
ශ්රී ලංකා පාර්ලිමේන්තුවේ හිටපු කථානායකවරයෙකු සහ හිටපු කැබිනට් අමාත්යවරයෙකු වන ජ්යෙෂ්ඨ දේශපාලනඥ චමල් රාජපක්ෂ මහතාගේ බිරිඳ, චන්ද්රා මාලනී රාජපක්ෂ මහත්මිය අද (2026 නොවැම්බර් 15) අභාවප්රාප්ත වූවාය.
රෝගී තත්ත්වයක් හේතුවෙන් ගාල්ල කරාපිටිය ශික්ෂණ රෝහලට ඇතුළත් කිරීමෙන් අනතුරුව, එහි ප්රතිකාර ලබමින් සිටියදී ඇය මෙලෙස අභාවප්රාප්ත වී ඇති බව වාර්තා කරනු ලැබ තිබේ.
චන්ද්රා මාලිනී විජේවර්ධන ලෙස උපත ලද ඇය, ඌව පළාතේ හිටපු ප්රධාන අමාත්යවරයා මෙන්ම පාර්ලිමේන්තුවේ හිටපු නියෝජ්ය අමාත්යවරයා ද වන ශෂීන්ද්ර රාජපක්ෂ සහ ශමීන්ද්ර රාජපක්ෂ යන මහත්වරුන්ගේ මෑණියන් වන්නීය.
මෙරට පාර්ලිමේන්තුවේ කථානායක ධුරය මෙන්ම අමාත්ය ධුර රැසක් හොබවා ඇති ඇගේ ස්වාමිපුරුෂයා වන චමල් රාජපක්ෂ මහතා හිටපු ජනපති මහින්ද රාජපක්ෂගේ වැඩිමල් සොයුරාද වෙයි. මෙරට ප්රමුඛ පෙළේ ජ්යෙෂ්ඨ දේශපාලනඥයෙකි.
අභාවප්රාප්ත චන්ද්රා මාලනී රාජපක්ෂ මහත්මියගේ දේහය පිළිබඳ අවසන් කටයුතු සිදුකෙරෙන දිනය සහ ස්ථානය ඇතුළු ඉදිරි තොරතුරු පිළිබඳව ඉදිරියේදී දැනුම් දීමට නියමිතය.