සාමාන්ය ජනයා තම බදු මුදල් වලින් ඩොලර් සිය ගණනක් හෝ දහස් ගණනක් ඉතිරි කර ගැනීමට විවිධ උපක්රම භාවිතා කළද, ඇමේසන් නිර්මාතෘ ජෙෆ් බේසෝස් වැනි බිලියනපතියන් සිතන්නේ ඊට වඩා විශාල පරාසයකිනි. කිසිදු රහසිගත බදු සිදුරක් භාවිතයෙන් තොරව, ඉතා සරල උපායමාර්ගික පියවරක් හරහා ඔහු තම බදු බිලෙන් ඩොලර් බිලියනයකට ආසන්න මුදලක් කපා හැරීමට සමත් වී ඇති බව වාර්තා වේ.
බේසෝස් ක්රියාත්මක කළ මෙම සරල උපායමාර්ගය වූයේ වොෂින්ටන් ප්රාන්තයේ සිට ෆ්ලොරිඩා වෙත සිය පදිංචිය වෙනස් කිරීමයි. එක් ප්රාන්තයකින් තවත් ප්රාන්තයකට යාමෙන් මෙතරම් විශාල මුදලක් ඉතිරි කර ගන්නේ කෙසේද යන්න ගැටලුවක් වුවද, එහි සැබෑ රහස සැඟවී ඇත්තේ ප්රාන්ත මට්ටමින් අය කරන බදු අනුපාතයන් තුළය.
වසර ගණනාවක් සියැටල් හි ජීවත් වූ ඔහු, 2023 වසරේදී "බිලියනපතියන්ගේ බංකරය" (Billionaires’ Bunker) ලෙසද හැඳින්වෙන ෆ්ලොරිඩාවේ ඉන්ඩියන් ක්රීක් විලේජ් ප්රදේශය වෙත පදිංචියට යන බව නිවේදනය කළේය. වොෂින්ටන් ප්රාන්තය සියලුම ප්රාග්ධන ලාභ මත 7% ක බද්දක් අය කරන අතර, ඊට හාත්පසින්ම වෙනස් ප්රතිපත්තියක් අනුගමනය කරන ෆ්ලොරිඩාව ප්රාන්ත ආදායම් බදු හෝ ප්රාග්ධන ලාභ බදු අය නොකරන ප්රාන්ත කිහිපයෙන් එකක් වීම මෙහිදී තීරණාත්මක සාධකයක් විය.
සිය වයෝවෘද්ධ දෙමාපියන්ට සමීපව සිටීමේ අරමුණින් මෙම පදිංචිය වෙනස් කළ බව ඔහු ප්රකාශ කළද, එය මූල්යමය වාසි අරමුණු කරගත් පියවරක් ද වීම පුදුමයට කරුණක් නොවේ. පදිංචිය වෙනස් කිරීමෙන් පසුව බේසෝස් විසින් ඩොලර් බිලියන 13.6 ක් පමණ වටිනා ඇමේසන් කොටස් විකුණා ඇති අතර, ඔහු තවමත් 7% ක ප්රාග්ධන ලාභ බද්දක් ඇති සියැටල් හි ජීවත් වූයේ නම් ඒ සඳහා ඩොලර් මිලියන 952 ක බද්දක් ගෙවීමට ඔහුට සිදුවනු ඇත.
ෆ්ලොරිඩාවේ ජීවත් වීම හේතුවෙන් ඔහුගේ මෙම බදු බිල බිංදුවක් බවට පත්වූ අතර, බහුතරයක් ජනයාට මෙවැනි බිලියන ගණනක බදු බිල්පත් වලට මුහුණ දීමට සිදු නොවුණද, අප ජීවත් වන ස්ථානය වැනි සරල වෙනස්කම් අපගේ මූල්ය කටයුතු කෙරෙහි කෙතරම් බලපෑමක් ඇති කරන්නේද යන්න මෙම සිදුවීමෙන් මනාව පැහැදිලි වේ. විශේෂයෙන්ම විශ්රාමිකයින් තම අරමුදල් ආපසු ලබා ගැනීමේදී ෆ්ලොරිඩාව වැනි ආදායම් බදු රහිත ප්රාන්තයක ජීවත් වීම හරහා ගෙවීමට සිදුවන බදු ප්රමාණය සැලකිය යුතු ලෙස අඩු කර ගත හැකිය.
