22 වැනි ආණ්ඩුක්රම ව්යවස්ථා සංශෝධනයට එරෙහිව සමගි ජන බලවේගය විසින් සංවිධානය කරන ලද විරෝධතා ව්යාපාරයක් හේතුවෙන් බත්තරමුල්ල, පොල්දූව මංසන්දිය ආශ්රිත පාර්ලිමේන්තු පිවිසුම් මාර්ගයේ ඊයේ (24) දැඩි නොසන්සුන්කාරී වාතාවරණයක් හටගත්තේය. විරෝධතාව අතරතුර පිරිස රැගෙන ආ බැනරයක් අනෙක් පසට (උඩුකුරු අතට) අල්ලා සිටීම මුල් කරගනිමින් එහි සිටි පිරිස් අතර මතභේදාත්මක තත්ත්වයක් ගොඩනැගුණු අතර, එය තල්ලු කරගැනීම් සහ උණුසුම් වචන හුවමාරු කරගැනීම දක්වා දුරදිග ගියේය.
මෙම හදිසි කලබලකාරී තත්ත්වය හේතුවෙන් එම මාර්ගයේ රථවාහන ගමනාගමනයට ද දැඩි බාධා මතුවිය.මෙම විරෝධතා ව්යාපාරය සඳහා සමගි ජන බලවේගයේ පාර්ලිමේන්තු මන්ත්රීවරුන් වන කබීර් හෂීම්, හර්ෂණ රාජකරුණා, රෝහිණි කවිරත්න සහ චමින්ද්රානී කිරිඇල්ල ඇතුළු මහජන නියෝජිතයින් රැසක් සහභාගී වූ අතර, ඒ සඳහා එම පක්ෂයේ පාක්ෂිකයින් විශාල පිරිසකගේ ද සහයෝගය හිමිව තිබුණි.
යෝජිත 22 වැනි ආණ්ඩුක්රම ව්යවස්ථා සංශෝධනය මගින් රටේ ප්රජාතන්ත්රවාදයට මෙන්ම අධිකරණයේ ස්වාධීනත්වයට ද දැඩි බලපෑම් එල්ල වන බවට විරෝධතාකරුවෝ මෙහිදී චෝදනා කළහ. එබැවින් රටට සහ ජනතාවට අහිතකර ලෙස බලපාන මෙම ව්යවස්ථා සංශෝධනය වහාම ආපසු හරවා ගන්නා ලෙස ඔවුහු රජයට බල කර සිටියහ.
