චීනයේ පැවැත්වෙන ලෝක මානුෂරූපී රොබෝ තරඟාවලියේදී මීටර් 100 දිවීමේ තරඟය තත්පර 9.39 කින් නිම කිරීමට මානුෂරූපී රොබෝවෙකු සමත් වී තිබේ. බීජිං මානුෂරූපී රොබෝ නවෝත්පාදන මධ්‍යස්ථානය (Beijing Innovation Centre of Humanoid Robotics) මගින් නිර්මාණය කරන ලද මෙම රොබෝවා, මීටර් 100 ඉසව්වේ මිනිසෙකු තබා ඇති ලෝක වාර්තාව අභිබවා ගියේය.

මරණීය දණ්ඩනය සහ ජීවිතාන්තය දක්වා වූ සිර දඬුවම් හිමිව සිටින රැඳවියන්ට ජනාධිපති පොදු සමාව පිරිනැමීම සඳහා වන විධිමත් ක්‍රමවේදයක් සකස් කිරීමට පත්කළ කමිටුවේ වාර්තාව කඩිනමින් අමාත්‍ය මණ්ඩලය වෙත යොමු කරන බව අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා ප්‍රකාශ කරයි.

ශ්‍රී ලංකා පොදුජන පෙරමුණේ ජාතික සංවිධායක සහ පාර්ලිමේන්තු මන්ත්‍රී නාමල් රාජපක්ෂ මහතා මුල්‍ය අපරාධ විමර්ශන කොට්ඨාසය (FCID) හමුවේ පෙනී සිටිමින් පැය හයකට ආසන්න කාලයක් ප්‍රකාශයක් ලබා දී තිබේ. මුහුදු තීරයේ පිහිටි තංගල්ල බේ හෝටලය මිලදී ගැනීමට අදාළව සිදුකෙරෙන දීර්ඝ විමර්ශනයකට සම්බන්ධයෙන් ලබාදුන් කැඳවීමකට අනුව ඔහු මෙසේ පෙනී සිට ඇත.

රාගම - වල්පොල මාර්ගයේ වල්පොල දුම්රිය ස්ථානය ආසන්නයේදී ලොරි රථයක් පාලනය කරගත නොහැකිව සිදු වූ රිය අනතුරකින් අටහැවිරිදි දැරියක් මියගොස් ඇගේ මව සහ සහෝදරයා බරපතල තුවාල ලබා තිබේ.

වැල්ලවාය - මොනරාගල ප්‍රධාන මාර්ගයේ කුඹුක්කන පාලම අසලදී ඊයේ අලුයම සිදු වූ දරුණු රථවාහන අනතුරකින් වන්දනාකරුවන් පස්දෙනෙකු ජීවිතක්ෂයට පත්ව තවත් තිදෙනෙකු බරපතල තුවාල ලබා තිබේ. කබිලිත්ත දෙවාලයේ පූජාවකට සහභාගී වීම සඳහා පල්වත්ත සහ හොරබොක්ක ප්‍රදේශවල සිට ට්‍රැක්ටර් රථ තුනකින් ගමන් කරමින් සිටි පිරිසක් අතුරින් එක් ට්‍රැක්ටර් රථයක් මෙලෙස අනතුරට ලක්ව ඇත.

ශ්‍රී ලාංකීය සංගීත ක්ෂේත්‍රයේ අසහාය ගායන ශිල්පිනී, ආචාර්ය විශාරද නන්දා මාලනියගේ අවසන් කටයුතු අද (22) පස්වරුවේ බොරැල්ල පොදු සුසාන භූමියේදී සිදු කෙරිණි. නාවල පිහිටි නන්දා මාලනී සංගීත ආශ්‍රමයේ තැන්පත් කර තිබූ ඇගේ දේහයට ඊයේ සිට විශාල පිරිසක් අවසන් ගෞරව දැක්වූහ. අද පස්වරු 3.30ට ආරම්භ වූ රිය පෙරහැරකින් දේහය බොරැල්ල කනත්ත වෙත රැගෙන ආ අතර, ඇගේ අන්තිම කැමති පත්‍රයට අනුව කිසිදු ගුණකථනයක් හෝ උත්සව සභාවක් නොමැතිව පස්වරු 4.30ට අවසන් කටයුතු සිදු කරන ලදී. ඡායාරූප එකතුව මේ සමග පළවේ.

යාපනය බණ්ඩාරතරිප්පු ප්‍රදේශයේ පිහිටි මුරුගමූර්ති කෝවිලේ පැවැති උත්සවයක් අතරතුර සිදුවූ අවාසනාවන්ත සිදුවීමකින් පුද්ගලයින් 150කට වැඩි පිරිසක් ඇස් ආශ්‍රිත අසාත්මිකතා හේතුවෙන් රෝහල්ගත කර තිබේ. ඉකුත් 20 වැනිදා පැවැති මෙම උත්සවයේදී භාවිත කරන ලද අධිබලැති ලේසර් කිරණ සහ රතිඤ්ඤා දැල්වීමෙන් පිටවූ අධික දුමය මෙම තත්ත්වයට ප්‍රධාන වශයෙන් හේතු වී ඇති බව වාර්තා වේ.

ඉන්දීය ක්‍රිකට් කණ්ඩායමේ හිටපු නායකයෙකු සහ ප්‍රධාන පුහුණුකරුවෙකු වන රාහුල් ද්‍රවිඩ්, වයස අවුරුදු 15ක් වන නැගී එන සුපිරි පිතිකරු වෛභව් සූර්යවංශි අනාගත ටෙස්ට් ක්‍රිකට් ක්‍රීඩාවේ පුනර්ජීවනය උදෙසා ප්‍රධාන සාධකයක් විය හැකි බව ප්‍රකාශ කරයි. යුරෝපීය ටී-20 ප්‍රීමියර් ලීග් තරගාවලියේ ඩබ්ලින් ගාඩියන්ස් කණ්ඩායමේ සම හිමිකරුවෙකු ලෙස එක්වෙමින් ඩබ්ලින්හි පැවැති මාධ්‍ය හමුවකදී අදහස් දැක්වූ ද්‍රවිඩ් සඳහන් කළේ, මෙම නව යොවුන් ක්‍රීඩකයාගේ කෙටි පන්දු වාර තරග රටාවල සාර්ථකත්වය සහ දීර්ඝ පන්දු වාර තරග රටාවේ අත්දැකීම් අතර නිසි සමබරතාවක් පවත්වා ගැනීම ඉතා වැදගත් වන බවයි.

ඉන්දුනීසියාවේ බාලි ද්වීපයේ හින්දු භක්තිකයන්ගේ පූජනීය 'නියෙපි' (Nyepi) නැමැති නිශ්ශබ්දතාවයේ පූජෝත්සවයට අපහාස වන අයුරින් සමාජ මාධ්‍ය ඔස්සේ වීඩියෝ දර්ශන ප්‍රචාරය කළ 26 හැවිරිදි ස්විට්සර්ලන්ත ජාතික සංචාරකයෙකුට බාලි හි දෙන්පසාර් මහාධිකරණය මගින් වසරක සිරදඬුවමක් නියම කර තිබේ.