රජය තහනම් කළ ඔන්ලයින් සූදු වෙබ් අඩවි මෙන්න

නිසි බලපත්‍ර ලබාගැනීමකින් තොරව ශ්‍රී ලංකාව තුළ නීතිවිරෝධී අයුරින් පවත්වාගෙන ගිය අන්තර්ජාල සූදු සහ ඔට්ටු ඇල්ලීමේ වෙබ් අඩවි 24ක් සඳහා පිවිසීම වහාම ක්‍රියාත්මක වන පරිදි අත්හිටුවීමට ශ්‍රී ලංකා විදුලි සංදේශ නියාමන කොමිෂන් සභාව (TRCSL) පියවර ගෙන තිබේ. මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය යටතේ ක්‍රියාත්මක වන සූදු ක්‍රීඩා නියාමන අධිකාරිය විසින් කරන ලද දැනුම්දීමකට අනුව ඊයේ (04) දින මෙම තීරණය ගෙන ඇත.

ඩිජිටල් ආර්ථික අමාත්‍යාංශය යටතේ පවතින විදුලි සංදේශ නියාමන කොමිෂන් සභාව නිවේදනය කරන්නේ, 2025 අංක 17 දරන සූදු ක්‍රීඩා නියාමන අධිකාරිය පනතේ 15, 16 සහ 18 යන වගන්ති ප්‍රකාරව අවශ්‍ය වලංගු බලපත්‍ර ලබාගැනීමකින් තොරව මෙරට තුළ මෙවැනි සේවාවන් පවත්වාගෙන යාම සහ ප්‍රවර්ධනය කිරීම එකී පනතේ 44 වගන්තිය අනුව දණ්ඩනීය වරදක් මෙන්ම නීතිවිරෝධී ක්‍රියාවක් වන බවයි. ඒ අනුව අදාළ නීතිවිරෝධී වෙබ් අඩවි වෙත මෙරට සිට පිවිසීම වැළැක්වීමට අවශ්‍ය පියවර ගන්නා ලෙස සියලුම විදුලි සංදේශ සේවා සපයන්නන් වෙත උපදෙස් ලබා දී තිබේ.

මෙලෙස වහාම ක්‍රියාත්මක වන පරිදි තහනමට ලක්වූ නීතිවිරෝධී අන්තර්ජාල සූදු වෙබ් අඩවි 24 මෙසේය:

1xbet(dot)com

betway(dot)com/en-lk

22bet(dot)com

melbet(dot)com

unibet(dot)com

betfair(dot)com

dafabet(dot)com

bet365(dot)com

1win(dot)com

spinbetter(dot)com

10cric(dot)com

bc(dot)game

megapari(dot)com

pin-up(dot)bet

stake(dot)com

mostbet(dot)com

parimatch(dot)com

betwinner(dot)com

linebet(dot)com

4rabet(dot)com

rajabets(dot)com

dbbet(dot)com

coldbet(dot)com

WinWin(dot)