ශ්‍රීලන්කන් ගුවන් සේවයට එයාර්බස් මගී ගුවන් යානා මිලදී ගැනීමේ ක්‍රියාවලියේදී සිදුවූ බව කියන දැවැන්ත මූල්‍ය අක්‍රමිකතා සහ මුදල් විශුද්ධිකරණය සම්බන්ධයෙන් සිදුකළ විමර්ශන මේ වන විට සම්පූර්ණයෙන්ම අවසන් කර ඇති බව අපරාධ පරීක්ෂණ දෙපාර්තමේන්තුව අද (14) අධිකරණයට දැනුම් දුන්නේය.

සිරගත කරනු ලබන බෞද්ධ භික්ෂූන් වහන්සේලා බන්ධනාගාරයෙන් පිටතට රැගෙන යන අවස්ථාවලදී උන්වහන්සේලාට සිය චීවරය දැරීම සඳහා පූර්ණ අවසරය ලබාදීමට බන්ධනාගාර නීති සංශෝධනය කිරීමට පියවර ගෙන තිබේ. මෙම අවසරය අදාළ භික්ෂූන් වහන්සේ අයත් නිකාය මගින් එසේ නොකරන ලෙස දැනුම්දෙන තෙක් අඛණ්ඩව බලාත්මක වන බව අධිකරණ සහ ජාතික ඒකාබද්ධතා අමාත්‍ය හර්ෂණ නානායක්කාර මහතා ප්‍රකාශ කළේය.

වඩා යහපත් ජීවිතයක් අපේක්ෂාවෙන් විදෙස්ගත වී, සෞදි අරාබියේදී මරණ දණ්ඩනයට මුහුණ දී සිටි ශ්‍රී ලාංකිකයෙකු වන අනෝජන් සිවරාසා වෙත පනවා තිබූ එම දඬුවම ඉවත් කිරීමට සෞදි ශ්‍රේෂ්ඨාධිකරණය ගත් තීරණය ජනාධිපති අනුර කුමාර දිසානායක මහතාගේ දැඩි ඇගයීමට ලක්ව තිබේ. මෙම තීරණය අනෝජන්ට, ඔහුගේ පවුලේ ඥාතීන්ට මෙන්ම මේ පිළිබඳව දැඩි උනන්දුවකින් පසුවූ සමස්ත ශ්‍රී ලාංකිකයන්ටම විශාල අස්වැසිල්ලක් සහ සහනයක් බව ජනාධිපතිවරයා පෙන්වා දෙයි.

කොළඹ 4, බම්බලපිටිය ප්‍රදේශයේ පිහිටි මහල් නිවාස සංකීර්ණයක හදිසි ගින්නක් හටගෙන තිබේ.

ජේ. බී.සෙකියුරිටීස් ආයතනය විසින් සිදු කරන ලද නවතම දත්ත විශ්ලේෂණයකට අනුව, ශ්‍රී ලංකාවේ වාහන වෙළෙඳපොළ තුළ කුඩා වාහන සඳහා පවතින ඉහළ ඉල්ලුම තවදුරටත් තහවුරු කරමින්, සැප්තැම්බර් මාසයේ වාහන ලියාපදිංචිය සියයට 18.3කින් කැපී පෙනෙන ලෙස ඉහළ ගොස් තිබේ.

සිරදඬුවම් නියම වී සිටින පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කිරීම සඳහා බන්ධනාගාර බලධාරීන් විසින් ගෙන ඇති තීරණය අභියෝගයට ලක් කරමින් ගොනු කර ඇති පෙත්සම විභාග කරන විනිසුරු මඩුල්ලෙන් අභියාචනාධිකරණයේ සභාපති විනිසුරු රොහාන්ත අබේසූරිය මහතා ඉවත් වී තිබේ.

ශ්‍රී ලංකාවේ සියලුම පළාත්වලට බලපාන පරිදි ප්‍රබල අකුණු සහ ගිගුරුම් සහිත වැසි පිළිබඳව කාලගුණ විද්‍යා දෙපාර්තමේන්තුව විසින් විශේෂ 'ඇම්බර්' අවවාදාත්මක නිවේදනයක් නිකුත් කර තිබේ. දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්‍යස්ථානය විසින් 2026 ඔක්තෝබර් 14 වන දින පෙරවරු 11.00 ට නිකුත් කරන ලද මෙම 18 වන අංකය දරන නිවේදනය, ඔක්තෝබර් 15 වන දින අලුයම 1.00 දක්වා බලාත්මක වනු ඇත.

