බණ්ඩාරනායක ජාත්යන්තර ගුවන්තොටුපොළේ (BIA) පිටවීමේ පර්යන්තය සඳහා නව ස්වයංක්රීය මගී නිෂ්කාශන දොරටු හතරක් සවි කිරීමට අමාත්ය මණ්ඩල අනුමැතිය හිමිවී තිබේ. දේශසීමා පාලනය නවීකරණය කිරීමේ සහ මගීන්ගේ ක්රියාවලි කාර්යක්ෂමතාව ඉහළ නැංවීමේ අඛණ්ඩ ප්රයත්නයන්හි කොටසක් ලෙස මෙම තීරණය ගෙන ඇත.
මීට පෙර පැමිණීමේ පර්යන්තයේදී සාර්ථකව සවි කරන ලද විද්යුත් දොරටු හතරකට පසුව මෙම තීරණයට එළඹ ඇත. ජාත්යන්තර සංක්රමණික සංවිධානය (IOM) සමඟ ඇති කරගත් සහයෝගිතා ගිවිසුමක් යටතේ, ජපාන රජයෙන් ලැබුණු යෙන් මිලියන 1,170ක ප්රදානයක් මඟින් එම දොරටු සවි කිරීම සිදු කෙරිණි.
මෙම ප්රදානය 'අග්නිදිග ආසියානු රටවල දේශසීමා බෝවන රෝග පාලනය සඳහා සූදානම් වීම' (Preparation for Border Infectious Disease Control in Southeast Asian Countries) නම් කලාපීය ව්යාපෘතියේ කොටසක් විය.
නව විද්යුත් දොරටු 2026 වසරේදී ස්ථාපනය කිරීමට නියමිත අතර, මෙමඟින් විදේශගත වන මගීන්ගේ ආගමන කටයුතු සරල කිරීමටත්, දත්තවල නිරවද්යතාව ඉහළ නැංවීමටත්, පිටවීමේ කවුන්ටරවල රැඳී සිටින කාලය අවම කිරීමටත් හැකි වනු ඇතැයි රජය ප්රකාශ කරයි.
මෙම ව්යාපෘතිය, බණ්ඩාරනායක ජාත්යන්තර ගුවන්තොටුපොළ ජාත්යන්තර ගුවන් තොටුපොළ ප්රමිතීන්ට අනුකූල කිරීම සඳහා 2023 වසරේදී ආරම්භ කරන ලද පුළුල් වැඩිදියුණු කිරීමේ වැඩසටහනේ කොටසකි.