දිවයින පුරා දැනට පවතින අයහපත් කාලගුණික තත්ත්වය සැලකිල්ලට ගනිමින්, අත්යවශ්ය සේවා හැර අනෙකුත් සියලුම රාජ්ය ආයතන සඳහා හෙට (28) දිනය විශේෂ නිවාඩු දිනයක් ලෙස ප්රකාශයට පත් කිරීමට රජය තීරණය කර තිබේ. අධික වර්ෂාව සහ ආපදා තත්ත්වයන් හේතුවෙන් රාජ්ය සේවකයින්ට සහ මහජනතාවට සිදුවිය හැකි අපහසුතා මගහැරීම මෙම තීරණයේ අරමුණ වී ඇත.
මෙම නිවේදනය නිකුත් කරමින් රාජ්ය පරිපාලන අමාත්යාංශය සඳහන් කර සිටියේ, හෙට දිනය විශේෂ නිවාඩු දිනයක් ලෙස සැලකුවද, සෞඛ්ය, ආරක්ෂක, විදුලිබල සහ ප්රවාහන වැනි අත්යවශ්ය මහජන සේවාවන් පවත්වාගෙන යන ආයතන සඳහා මෙම නිවාඩුව අදාළ නොවන බවයි. එබැවින් අත්යවශ්ය සේවාවල නිරත රාජ්ය නිලධාරීන් සාමාන්ය පරිදි රාජකාරි සඳහා වාර්තා කළ යුතු බව එම අමාත්යාංශය වැඩිදුරටත් අවධාරණය කරයි.
එමෙන්ම, පවතින අයහපත් කාලගුණය හමුවේ පාසල් දරුවන්ගේ ආරක්ෂාව තහවුරු කිරීම සඳහා ද රජය විශේෂ අවධානයක් යොමු කර තිබේ. ඒ අනුව, දිවයිනේ ක්රියාත්මක ජාත්යන්තර පාසල් ද හෙට දිනයේ වසා තැබීමට පියවර ගන්නා ලෙස එම පාසල්වල පාලන අධිකාරීන් වෙත මේ වන විටත් උපදෙස් ලබා දී ඇත.
අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ ලේකම් නාලක කලුවැව මහතා සඳහන් කළේ, වර්තමාන කාලගුණික අවදානම සලකා බලා දරුවන්ගේ ආරක්ෂාව වෙනුවෙන් මෙම තීරණය ගත් බවත්, අදාළ උපදෙස් පිළිපදින ලෙස සියලු ජාත්යන්තර පාසල් බලධාරීන්ගෙන් ඉල්ලා සිටින බවත්ය.
නිවේදන දෙකම පහතින්
Comments
Post a Comment
Your comment will be visible after approval