දිවයිනේ ප්රදේශ දෙකකින් ඊයේ (01) දිනයේ දී පිරිමි මළ සිරුරු දෙකක් සොයාගෙන ඇති බව පොලීසිය ප්රකාශ කරයි. ඉන් එක් මළ සිරුරක් නිට්ටඹුව පොලිස් වසමට අයත් රණවිරුගම මංසන්ධිය ආසන්නයේ තිබී ඊයේ දහවල් කාලයේ දී සොයාගෙන ඇත.
මෙලෙස මියගොස් ඇත්තේ වයස අවුරුදු හැටත් හැටපහත් අතර පසුවන නාඳුනන පිරිමි පුද්ගලයෙකි. අඩි පහයි අඟල් තුනක පමණ උසකින් යුත් මෙම පුද්ගලයා මියයන අවස්ථාවේදී සුදු පැහැති ඉරි සහිත සරමක් හැඳ සිටි බවත්, ඔහුගේ මුහුණ පුරා වැඩුණු රැවුලක් දක්නට ලැබුණු බවත් වාර්තා වේ. හමුවූ මෘත දේහය මේ වන විට වතුපිටිවල රෝහලේ මෘත ශරීරාගාරයේ තැන්පත් කර තිබෙන අතර, සිද්ධියට අදාළ වැඩිදුර පරීක්ෂණ කටයුතු නිට්ටඹුව පොලීසිය විසින් මෙහෙයවනු ලබයි.මේ අතර, කොළඹ වරාය නගරයේ පෝර්ට් හාබර් ආයතනය ආසන්න මුහුදු තීරයේ පාවෙමින් තිබූ තවත් පිරිමි මළ සිරුරක් පිළිබඳව ද කොළඹ වරාය පොලීසියට ඊයේ උදෑසන තොරතුරක් ලැබී තිබුණි. ඒ අනුව සිදුකළ විමර්ශනවලදී මියගිය පුද්ගලයා වැල්වැටිතුරය ප්රදේශයේ පදිංචිව සිටි විසිහතර හැවිරිදි තරුණයෙකු බවට හඳුනාගෙන ඇත. මෙම තරුණයා පසුගිය පෙබරවාරි 28 වැනිදා කොළඹ වරාය නගර පරිශ්රයේ පැවති සංගීත ප්රසංගයක් නැරඹීම සඳහා පැමිණි අයෙකු බවට මේ වන විට තොරතුරු අනාවරණය වී තිබේ. සිද්ධිය සම්බන්ධයෙන් කොළඹ වරාය පොලීසිය විසින් තවදුරටත් පුළුල් විමර්ශනයක් ක්රියාත්මක කර ඇත.