අද (30) දින පොලිස් මූල්ය අපරාධ කොට්ඨාසය විසින් හිටපු අමාත්ය ජොන්ස්ටන් ප්රනාන්දු මහතාගේ පුත් ජොහාන් ප්රනාන්දු මහතාව අත්අඩංගුවට ගනු ලැබීය. පොලීසිය සඳහන් කරන්නේ, ඉබ්බාගමුව, කුඹුක්වැව ප්රදේශයේදී මෙසේ ඔහු අත්අඩංගුවට ගත් බවයි.
ලංකා සතොස ආයතනයට අයත් ලොරි රථයක් මෙන්ම තවත් වාහන කිහිපයක් සාපරාධී ලෙස අවභාවිත කිරීම ඇතුළු චෝදනා සම්බන්ධයෙන් කෙරෙන විමර්ශනයකට අනුව මෙම අත්අඩංගුවට ගැනීම සිදුවිය. විමර්ශනවලදී අනාවරණය වී ඇත්තේ, මෙම වාහන අවභාවිතය සිදුව ඇත්තේ ජොන්ස්ටන් ප්රනාන්දු මහතා වෙළෙඳ හා සමුපකාර අමාත්යවරයා ලෙස කටයුතු කළ සමයේදී බවයි.
එමෙන්ම, අමාත්ය කාර්ය මණ්ඩලයේ සාමාජිකයකු ලෙස සේවය කරන බව පවසමින් වැටුප් හා දීමනා ලබාගැනීමේදී මුදල් අවභාවිතා කිරීම සම්බන්ධයෙන්ද ජොහාන් ප්රනාන්දු මහතාට චෝදනා එල්ල වී ඇත. අදාළ සිද්ධීන් පිළිබඳව සිදුකළ මූලික විමර්ශනවලදී හෙළි වූ කරුණු මත පදනම්ව මෙම අත්අඩංගුවට ගැනීම සිදුකළ බව පොලිස් මූල්ය අපරාධ කොට්ඨාසය තවදුරටත් සඳහන් කළේය.