සූරියවැව, නුගේකන්ද ප්රදේශයේ අද (31) දින සිදුවූ දරුණු මාර්ග අනතුරක් හේතුවෙන් මෙහෙණින් වහන්සේලා තුන් නමක් සහ තවත් පුද්ගලයෙකු බරපතළ තුවාල ලබා තිබේ. මෙලෙස තුවාල ලබා රෝහල්ගත කර ඇත්තේ එම මෙහෙණින් වහන්සේලා ගමන් ගත් ත්රිරෝද රථයේ රියදුරා ය.
මෙම අනතුර හටගෙන ඇත්තේ අතුරු මාර්ගයක් ඔස්සේ ධාවනය වූ ත්රිරෝද රථයක් හදිසියේම ප්රධාන මාර්ගයට ඇතුළු කිරීමට උත්සාහ කළ අවස්ථාවේදී ය. එහිදී ප්රධාන මාර්ගයේ ගමන් කරමින් තිබූ ලොරි රථයක එම ත්රිරෝද රථය ගැටී ඇති අතර, අනතුරුව රියදුරාට රථය පාලනය කරගැනීමට නොහැකි වීමෙන් මාර්ගය අයිනේ ගාල් කර තිබූ තවත් කුඩා ප්රමාණයේ ලොරි රථයක ද එය තවදුරටත් ගැටී ඇත.
අනතුරින් දැඩි ලෙස තුවාල ලැබූ මෙහෙණින් වහන්සේලා සහ ත්රිරෝද රථයේ රියදුරා ප්රදේශවාසීන්ගේ මැදිහත් වීමෙන් වහාම හම්බන්තොට මහ රෝහල වෙත ප්රතිකාර සඳහා ඇතුළත් කර තිබේ.
ත්රිරෝද රථ රියදුරාගේ අපරික්ෂාකාරී රිය ධාවනය මෙම අනතුර සඳහා සෘජුවම බලපා ඇති බව පොලීසිය ප්රකාශ කරයි. මෙම සිදුවීමට අදාළව සූරියවැව පොලීසිය විසින් මේ වන විටත් වැඩිදුර පරීක්ෂණ කටයුතු ආරම්භ කර ඇත.
