රෝහල් ආරංචි මාර්ගවලට අනුව, මෙලෙස ජීවිතක්ෂයට පත්ව ඇති පිරිස අතර බන්ධනාගාරයේ සේවයේ නියුතු ජේලර්වරයෙකු සහ බන්ධනාගාර නියාමකවරුන් තිදෙනෙකු ද සදහන් වේ. එමෙන්ම එහි රඳවා සිටි රැඳවියන් 15 ක් ද මෙම ගැටුම හේතුවෙන් මරණයට පත්ව ඇති බව තහවුරු කර ඇත.
මියගිය පිරිසෙන් දෙදෙනෙකු මියගියේ ඊයේය.
බන්ධනාගාරය ඇතුළත පවතින බරපතළ තත්ත්වය නිරීක්ෂණය කිරීම වෙනුවෙන් ශ්රී ලංකා ගුවන් හමුදාව විසින් ඩ්රෝන යානයක් යොදවා තිබූ අතර, බන්ධනාගාරය තුළ සිට එම යානය ඉලක්ක කර ගනිමින් වෙඩි ප්රහාරයක් ද එල්ල කර තිබේ. මෙලෙස උත්සන්න වූ නොසන්සුන්භාවය මැඩපවත්වා තත්ත්වය පාලනය කිරීම සඳහා ගුවන් හමුදාවට අයත් හෙලිකොප්ටර් යානයක් ද එම ගුවන් සීමාවට කැඳවා මෙහෙයුම් සඳහා දායක කරගන්නා අයුරු දක්නට ලැබිණි.