නාමල් රාජපක්ෂ සිරගෙදරදී භාවනා කර රහත් ඵලය ලබාගන්නා බවටත් අනාගත ජනපති පදවිය ලබාගන්න බැරි වුණොත් රහත් ඵලය හෝ ලබාගන්නා බවටත් තමාද රහත් වුවත් එය අවබෝධ කරගන්නට එන අයට ඒ ගැන පහදාදී ඵලක් නැති බවත් පූජ්‍ය තිත්තගල්ලේ ආනන්දසිරි හිමි ටෘත් විත් චමුදිත වැඩසටහනට පැමිණ පැහැදිලි කර තිබේ.  මෙත් බෝ සෙවන ජාත්‍යන්තර විපස්සනා භාවනා මධ්‍යස්ථානයේ නිර්මාතෘ වන මෙම හිමි නම මේ දිනවල ඥනසාර හිමි නිදහස් කරගැනීම වෙනුවෙන් සිදුකරන පාගමනේද ප්‍රධාන සංවිධායක වරයෙකි.

සවුදි අරාබියේ මහා අධිකරණය විසින් ශ්‍රී ලාංකික ජාතික අනෝජන් සිවරාසාට පනවා තිබූ මරණ දඬුවම අහෝසි කිරීමට තීරණය කර ඇති බව ශ්‍රී ලංකා නියෝජ්‍ය විදේශ කටයුතු අමාත්‍ය අරුන් හේමචන්ද්‍ර මහතා ප්‍රකාශ කර සිටියි.

සංචාරක ප්‍රවර්ධන කාර්යාංශයේ අරමුදල් අයථා ලෙස භාවිත කළ බවට එල්ල වී ඇති චෝදනා සම්බන්ධයෙන්, හිටපු ආර්ථික සංවර්ධන අමාත්‍ය බැසිල් රාජපක්ෂ මහතා අත්අඩංගුවට ගෙන අධිකරණයට ඉදිරිපත් කිරීමට කොටුව මහෙස්ත්‍රාත් පසන් අමරසේන මහතා විසින් අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් විමර්ශන ඒකකයට අද (14) නියෝග කරන ලදී.

පසුගිය වසරේදී දරුවන් දෙදෙනෙකුද සමගින් වෙඩි තබා ඝාතනය කෙරුණු 'මිද්දෙණියේ කජ්ජා' නමින් හැඳින්වූ විදානගමගේ අරුණ ප්‍රියන්තගේ වැඩිමහල් පුත්‍රයා විදේශීය රටක නිෂ්පාදිත ගිනි අවියක් සමග පොලිස් අත්අඩංගුවට පත්ව තිබේ.

සිය 17 වැනි මාසයේ පාප් ධුරය හොබවන 71 හැවිරිදි ඇමෙරිකානු ජාතික 14 වැනි ලියෝ පාප් වහන්සේට පෙනහළු පිළිකාවක් වැළඳී ඇති බව ශල්‍යකර්මයකින් අනතුරුව තහවුරු වී ඇතැයි වතිකානුව නිවේදනය කරයි. රෝමයේ ජෙමෙලි රෝහලේදී සිදුකළ සාර්ථක ශල්‍යකර්මයකින් පසු උන්වහන්සේගේ දකුණු පෙනහල්ලේ පහළ කොටසක් ඉවත් කර ඇති අතර, මෙය පාප් වහන්සේ නමක් සිය සෞඛ්‍ය තත්ත්වය සම්බන්ධයෙන් පෙන්නුම් කළ දුර්ලභ විනිවිදභාවයක් ලෙස ජාත්‍යන්තර මාධ්‍ය පෙන්වා දෙයි.

ලෝකයේ අතිශය ජනප්‍රියත්වයට පත් වූ 'Breaking Bad' ටෙලි නාට්‍ය මාලාවේ වෝල්ටර් වයිට් ජූනියර් (Walter White Jr.) ලෙස රංගනයෙන් දායක වූ ආර්.ජේ. මිටී (RJ Mitte) ගේ ජීවිතය හැමදාමත් අභියෝගවලින් පිරුණු එකක් විය.

