ශල්‍ය උපකරණ රෝගීන්ට ඉහළ මිලකට අලෙවි කිරීමේ චෝදනාව මත රක්ෂිත බන්ධනාගාරගත කර සිටි ශ්‍රී ජයවර්ධනපුර රෝහලේ විශේෂඥ ස්නායු ශල්‍ය වෛද්‍ය මහේෂි විජේරත්න මහත්මිය දැඩි ඇප කොන්දේසි මත මුදා හැරීමට අධිකරණය නියෝග කර තිබේ. 

රජයේ චක්‍රලේඛ උල්ලංඝනය කරමින් රෝගීන්ට පාඩුවක් කර තමන්ට වාසියක් සලසා ගත්තේ යැයි කියන සිද්ධිය සම්බන්ධයෙන් විමර්ශන සිදු කරන අල්ලස් කොමිසමේ නිලධාරීන්ට තර්ජනය කිරීම සම්බන්ධයෙන් ශ්‍රී ජයවර්ධනපුර රෝහලේ සැකකාර විශේෂඥ ස්නායු ශල්‍ය වෛද්‍යවරියගේ දියණිය ලබන 09 දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් තනුජා ලක්මාලී ජයතුංග මහත්මිය ඊයේ (07) නියෝග කළාය.

update 2.30pm අල්ලස් කොමිසමේ නිලධාරීන් දෙදෙනෙකුට තර්ජනය කිරීමේ සිද්ධිය සම්බන්ධයෙන් සැකපිට කෙසෙල්වත්ත පොලිසිය අත්අඩංගුවට ගත් ශ්‍රී ජයවර්ධනපුර රෝහලේ විශේෂඥ වෛද්‍ය මහේෂි විජේරත්න මහත්මියගේ දියණිය ලබන 09 වනදා දක්වා රක්ෂිත බන්ධනාගාර ගත කරන ලෙස කොළඹ මහේස්ත්‍රාත් අධිකරණය නියම කර තිබේ. update 10.35 am  අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් දෙදෙනෙකුට මරණීය තර්ජන එල්ල කිරීමේ චෝදනාව මත, රක්ෂිත බන්ධනාගාරගත කර සිටින ශ්‍රී ජයවර්ධනපුර රෝහලේ විශේෂඥ වෛද්‍ය මහේෂි විජේරත්න මහත්මියගේ දියණිය අත්අඩංගුවට ගෙන තිබේ.

අල්ලස් චෝදනාවක් මත රක්ෂිත බන්ධනාගාරගත කර සිටින ශ්‍රී ජයවර්ධනපුර රෝහලේ විශේෂඥ වෛද්‍ය මහේෂි විජේරත්නගේ දියණිය, අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් දෙදෙනෙකුට මරණ තර්ජනය කළ බවට චෝදනාවක් එල්ල වී තිබේ. කොළඹ මහේස්ත්‍රාත් අධිකරණ භූමියේදී මෙම සිදුවීම වාර්තා වී ඇති අතර, ඒ සම්බන්ධයෙන් විධිමත් පරීක්ෂණයක් ආරම්භ කරන ලෙස මහේස්ත්‍රාත්වරිය පොලීසියට නියෝග කර ඇත. 

ශ්‍රී ජයවර්ධනපුර රෝහලේ විශේෂඥ ස්නායු ශල්‍ය වෛද්‍යවරියක් ඇතුළු තිදෙනෙකු, ස්නායු ශල්‍ය වෛද්‍ය කටයුතු සඳහා අවශ්‍ය EVD හා VP shunt උපකරණ අයථා ලෙස අලෙවි කිරීම සම්බන්ධයෙන් අල්ලස් කොමිසම විසින් අත්අඩංගුවට ගෙන ඊයේ (24) කොළඹ ප්‍රධාන මහේස්ත්‍රාත් තනූජා ලක්මාලි ජයතුංග මහත්මිය විසින් ජූලි 08 දක්වා රක්ෂිත බන්ධනාගාරගත කිරීමට නියෝග කර තිබේ.

ශ්‍රී ජයවර්ධනපුර රෝහලේ විශේෂඥ ස්නායු ශල්‍ය වෛද්‍ය මහේෂී සුරසිංහ විජේරත්න විසින් සිදු කරන ලද ශල්‍යකර්මයන් සම්බන්ධයෙන් ගැටලුකාරී තත්ත්වයන්ට මුහුණ පෑ රෝගීන් ඇතුළු විවිධ පාර්ශ්වයන්ගෙන් තොරතුරු රැස් කිරීමට අල්ලස් හෝ දූෂණ චෝදනා විමර්ශන කොමිෂන් සභාව ක්‍රියාමාර්ග ගෙන ඇත. මේ වන විට එම කොමිසම විසින් ශල්‍යකර්මයන්ට භාජනය වී අගතියට පත් වූ පුද්ගලයින් 77 දෙනෙකුගෙන් පමණ ප්‍රකාශ ලබාගෙන ඇති බව වාර්තා වේ.

අල්ලස් හෝ දූෂණ චෝදනා විමර්ශන කොමිෂන් සභාව විසින් විශේෂඥ ස්නායු ශල්‍ය වෛද්‍ය මහේෂි සූරසිංහ විජේරත්න යටතේ ශල්‍යකර්මයන්ට භාජනය වී ගැටලුකාරී තත්ත්වයන්ට මුහුණ පෑ රෝගීන් සහ අදාළ තොරතුරු දන්නා පුද්ගලයින්ගෙන් තොරතුරු ලබා දෙන ලෙස ඉල්ලීමක් කර තිබේ. 

අල්ලස් කොමිසම විසින් ඊයේ උදෑසන අත්අඩංගුවට ගත් ශ්‍රී ජයවර්ධනපුර මහරෝහලේ ප්‍රසිද්ධ ස්නායු ශල්‍ය වෛද්‍ය මහේෂි විජේරත්න ජුනි 24 වන දින දක්වා රක්ෂිත බන්ධනාගාරගත කර තිබේ. මෙම තීරණය කොළඹ මහෙස්ත්‍රාත් අධිකරණය විසින් ගෙන ඇත්තේ අල්ලස් කොමිසමේ නිලධාරීන් විසින් කරන ලද ඉල්ලීම මත ය.

 ශ්‍රී ජයවර්ධනපුර රෝහලේ විශේෂඥ ස්නායු ශල්‍ය වෛද්‍යවරියක්, රෝහලේ කළමනාකරණ සහකාරවරයෙකු සහ තවත් සිවිල් පුද්ගලයෙකු දූෂණ චෝදනා මත අල්ලස් හෝ දූෂණ චෝදනා විමර්ශන කොමිෂන් සභාව (අල්ලස් කොමිෂන්) විසින් අද දින අත්අඩංගුවට ගෙන තිබේ.

 මරණ දඩුවම් ලදමුත් ජනපති සමාව ලැබ නිදහස්ව සිටි  දුමින්ද සිල්වා අධිකරණ නියෝග අනුව පොලිසිය නැවත අත්අඩංගුවට ගෙන තිබේ.කෙසේ වෙතත් ඔහු රෝහල්ගතව සිටින නිසා එසේ සිටියදි ඔ ඔහු  අපරාධ පරීක්ෂණ දෙපාර්තමේන්තු භාරයට 'රෝහල් ඇඳ අඩස්සියක්' ලෙස ගෙන ඇති බව පොලිසිය පවසයි.