බලන්ගොඩ මහේස්ත්‍රාත් රුවන් දිසානායක මහතා පෙරේදා (07දා) නියෝග කළේය.
හිටුවල පුඩුකාඩුව ප්‍රදේශයේ පදිංවී ගයාන් මධුශංඛ (24) නමැත්තෙකු මෙසේ රක්ෂිත බන්ධනාගාරගත කෙරිණි. බලන්ගොඩ, වලේබොඩ ලිපිනය පදිචි බී.ඒ. හිමංසා දෙව්මිණි දයාරත්න (17) නමැති පාසල් සිසුවිය මෙම සිද්ධියෙන් ජීවිතක්ෂයට පත්ව තිබිණි.
පසුගිය වසරේ සාමාන්‍ය පෙළ විභාගයට ඉදිරිපත්ව උසස් පෙළ හැදෑරීමට සූදානම්ව සිටි ඇය පසුගිය 05දා සිය මවුපියන්ට දන්වා බලන්ගොඩ නගරයට පැමිණ ඇත්තේ නගරයේ පාසලකට ඇතුළත් වීමට අවශ්‍ය අඳුම් පැළඳුම් සහ උපකරණ රැගෙන යාමටය.
එහෙත් අඳුර වැටෙන තුරුත් ඇය නිවසට නොපැමිණීම නිසා මවුපියන් ඇතුළු පිරිස ඇය පිළිබඳ විපරම් කර තිබේ. එහිදී දැනගන්නට ලැබී ඇත්තේ හිටුවල පුඩුකාඩුව ප්‍රදේශයේ තරුණයෙකු විසින් ඇය පැහැරගෙන ගොස් නිවසේ රඳවාගෙන සිටින බවයි. අනතුරුව එම තරුණයාගේ නිවස වෙත ගොස් සිසුවියගේ මවුපියන්ගෙන් විමසුවත් නිවසේ සිටි වැඩිහිටියන් පවසා තිබුණේ නිවසේ තරුණියක් නොමැති බවයි.
අනතුරුව අධික රුධිර වහනය වෙමින් සිහිසුන්ව සිටි සිසුවියව පොලීසියේඋපදෙස් අනුව බලන්ගොඩ මූලික රෝහලට ඇතුළත් කිරීමෙන් පසු එහි දැඩි සත්කාර ඒකකයේ ප්‍රතිකාර ලබමින් සිටියදී ඇය පෙරේදා (07දා) ජීවිතක්ෂයට පත්ව ඇත.
සිසුවියගේ පියා වන බී.ඒ. නිමල් දයාරත්න මහතා (42) පින්නවල පොලීසියට පවසා තිබුණේ මෙම තරුණයා සමග තම දියණිය ප්‍රේම සම්බන්ධයක් පැවති බවට දැනගන්නට නොතිබූ බවයි.
පිත්නවල පොලිසිය සිද්ධිය පිළිබද වැඩිදුර පරීක්‍ෂණ පවත්වයි.
අජිත් ලාල් ශාන්ත උදය, බලන්ගොඩ රෝහණ වසන්ත