බන්ධනාගාරය තුළදී පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කළ බවට හිටපු අමාත්‍ය උදය ගම්මන්පිල මහතා කළ ආන්දෝලනාත්මක ප්‍රකාශය සම්බන්ධයෙන් ශ්‍රී ලංකා පොලීසිය මගින් විශේෂ විමර්ශනයක් ආරම්භ කිරීමට රජය තීරණය කර තිබේ.

ජාතික ඉතිරිකිරීමේ බැංකුවේ රුපියල් මිලියන 10ක මුදලක් "සිරිලිය සවිය" ගිණුමට බැර කිරීම පිළිබඳ විමර්ශනයේදී සැකපිට අත්අඩංගුවට ගත් හිටපු ජනාධිපති ආර්යා ශිරන්ති රාජපක්ෂ, ඔක්තෝබර් 16 වැනිදා දක්වා තවදුරටත් රක්ෂිත බන්ධනාගාරගත කරන ලෙස කොළඹ මහේස්ත්‍රාත් අධිකරණය අද (13) නියෝග කළා. ඇප ඉල්ලීම සම්බන්ධයෙන් නියෝගයක් එදින දක්වා නිකුත් කරන්නේ නැති බවත් අධිකරණය දන්වා සිටියා.

මෙරට බන්ධනාගාර පද්ධතිය දිගු කලක සිට මුහුණ දෙමින් සිටින දැඩි තදබදයට යම් අස්වැසිල්ලක් ගෙන දෙමින්, පසුගිය මාස කිහිපය තුළ පමණක් බන්ධනාගාර ගත රැඳවියන්ගේ සංඛ්‍යාව හාරදහසකින් පමණ පහත වැටී ඇති බව බන්ධනාගාර දෙපාර්තමේන්තුව පවසයි. මීට ප්‍රධානතම හේතුව වී ඇත්තේ රජයේ රස පරීක්ෂක වාර්තා නිකුත් කිරීමේ ක්‍රියාවලිය වෙනදාට වඩා කඩිනම් වීමයි.

බරපතළ ලිංගික අතවර චෝදනාවකට වරදකරු වෙමින් වසර දොළහක බරපතළ වැඩ සහිත සිරදඬුවමකට යටත්ව සිටි පුද්ගලයෙකු ඉන් නිදහස් කිරීමට අභියාචනාධිකරණය තීරණය කර තිබේ. ඇඹිලිපිටිය මහාධිකරණය විසින් ලබා දී තිබූ එම දඬුවම සහ චෝදනා සම්පූර්ණයෙන්ම අවලංගු කිරීමට විනිසුරු මඬුල්ල පියවර ගත්තේ නඩුවට අදාළව ඉදිරිපත් වී තිබූ තීරණාත්මක වෛද්‍ය වාර්තාවක් සහ සාක්ෂිවල පරස්පරතා මතුවීම හේතුවෙනි.

ශ්‍රී ලංකාවේ බලපත්‍රලාභී වාණිජ බැංකු සහ මූල්‍ය ආයතන විසින් පෞද්ගලික අංශයට නිකුත් කර ඇති සමස්ත ණය ප්‍රමාණයෙන් හතරෙන් එකක්ම හෙවත් සියයට 24.9ක්ම රන් භාණ්ඩ සහ වාහන ඇපකර මත ලබා දී ඇති බව ශ්‍රී ලංකා මහ බැංකුව නිකුත් කළ නවතම වාර්තාවක් පෙන්වා දෙයි. සරලව කිවහොත්, අද වන විට පෞද්ගලික අංශයට නිකුත් කෙරෙන සෑම රුපියල් හතරකින්ම එක් රුපියලක්ම වෙන්වී ඇත්තේ මෙම කාණ්ඩ ද්විත්වය සඳහාය.

ඉන්දියාවේ ප්‍රමුඛතම ව්‍යාපාරික අධිරාජ්‍යයක් වන ටී.වී.එස්. (TVS) සමූහය මේ වන විට දැවැන්ත පවුල් අර්බුදයකට මුහුණ දී සිටී.

කාන්තාවක කැටුව සපුගස්කන්ද ප්‍රදේශයේ හෝටලයකට පැමිණි ත්‍රීරෝද රථ රියැදුරකු එම කාමරය තුළදීම හදිසියේ රෝගාතුර වී මියගොස් තිබේ. කෙසේ වෙතත්, මෙම සිදුවීමේ කැපීපෙනෙන කරුණ වන්නේ ඔහු සමඟ පැමිණි කාන්තාව මරණයත් සමඟම හෝටලයෙන් පලා ගොස් තිබීමයි.