මීට වසර 18කට පෙර ත්‍රිකුණාමලයේදී කාන්තාවන් දෙදෙනෙකු සුදු පැහැති වෑන් රථයකින් පැහැරගෙන ගොස් ඝාතනය කිරීමේ සිද්ධියකට සම්බන්ධ විශ්‍රාමික නාවික හමුදා සුළු නිලධාරිනියන් දෙදෙනෙකු අපරාධ පරීක්ෂණ දෙපාර්තමේන්තුවේ සමූහ මංකොල්ල කෑම් විමර්ශන අංශය විසින් පසුගිය 20 වැනිදා අත්අඩංගුවට ගෙන ඇත.

දෙහිවල, සිරිසඟ බෝ මාවතේ පිහිටි නිවසකට ඉකුත් 11 වැනිදා අලුයම් කාලයේදී එල්ල වූ අත්බෝම්බ ප්‍රහාරයෙන් බාලවයස්කාර දරුවන් දෙදෙනෙකු ජීවිතක්ෂයට පත්ව ඔවුන්ගේ පියා බරපතළ තුවාල ලැබීමේ සිද්ධිය සම්බන්ධයෙන් තොරතුරු රැසක් අනාවරණය වී තිබේ. මෙම ප්‍රහාරය මෙහෙයවා ඇත්තේ ඩුබායි හි සැඟව සිටින "කොස් මල්ලි" නමැති පාතාල කල්ලි නායකයා විසින් වන අතර, ප්‍රහාරය එල්ල කළ "මධූ" හෙවත් "කොස් මාමා" නැමැත්තාට ඒ වෙනුවෙන් රුපියල් එක් ලක්ෂ විසිදහසක මුදලක් ලබා දී ඇති බව උසස් පොලිස් නිලධාරියෙකු සූදානම් කළ වාර්තාවලින් හෙළි වේ.

සංවිධානාත්මක අපරාධකරුවෙකු වන 'කොස්මල්ලි' නමැත්තාගේ සමීපතම ඥාතියෙකු වූ දමිත් ප්‍රසාද් ෆොන්සේකා හෙවත් 'භූත කළුවා' නැමැත්තා කපා කොටා ඝාතනය කිරීමේ සිද්ධිය සම්බන්ධයෙන් සැකපිට පුද්ගලයින් සිව්දෙනෙකු අත්අඩංගුවට ගැනීමට ගල්කිස්ස කොට්ඨාස අපරාධ විමර්ශන කාර්යාංශය සමත්ව තිබේ. එම විමර්ශන කණ්ඩායම විසින් සිදුකරන ලද වැටලීමේදී අයිස් මත්ද්‍රව්‍ය ග්‍රෑම් 21කට අධික ප්‍රමාණයක්, කඩු 4ක් ඇතුළු තියුණු ආයුධ රැසක් සහ ජංගම දුරකථන 4ක් ද පොලිස් භාරයට ගෙන ඇත.

දෙහිවල, සිරිසඟබෝ මාවතේ පිහිටි නිවසකට අලුයම් කාලයේ එල්ල වූ අමානුෂික අත්බෝම්බ ප්‍රහාරයකින් නින්දේ පසුවූ අහිංසක පාසල් සිසුන් දෙදෙනෙකු ජීවිතක්ෂයට පත්වීමේ ශෝකජනක පුවත සමස්ත ශ්‍රී ලංකාවම දැඩි කම්පනයකට පත් කර තිබේ. වයස අවුරුදු දහය සහ දහහතර යන වයස්වල පසුවූ මෙම සහෝදරයන් දෙදෙනාගේ අකල් වියපත වෙනුවෙන් මුළු ප්‍රදේශයම ශෝකයෙන් බර වී ඇති අතර, ප්‍රහාරයෙන් බරපතළ තුවාල ලැබූ ඔවුන්ගේ පියාගේ එක් පාදයක් ශල්‍යකර්මයක් මගින් ඉවත් කිරීමට වෛද්‍යවරුන්ට සිදු වී ඇත.

දෙහිවල, සිරිසඟබෝ මාවතේ පිහිටි නිවසකට ඊයේ (11) අලුයම එල්ල වූ අත්බෝම්බ ප්‍රහාරයකින් එකම පවුලේ බාලවයස්කාර දරුවන් දෙදෙනෙකු අවාසනාවන්ත ලෙස ජීවිතක්ෂයට පත්ව ඇත. ප්‍රහාරයෙන් එම දරුවන්ගේ පියා වන හෙට්ටිආරච්චිගේ නලින් තුසන්ත නැමැත්තා බරපතළ තුවාල ලබා රෝහල්ගත කර තිබේ.

