තිබේ.

පසුගිය මැයිදිනයේ මාළිගාවත්ත පී. ඩී.සිරිසේන ක්‍රීඩාංගණයේදී පැවැති සමගි ජන බලවේගයේ මැයි දින රැලිය ආවරණය කිරීමට ගිය මාධ්‍යවේදීන්ට සිය රාජකාරි කටයුතු නිදහස්ව සිදු කිරීමට දැඩි බාධා එල්ල විය. සංවිධායකයින් විසින් පනවන ලද දැඩි සීමාවන් හේතුවෙන් මාධ්‍යවේදීන්ට සුපුරුදු පරිදි සිය රාජකාරි ඉටු කිරීමට තිබූ අවස්ථාව සම්පූර්ණයෙන්ම අහිමි වී ගියේය.