මාතලේ ප්රදේශයේ පිහිටි ජාතික පාසලක ඉගෙනුම ලබන සිසුවෙකු අපයෝජනයට ලක් කිරීමේ බරපතළ චෝදනාවක් මත එම පාසලේ විදුහල්පතිවරයා අද (31) දින අත්අඩංගුවට ගෙන තිබේ.
මෙම සිදුවීමට මුහුණ දී ඇත්තේ අදාළ විද්යාලයේම අධ්යාපනය හදාරමින් සිටින වයස අවුරුදු දහහතරක පිරිමි දරුවෙකි. මෙම බාලවයස්කාර සිසුවාට ලිංගික අතවර සිදු කළ බව පවසමින් සැකකාර විදුහල්පතිවරයාට එරෙහිව ඊයේ (30) දිනයේදී මහවෙල පොලීසිය වෙත නිල වශයෙන් පැමිණිල්ලක් ඉදිරිපත් කර ඇත.
අදාළ පැමිණිල්ල ලැබීමෙන් අනතුරුව සැකකරු අත්අඩංගුවට ගැනීම වෙනුවෙන් පොලිස් කණ්ඩායම් කිහිපයක්ම වහාම මෙහෙයුම් දියත් කළ ද, ඔහු ඒ වන විටත් ප්රදේශය අතහැර පලාගොස් තිබී ඇත. කෙසේ වෙතත්, විදුහල්පතිවරයා ප්රදේශයේ ස්ථාන කිහිපයකම සැඟවී සිටින බවට ප්රදේශවාසීන් විසින් රාත්රී කාලයේදී පොලීසිය වෙත තොරතුරු ලබා දී තිබේ. ඒ අනුව ක්රියාත්මක වූ පොලිස් නිලධාරීන් අදාළ ස්ථාන පුළුල් ලෙස සෝදිසි කරමින් සිටින අතරතුරදී, සැකකරු අද (31) උදෑසන මහවෙල පොලීසිය වෙත පැමිණ ස්වකැමැත්තෙන්ම භාර වී ඇති බව පොලීසිය වැඩිදුරටත් තහවුරු කර සිටී.
