යැයි කියන කාන්තාවක රුපියල් දෙලක්ෂයක මුදලක් සමග වැලිගෙපොල පනාන ප්‍රදේශයේදී ඉකුත් නව වැනි දින අත්අඩංගුවට ගත් බව වැලිගෙපොල පොලිසිය කියයි.
මෙසේ අත්අඩංගුවට ගෙන ඇත්තේ තිස් පස් හැවිරිදි එක් දරු මවක බවත්, එම කාත්තාව තම විවාහක සැමියා අතහැර අනියම් සැමියකු සමග පනාන ප්‍රදේශයේ පදිංචිව සිටින බවත් පොලිසිය පවසයි. කොලොන්න කුඹුරුගමුව ප්‍රදේශයේ පදිංචි විදෙස් රටක රැකියාවක නිරත විසිපස් හැවිරිදි අවිවාහක තරුණයෙකු සමග මෙම කාන්තාව පස් මසක පමණ කාලයක සිට ඉමෝ තාක්ෂණය ඔස්සේ සම්බන්ධ වී තිබෙන බවට තොරතුරු හෙළි වූ බව පොලිසිය පවසයි.දිගටම සැකකාර කාන්තාව සමග සම්බන්ධතා පවත්වා තිබෙන බවත් පොලිසිය කියයි.
සැකකාරිය විසින් එම මුදල් ලබා ගැනීමෙන් පසුව එම තරුණයාව පවසා ඇත්තේ තමන් මහනුවර ප්‍රදේශයේ තරුණියක බවත් සැමියාගෙන් වෙන්වී හුදකලාව ජිවත් වන අයකු බවත් ගුරුවරියක නොවන බවත් ඉන් තාක්ෂණය ඔස්සේ පවසා ඇති බව පොලිසිය කියයි.පසුව තරුණයා නොයෙක් අවස්ථාවල සැකකාරියව ඇමතුම් ලබා ගැනීමට උත්සාහ ගත්ත ද එම සැකකාරිය විසින් මගහැරිමට ගත් උත්සාහය ගැන සැක සිතී තරුණයා මේ කාත්තාව ගැන සොයා ඒ ගැන පොලිසියට දැනුම් දුන් බවත් ඒ අනුව බැංකු ගිණුම ඔස්සේ පරික්ෂණ පවත්වා සැකකාරිය ගැනීමට හැකි වූ බවත් පොලිසිය කියයි.
විවිධ අවස්ථාවල තරුණයා විසින් එම සැකකාරියට එවන ලද මුදල් භාවිත කරමින් සැකකාරිය ඉඩම්, නවීන පන්නයේ යතුරුපැදියක් ඇතුළු බොහෝ දේ මිලදී ගෙන ඇති බවත් තම සන්තකයේ රුපියල් ලක්ෂ දෙකක මුදලක් පමණක් ඉතිරිව ඇති බවත් සැකකාරිය පැවැසූ බව පොලිසිය කියයි.
මෙවැනි වංචාවක් සිදු කිරිමට සැකකාරියගේ අනියම් සැමියා සහාය දක්වන්නට ඇති බවට සැක කරන බවත් මේ සමබන්ධව ඉදිරි පරික්ෂණ කටයුතු සිදු කිරීම කොළඹ අපරාධ පරික්ෂණ දෙපාර්තමේන්තුවට පැවැරිමට නියමිත බවත් පොලිසිය පවසයි.
-රෝහණ සමරවීර-