දෙහිවල, කව්ඩාන ප්‍රදේශයේ සිරිසඟබෝ මාවතේ පිහිටි නිවසකට අද අලුයම් කාලයේ එල්ල වූ අත්බෝම්බ ප්‍රහාරයකින් පිරිමි දරුවන් දෙදෙනෙකු ජීවිතක්ෂයට පත්ව ඇති අතර ඔවුන්ගේ පියා බරපතල තුවාල ලබා තිබේ.

ඩුබායි හිදී අත්අඩංගුවට ගැණුනු සංවිධානාත්මක අපරාධ කල්ලි නායකයෙකු සහ මහා පරිමාණ මත්ද්‍රව්‍ය ජාවාරම්කරුවෙකු වන රංජිත් කුමාර හෙවත් ‘කොණ්ඩ රංජි’ එම රටින් පිටුවහල් කිරීමෙන් අනතුරුව අද (09) පෙරවරුවේ අපරාධ පරීක්ෂණ දෙපාර්තමේන්තුව විසින් කටුනායක බණ්ඩාරනායක ජාත්‍යන්තර ගුවන්තොටුපොළේදී අත්අඩංගුවට ගෙන තිබේ. ෆ්ලයි ඩුබායි ගුවන් සේවයට අයත් යානයකින් පෙරවරු 8.10 ට පමණ දිවයිනට පැමිණි සැකකරු ගුවන්තොටුපොළ පරිශ්‍රයේදීම නිලධාරීන්ගේ බාරයට ගෙන ඇති අතර, ඔහු සම්බන්ධයෙන් ඉදිරි විමර්ශන කටයුතු ආරම්භ කර ඇත.

ඩුබායි සිට මෙරටට ගෙන එන ලද 'බස් ලලිත්' හෙවත් ලලිත් කන්නන්ගර නැමැති පාතාල අපරාධකරුගෙන් කළ දීර්ඝ ප්‍රශ්න කිරීම්වලින් අනතුරුව හංවැල්ල, දිද්දෙණිය පොදු සුසාන භූමියේ වළ දමා තිබූ ටී-56 අවියක්, පිස්තෝලයක් සහ රිපීටර් ෂොට්ගන් වර්ගයේ ගිනිඅවියක් මධ්‍යම අපරාධ විමර්ශන කාර්යාංශයේ නිලධාරීන් විසින් ඊයේ (07) සොයාගනු ලැබීය. සැකකරු ඩුබායිහි සිටිමින් සිය ගෝලබාලයන් ලවා සිදුකළ මිනිස් ඝාතන සහ බියගැන්වීම් සඳහා මෙම අවි යොදාගන්නට ඇති බවට විමර්ශන නිලධාරීහු සැක පහළ කරති.

දෙහිවල පොලිස් වසමේ ඕබන් පෙදෙසේ අංක 38/1 දරන ස්ථානයේදී ඊයේ පස්වරුවේ සිදුවූ දරුණු ගැටුමකදී නාඳුනන පිරිසක් එල්ල කළ තියුණු ආයුධ ප්‍රහාරයකින් බරපතල තුවාල ලැබූ පුද්ගලයෙකු කළුබෝවිල රෝහලේදී මියගොස් තිබේ. මෙලෙස ඝාතනයට ලක්ව ඇත්තේ කොම්පඤ්ඤගේ දමිත් ප්‍රසාද් ෆොන්සේකා නමැති අයෙකි.

ගන්දර, කැකණදුර, තල්පාවිල පාරේ පිහිටි නිවසක් තුළදී 85 හැවිරිදි විශ්‍රාමික ගුරුවරියක ගෙල කපා ඝාතනය කිරීමේ සිද්ධියක් සම්බන්ධයෙන් ඇගේ වැඩිමහල් පුතු සැකපිට අත්අඩංගුවට ගැනීමට ගන්දර පොලිසිය පරීක්ෂණ ආරම්භ කර තිබේ. මෙලෙස අමානුෂික ලෙස ඝාතනයට ලක්ව ඇත්තේ සිව්දරු මවක වූ විදාන ආරච්චිගේ රෙසිරිනා ශ්‍රීමතී නැමැති විශ්‍රාමික ගුරු මාතාවයි.

