දිවයින පුරා පවතින යූරියා පොහොර බෙදාහැරීමේ ජාලය තවදුරටත් පුළුල් කරමින්, එම ක්රියාවලිය වඩාත් කාර්යක්ෂම සහ විධිමත් කිරීමේ අරමුණින් පෞද්ගලික අංශයේ ආයතන වෙත ද ඊට මැදිහත් වීමට අවස්ථාව ලබා දීමට රජය පියවර ගෙන තිබේ. කෘෂිකර්ම අධ්යක්ෂ ජනරාල් ආචාර්ය තුෂාර වික්රමාරච්චි මහතා සඳහන් කරන පරිදි, මෙම නව ක්රමවේදය ක්රියාත්මක වීමත් සමඟ දැනට උද්ගතව ඇති පොහොර බෙදාහැරීමේ ගැටලු ඉදිරි සතියක කාලය තුළ සම්පූර්ණයෙන්ම නිරාකරණය වනු ඇත.
එබැවින් වෙළෙඳපොළ තුළ කෘත්රිම පොහොර හිඟයක් පවතින බවට අනවශ්ය බියක් මවා නොපාන ලෙස ද හෙතෙම මහජනතාවගෙන් ඉල්ලීමක් කරයි.මේ වන විටත් කෘෂිකාර්මික කටයුතු වෙනුවෙන් ප්රමාණවත් තරම් යූරියා පොහොර තොග රට පුරා ගබඩා කර පවතින බව කෘෂිකර්ම බලධාරීහු තහවුරු කරති. වර්තමාන යල කන්නයේ අවශ්යතාවන් සපුරාලීමට අමතරව, එළඹෙන මහ කන්නය සඳහා ද කිසිදු ප්රමාදයකින් තොරව පොහොර ආනයනය කිරීම වෙනුවෙන් රජය විසින් මේ වන විටත් නිශ්චිත හා විධිමත් වැඩපිළිවෙළක් සැලසුම් කර අවසන්ව ඇත. ඒ අනුව, පොහොර බෙදාහැරීම සම්බන්ධයෙන් විවිධ කණ්ඩායම් විසින් සමාජය පුරා පතුරුවා හරිනු ලබන පදනම් විරහිත අසත්ය ප්රකාශ සහ කටකතා කෙරෙහි කිසිදු විශ්වාසයක් නොතබන ලෙස ගොවි ජනතාවට වැඩිදුරටත් දැනුම් දී තිබේ.
