ජනතා විමුක්ති පෙරමුණ (ජ.වි.පෙ.) නිවේදනයක් නිකුත් කරමින්, ස්වාධීන හා ස්වෛරී රාජ්යයක් වන වෙනිසියුලාවට එරෙහිව ඇමරිකා එක්සත් ජනපදය සිදුකළ හමුදා ආක්රමණය මෙන්ම, ප්රජාතන්ත්රවාදීව තේරී පත් වූ ජනාධිපති නිකොලස් මදුරෝ මහතා සහ ඔහුගේ බිරිඳ පැහැරගෙන යාම තරයේ හෙළා දැක තිබේ.
වෙනත් ඕනෑම නිදහස් හා ස්වෛරී රාජ්යයක මෙන්, වෙනිසියුලාවේ අනාගතය සහ රටේ නායකත්වය තීරණය කිරීමේ පරමාධිපත්ය බලය එරට ජනතාව සතු බව ජ.වි.පෙ. එහිදී අවධාරණය කළේය.
බලවත් රටවලට මෙම මූලධර්ම උල්ලංඝනය කිරීමට අයිතියක් නොමැති බවද එම පක්ෂය පෙන්වා දෙයි. නූතන සමාජය හා පාලන ක්රමවේදයන් ශිෂ්ටසම්පන්න විය යුතු අතර, ප්රජාතන්ත්රවාදය, මානව හිමිකම් සහ රාජ්යයන්ගේ ස්වෛරීභාවය විශ්වීය වශයෙන් පිළිගත් මූලධර්ම ලෙස සැලකිය යුතු බව ජ.වි.පෙ. අවධාරණය කරයි.
මෙම මූලධර්ම උල්ලංඝනය කරමින් ස්වෛරී රාජ්යයන්ට එරෙහිව සිදුකරන හමුදා ආක්රමණ සහ ආක්රමණ කිසිසේත් සාධාරණීකරණය කළ නොහැකි බවද ජනතා විමුක්ති පෙරමුණ කියා සිටියේය.
ඒ අනුව, ඇමරිකා එක්සත් ජනපදය විසින් වෙනිසියුලාවට එරෙහිව සිදුකළ බලහත්කාර හමුදා ආක්රමණය කිසිවෙකුගේ අනුමැතියට ලක් නොවනු ඇතැයි තමන් විශ්වාස කරන බවද ජ.වි.පෙ. පවසා සිටියේය.
එමෙන්ම, ඇමරිකා එක්සත් ජනපදය විසින් වෙනිසියුලාවට එරෙහිව සිදුකළ හමුදා ආක්රමණය දැඩිව හෙළා දකින බවත්, වෙනිසියුලාවේ ස්වෛරීත්වය හා ස්වාධීනත්වය වෙනුවෙන් ජ.වි.පෙ. පෙනී සිටින බවත් එම නිවේදනයේ වැඩිදුරටත් සඳහන් වේ.