කොළඹ ආර්. ප්රේමදාස ජාත්යන්තර ක්රිකට් ක්රීඩාංගණයේදී පැවැත්වීමට නියමිත එංගලන්ත ක්රිකට් කණ්ඩායමේ තරගාවලිය වෙනුවෙන් ශ්රී ලංකා පොලිසිය විසින් විශේෂ රථවාහන සැලැස්මක් ප්රකාශයට පත් කර තිබේ.
මෙම විශේෂ රථවාහන සැලැස්ම 2026 වසරේ ජනවාරි මස 22, 24, සහ 27 යන දිනවල ක්රියාත්මක වීමට නියමිතය.
තරග පැවැත්වෙන දිනවලදී, දහවල් 12.00 සිට තරගය අවසන් වන තෙක්, ක්රීඩාංගණය අවට මාර්ගවල ගමනාගමනය පහසු කිරීම සඳහා විකල්ප මාර්ග භාවිත කරන ලෙස රියදුරන් සහ මහජනතාවගෙන් ඉල්ලා සිටිනු ලැබේ.
ඒ අනුව, මෙම සැලැස්ම යටතේ බලපෑමට ලක්වන මාර්ග ලෙස ප්රදීපා මාවත, සද්ධර්ම මාවත, ජයන්ත වීරසේකර මාවත, ටෙම්පල් පාර (කැටරම මාවත), අඩි 100 මාර්ගය, බෝධිරාජ මාර්ගය, වින්සන්ට් පෙරේරා මාර්ගය සහ ආචාර්ය බ්රිටෝ බබාපුල්ලේ පෙදෙස නම් කර තිබේ.
කෙසේ වෙතත්, මෙම මාර්ග කිසිවක් වසා දැමීමක් හෝ ගමනාගමන සීමා කිරීම් සිදු නොකරන බවත්, සාමාන්ය රථවාහන ගලනය එලෙසින්ම පවත්වාගෙන යන බවත් ශ්රී ලංකා පොලිසිය අවධාරණය කරයි.