පසුගිය දිනවල පැවති අධික වර්ෂා තත්ත්වයත් සමඟ කොත්මලේ ජලාශය සම්බන්ධව රට තුළ පැනනැඟුණු විවිධ මත සම්බන්ධව ජනාධිපති අනුර කුමාර දිසානායක මහතා නුවරඑළිය දිස්ත්රික් සම්බන්ධීකරණ කමිටු රැස්වීමේදී අදාළ නිලධාරීන්ගෙන් කරුණු විමසීය.
කොත්මලේ ජලාශය සම්බන්ධව පසුගිය දිනවල පැවතුණු මත පිළිබඳව මෙහිදී නිලධාරීන් ප්රකාශ කළේ, ඉතිහාසයේ වැඩිම ජල ප්රමාණයක් පසුගිය 27 වැනිදා කොත්මලේ ජලාශයට ලැබුණු බවත්, එම නිසා කොත්මලේ වේල්ල ආරක්ෂා කරගැනීමේ අරමුණින් සාම්ප්රදායික ක්රමයට අනුව විද්යාත්මක ලෙස වාන් දොරටු විවෘත කළ බවයි.
මෙම රැස්වීම ඊයේ (08) නුවරඑළිය දිස්ත්රික් ලේකම් කාර්යාලයේදී පැවති අතර නුවරඑළිය දිස්ත්රික්කය ජල ගැලීම්වලින් යට වීමට හේතුව ම
ෙහිදී ජනාධිපතිවරයා විසින් සොයා බැලීය.
ග්රෙගරි වැව සම්බන්ධ අධීක්ෂණය සහ තාක්ෂණික සේවා වාරිමාර්ග දෙපාර්තමේන්තුවට පවරා ආර්ථික ක්රියාකාරකම් සඳහා නගර සභාව සමඟ ගිවිසුමකට එළැඹෙන ලෙස ද ජනාධිපතිවරයා අදාළ නිලධාරීන්ට මෙහිදී උපදෙස් දුන්නේය.
අනවසර ඉදිකිරීම්, ඇළ මාර්ග පටු වීම සහ ග්රෙගරි වැවේ සොරොව්ව විශාල නොකිරීම එම තත්ත්වයන්ට හේතුවූ බව ද මෙහිදී ජනාධිපතිවරයා නිලධාරීන්ට පෙන්වා දුන්නේය.
මෙම සාකච්ඡාවේදී නුවරඑළිය දිස්ත්රික්කයේ වාරිමාර්ග පද්ධතියට සිදුව ඇති හානිය සහ ප්රතිසංස්කරණ කටයුතු පිළිබඳව ජනාධිපතිවරයා අවධානය යොමු කළේය.
නුවරඑළිය දිස්ත්රික්කයේ කුඹුරු අක්කර 4,700කට හානි සිදුව තිබෙන බව මෙහිදී පෙන්වා දුන් නිලධාරීහු, අක්කර 500ක් හැර සෙසු කුඹුරු මහ කන්නය වගා කළ හැකි බව ද සඳහන් කළහ.
Comments
Post a Comment
Your comment will be visible after approval