වාරිමාර්ග දෙපාර්තමේන්තුව විසින් 2025 නොවැම්බර් 30 වන දින දහවල් 12:30 ට නිකුත් කරන ලද නවතම ජල මට්ටම් වාර්තාවට අනුව දිවයිනේ ප්රධාන ගංගා කිහිපයක ගංවතුර තත්ත්වයන් වාර්තා වී තිබේ. විශේෂයෙන් කැලණි ගඟේ නාගලගම් වීදිය ජල මාපකයේ ජල මට්ටම අඩි 7.45 ක් ලෙස සටහන් වී ඇති අතර, එය මහා ගංවතුර මට්ටම ඉක්මවා යමින් තවදුරටත් ඉහළ යමින් පවතින බව නිරීක්ෂණය වේ.
එසේම හංවැල්ල ප්රදේශයෙන් ද මහා ගංවතුර තත්ත්වයක් වාර්තා වන නමුත් එහි ජල මට්ටම මීටර් 10.75 ක් ලෙස සටහන්ව ක්රමයෙන් පහළ බසින ප්රවණතාවක් පෙන්නුම් කරයි. කැලණි ගඟ අවට පීඩාවට පත් ජනතාවගෙන් කොටසකට මෙම ජල බැස්ම සතුටුදායක ආරංචියකි.ග්ලෙන්කෝස් (අවිස්සාවේල්ල) ප්රදේශයේ ජල මට්ටම මීටර් 17.47 ක් ලෙස සටහන්ව සුළු ගංවතුර තත්ත්වයක් පවතින අතර එය ද පහළ බසිමින් පවතී.
කළු ගඟ ද්රෝණිය සැලකීමේදී පුටුපවුල ප්රදේශයේ ජල මට්ටම මීටර් 4.25 ක් ලෙස වාර්තා වී ඇති අතර, එය සුළු ගංවතුර තත්ත්වයක් දක්වා ඉහළ යමින් පවතින බව වාර්තා වේ. ඇල්ලගාව ප්රදේශයේ සුළු ගංවතුර තත්ත්වයක් පැවතියද ජල මට්ටම පහළ බසින බවත්, රත්නපුර ප්රදේශයේ ජල මට්ටම අවධානම් (Alert) මට්ටමේ පවතින බවත් දත්ත වාර්තා පෙන්වා දෙයි. මීට අමතරව කුඩා ගඟේ කළවැල්ලාව ප්රදේශයෙන් ද සුළු ගංවතුර තත්ත්වයක් වාර්තා වී ඇති නමුත් එම ජල මට්ටම මේ වන විට පහළ බසිමින් පවතී.
යාන් ඔයේ හොරොව්පොතාන ප්රදේශයෙන් ද, මා ඔයේ බඩල්ගම ප්රදේශයෙන් ද, අත්තනගලු ඔයේ දූනමලේ ප්රදේශයෙන් ද සුළු ගංවතුර තත්ත්වයන් වාර්තා වී ඇත. කෙසේ වෙතත් මෙම ස්ථාන සියල්ලෙහිම ජල මට්ටම් මේ වන විට පහළ බසින ආකාරයක් දත්ත වාර්තා අනුව දැකගත හැකි අතර, එම ප්රදේශවල ජල මට්ටම තවදුරටත් පහළ යනු ඇතැයි අපේක්ෂා කෙරේ.
ගිං ගඟ, නිල්වලා ගඟ, වලවේ ගඟ, කිරිඳි ඔය, මැණික් ගඟ සහ කුඹුක්කන් ඔය වැනි සෙසු ප්රධාන ගංගා ද්රෝණිවල ජල මට්ටම් මේ වන විට සාමාන්ය මට්ටමට පත්ව ඇති බව වාරිමාර්ග දෙපාර්තමේන්තුව සඳහන් කරයි. මහවැලි ගඟ ඇතුළු අනෙකුත් ප්රධාන ජල මූලාශ්ර ආශ්රිතව ද මෙම වාර්තාව නිකුත් කරන අවස්ථාව වන විට සැලකිය යුතු ගංවතුර අවදානමක් හෝ අසාමාන්ය ජල මට්ටම් ඉහළ යාමක් වාර්තා වී නොමැත.
විශාලනය කළ වගු සටහක මෙතැනින් click here
Comments
Post a Comment
Your comment will be visible after approval