රත්නපුර, ගොඩිගමුව ප්‍රදේශයේ පිහිටි නිවසක තනිවම පදිංචිව සිටි, පෙර වසරක අවුරුදු කුමාරියක ලෙස කිරුළු පැළඳි තරුණියක ඇගේ නිවහන තුළදීම සැකකටයුතු ලෙස මියගොස් සිටියදී සොයාගෙන තිබේ. මෙලෙස අභිරහස් අන්දමින් ජීවිතක්ෂයට පත්ව ඇත්තේ ගමගේ නිසංසලා සඳමාලි නමැති 32 හැවිරිදි තරුණියකි.

මිනීමැරුම් සහ මත්ද්‍රව්‍ය ජාවාරම් ඇතුළු දරුණු ගණයේ බරපතළ අපරාධ රැසකට චෝදනා ලබා දැනට විදේශගතව සැඟව සිටින "කංජිපානි ඉම්රාන්" නැමැති සංවිධානාත්මක අපරාධ කල්ලි නායකයා, ජාත්‍යන්තර අපරාධ කණ්ඩායම් හා අත්වැල් බැඳගනිමින් ශ්‍රී ලංකාව තුළ විවිධ නීතිවිරෝධී ක්‍රියාකාරකම් මෙහෙයවන බව අපරාධ පරීක්ෂණ දෙපාර්තමේන්තුව මඟින් අනාවරණය කරගෙන ඇත. විමර්ශන වාර්තාවලට අනුව ඔහු විදේශයන්හි සිට මෙරට තුළ මහා පරිමාණ මත්ද්‍රව්‍ය ජාලයන් සක්‍රීයව ක්‍රියාත්මක කරමින් සිටී.

නවතම අධ්‍යයනයකට අනුව, ෆේස්බුක් සමාජ මාධ්‍ය ජාලය තුළ කෘත්‍රිම බුද්ධිය (AI) මගින් නිර්මාණය කරන ලද කාන්තා රූප භාවිතා කරමින් පවත්වාගෙන යන ව්‍යාජ ගිණුම් ජාලයක් මගින් ශ්‍රී ලාංකිකයින්ව විවිධ වංචාවන් සඳහා යොමු කරන බවට අනාවරණය වී ඇත. මෙම ගිණුම් හරහා හැඟීම්බර සහ ලිංගිකත්වය ඉස්මතු කරන අන්තර්ගතයන් මූලික කරගනිමින් පරිශීලකයින්ව වැඩිහිටි කතාබස් සේවා, සූදු වෙබ් අඩවි, ක්‍රිප්ටෝ මුදල් ප්‍රවර්ධනයන් සහ වෙනත් සැක සහිත අන්තර්ජාල වේදිකා වෙත යොමු කරනු ලබයි.

මධ්‍යම අපරාධ විමර්ශන කාර්යාංශය විසින් මාසයක පමණ කාලයක් සිදු කරන ලද පුළුල් බුද්ධි විමර්ශනයකින් අනතුරුව, ඇමෙරිකානු ඩොලර් හත් ලක්ෂයක ව්‍යාජ නෝට්ටු තොගයක් සමඟ 54 හැවිරිදි කාන්තාවක් කොටිකාවත්ත ප්‍රදේශයේදී ඊයේ (08) අත්අඩංගුවට ගෙන තිබේ. ශ්‍රී ලංකාව තුළ මෙතෙක් සොයාගත් විශාලතම ව්‍යාජ විදේශීය මුදල් තොගයක් ලෙස සැලකෙන මෙම ඩොලර් සියයේ නෝට්ටු 7,000ක ප්‍රමාණයේ මෙරට වටිනාකම රුපියල් කෝටි 21ත් 26ත් අතර අගයක් ගන්නා බව පොලිසිය ප්‍රකාශ කරයි.

භක්තියෙන් සහ සාමයෙන් පිරී ඉතිරී යා යුතු උතුම් හජ්ජි උත්සව දිනය කළුතර වෙට්ටුමකඩේ ප්‍රදේශයට උදා වූයේ මුළු පළාතම කම්පා කළ ලේ වැකි ඛේදවාචකයක් උරුම කර දෙමිනි. වසරක් පුරා බලාසිටි ආගමික වත්පිළිවෙත් නිමවා මහත් වූ ශ්‍රද්ධාවෙන් යුතුව නිවස බලා යතුරුපැදියෙන් ගමන් කරමින් සිටි ව්‍යාපාරිකයකු, පාතාල කුලී ඝාතකයන්ගේ අමානුෂික ටී-56 ගිනි අවි ප්‍රහාරයකට ලක්ව මහමඟ දීම ජීවිතයෙන් සමුගෙන තිබේ.