පෙරේදා (14) පස්වරු කාලයේදී වැල්ලවාය පොලිස් වසමට අයත් නෙටොලගම ප්රදේශයේදී තියුණු ආයුධයකින් පහර දී තිස්දෙහැවිරිදි කාන්තාවක් අමානුෂික ලෙස ඝාතනය කර තිබේ.
මෙම පහරදීම සම්බන්ධයෙන් වැල්ලවාය පොලිස් ස්ථානය වෙත ලද තොරතුරකට අනුව වහාම ක්රියාත්මක වූ නිලධාරීන් අපරාධය සිදුවූ ස්ථානයට පැමිණ ඇත.
එහිදී බරපතළ තුවාල ලබා සිටි අදාළ කාන්තාව කඩිනමින් වැල්ලවාය මූලික රෝහලට ඇතුළත් කිරීමට පොලිසිය පියවර ගත්තද, ඒ වන විටත් ඇය ජීවිතක්ෂයට පත්ව සිටි බව රෝහල් බලධාරීන් විසින් තහවුරු කරනු ලැබීය.
මෙලෙස ඛේදනීය ඉරණමකට ගොදුරු වී ඇත්තේ වැල්ලවාය, නෙටොලගම ප්රදේශයේම පදිංචිව සිටි කාන්තාවකි.
පොලිසිය විසින් මේ දක්වා සිදු කර ඇති මූලික පරීක්ෂණවලට අනුව අනාවරණය වී ඇත්තේ, මියගිය කාන්තාව සහ ඇගේ අනියම් සැමියා අතර ඇතිවූ පෞද්ගලික ආරවුලක් උත්සන්න වීම මෙම අපරාධයට මුල් වී ඇති බවයි.
මෙම ඝාතනය සිදු කළ සැකකාර පුද්ගලයා මේ වන විටත් ප්රදේශය හැරදමා පළා ගොස් තිබේ.
නීතියේ රැහැනින් මිදී සැඟවී සිටින එම සැකකරු වහාම අත්අඩංගුවට ගැනීම සඳහා වැල්ලවාය පොලිසිය විසින් මේ වන විට පුළුල් මෙහෙයුමක් දියත් කරමින් වැඩිදුර විමර්ශන කටයුතු සිදු කරනු ලබයි.
