කඩවත, ඉහළ බියන්විල ප්රදේශයේ පැවති උපන්දින සාදයක් අතරතුර සිදුවූ දරුණු පහරදීමකින් 54 හැවිරිදි පුද්ගලයෙකු ජීවිතක්ෂයට පත්වීමේ සිද්ධියට සම්බන්ධ ප්රධාන සැකකරු අත්අඩංගුවට ගැනීමට කඩවත පොලිසිය සමත්ව තිබේ.
පසුගිය සති අන්තයේ මෙම අවාසනාවන්ත සිද්ධිය වාර්තා වී ඇති අතර, මියගිය තැනැත්තා සිය සහෝදරයාගේ උපන්දින සැමරුම සඳහා සහභාගී වී සිටි අවස්ථාවේදී මෙම ආරවුල හටගෙන ඇත. සාදය අතරතුර ඇතිවූ උණුසුම් බහින්බස්වීමක් දුරදිග යාමෙන් පසුව පුද්ගලයින් දෙදෙනෙකු විසින් තියුණු ආයුධවලින් පහරදීම සිදුකර ඇති බව පොලිස් පරීක්ෂණවලදී අනාවරණය වී තිබේ.
එම ප්රචණ්ඩකාරී ප්රහාරයෙන් බරපතල තුවාල ලැබූ පුද්ගලයින් තිදෙනා රාගම ශික්ෂණ රෝහලට ඇතුළත් කිරීමෙන් අනතුරුව, මෙලෙස 54 හැවිරිදි පුද්ගලයා මියගොස් ඇත. මේ වන විට සිද්ධියේ ප්රධාන සැකකරු පොලිස් භාරයට ගෙන ඇති අතර, ප්රහාරයෙන් පසුව ප්රදේශයෙන් පළාගිය අනික් සැකකරු සොයා කඩවත පොලිසිය වැඩිදුර විමර්ශන මෙහෙයවනු ලබයි.