ටියුෂන් පන්ති වලියට ප්‍රසන්න රණවීරගේ පුතු අත්අඩංගුවට

Ad Code

ටියුෂන් පන්ති වලියට ප්‍රසන්න රණවීරගේ පුතු අත්අඩංගුවට

prasanna-ranaweera-son-arrested

රාජ්‍ය අමාත්‍ය ප්‍රසන්න රණවීර මහතාගේ පුත්‍රයා සහ තවත් පිරිසක් කිරිබත්ගොඩ පොලීසිය විසින් අත්අඩංගුවට ගෙන පසුව පොලිස් ඇප මත මුදාහැර තිබෙනවා.

ඒ, කිරිබත්ගොඩදී පාසල් ළමුන් දෙදෙනෙකුට පහරදීමේ සිද්ධියක් සම්බන්ධයෙන්.

කිරිබත්ගොඩ ප්‍රදේශයේ ප්‍රසිද්ධ පෞද්ගලික උපකාරක පන්තියක් ඉදිරිපිටට පැමිණි තරුණයින් කණ්ඩායමක් විසින් එහි සිසුන් දෙදෙනෙකුට අමානුෂික ලෙස පහරදී තුවාල සිදුකර තිබුණේ පසුගිය 26 වනදායි. පොලීසිය පැවසුවේ ඒ අතර කුඩා හා මධ්‍ය පරිමාණ ව්‍යවසාය සංවර්ධන රාජ්‍ය අමාත්‍ය ප්‍රසන්න රණවීර මහතාගේ 20 හැවිරිදි පුත්‍රයා ද සිට ඇති බවයි.



අනතුරුව පොලිස් හදිසි ඇමතුම් අංකයට ලද තොරතුරකට අනුව එම ස්ථානයට ගිය පොලීසිය විසින් රාජ්‍ය අමාත්‍යවරයාගේ පුත්‍රායා අතුළු පස් දෙනෙකු අත්අඩංගුවට ගෙන තිබුණි. සැකකරුවන්ගෙන් සිදුකළ ප්‍රශ්න කිරීම්වලදී ඔවුන් පවසා ඇත්තේ ඇමති පුත්‍රයාගේ මිතුරෙකුගේ පෙම්වතියකට, අදාළ සිසුන් දෙනොගෙන් අයෙක් පෙම් හසුනක්දීමේ සිද්ධියක් මෙම පහරදීමට හේතුවී ඇති බවයි.

එමෙන්ම පහරදීම සඳහා රාජ්‍ය අමාත්‍යවරයාගේ පුත්‍රයා පැමිණ ඇත්තේ ටොයෝටා 141 වර්ගයේ කළු පැහැති WP KX 8472 දරන මෝටර් රථයෙන් වන අතර එය කර්මාන්ත හා වාණිජ කටයුතු අමාත්‍යාංශයේ ලේකම්වරයා යටතේ ලියාපදිංචි කළ මෝටර් රථයක් බව මෝටර් රථ ප්‍රවාහන දෙපාර්තමේන්තුව වැඩිදුරටත් අනාවරණය කරයි.



සැකකරුවන්ගේ පහරදීමෙන් තුවාල ලැබූ සිසුන් දෙදෙනා රෝහල්ගත කිරීමෙන් අනතුරුව ප්‍රතිකාර ලබා ඉන් පිටව ගොස් ඇති අතර සැකකරුවන් පස් දෙනාද කිරිබත්ගොඩ පොලීසිය විසින් පොලිස් ඇප මත මුදාහැර තිබුණි.




ඔබේ ප්‍රතිචාරය කුමක්ද?

Read Other News


Close Menu