මීගොඩ මංසන්ධිය ආසන්නයේ පැවති වෙසක් දන්සලක් අසල රැස්ව සිටි පිරිසක් අතරට කැබ් රථයක් කඩා වැදීමෙන් සිදුවූ දරුණු රිය අනතුරකින් පිරිමි පුද්ගලයින් තිදෙනෙකු සහ කාන්තාවන් තිදෙනෙකු ඇතුළුව පුද්ගලයින් හය දෙනෙකු ජීවිතක්ෂයට පත්ව ඇති බව පොලිසිය පවසයි. මෙම අවාසනාවන්ත සිදුවීමෙන් අනතුරුව රෝහල් ගත කළ පිරිසක් අතරින් මෙම මරණ වාර්තා වී ඇති බව පොලිසිය වැඩිදුරටත් සඳහන් කළේය.
වාර්තා වන ආකාරයට මෙම කැබ් රථය දන්සල අසල සිටි ජනතාව අතරට එක්වරම ධාවනය වී ඇති අතර, ඉන් පුද්ගලයින් ගණනාවකට තුවාල සහ ජීවිත හානි සිදුවී තිබේ. කෙසේ වෙතත්, මෙම රිය අනතුරට හේතු වූ නිශ්චිත කරුණු මෙතෙක් අනාවරණය වී නොමැත. අනතුරට සම්බන්ධ කැබ් රථයේ රියදුරු මේ වන විට පොලිස් අත්අඩංගුවට ගෙන ඇති අතර සිද්ධිය සම්බන්ධයෙන් තවදුරටත් පුළුල් විමර්ශන ක්රියාත්මක වෙමින් පවතී. අනතුරින් ජීවිතක්ෂයට පත්වූවන්ගේ අනන්යතාවය බලධාරීන් විසින් මෙතෙක් ප්රකාශයට පත් කර නොමැති අතර, මේ වන විට රෝහල්ගතව ප්රතිකාර ලබන තුවාලකරුවන්ගේ නිශ්චිත සංඛ්යාව ද තහවුරු කර නොමැත.