ලංකා රාජ්ය ක්ලවුඩ් (LGC) මත පදනම්ව ක්රියාත්මක වන රජයේ ඔන්ලයින් සේවා කිහිපයක් තාක්ෂණික දෝෂයක් හේතුවෙන් තාවකාලිකව අඩපණ වී ඇති බව තොරතුරු හා සන්නිවේදන තාක්ෂණ නියෝජිතායතනය (ICTA) සඳුදා දින ප්රකාශ කළේය.
මෙම දෝෂය හේතුවෙන් රෙජිස්ට්රාර් ජනරාල් දෙපාර්තමේන්තුවේ උප්පැන්න, විවාහ සහ මරණ සහතික පද්ධතිය, (බස්නාහිර පළාත හැර) පළාත් මෝටර් රථ ප්රවාහන දෙපාර්තමේන්තු වල ඊ-ආදායම් බලපත්ර පද්ධතිය (eRL 2.0) සහ පොලිස් නිෂ්කාශන පද්ධතිය ඇතුළු සේවාවන් ගණනාවකට බාධා එල්ල වී තිබේ.
තවද, වාණිජ දෙපාර්තමේන්තුවේ සම්භවය පිළිබඳ සහතික නිකුත් කිරීමේ පද්ධතිය, විශ්රාම වැටුප් දෙපාර්තමේන්තුවේ විශ්රාම වැටුප් පද්ධතිය මෙන්ම කාලගුණ විද්යා දෙපාර්තමේන්තුව, සමාගම් රෙජිස්ට්රාර් දෙපාර්තමේන්තුව සහ ශ්රී ලංකා ගිණුම්කරණ හා විගණන ප්රමිති මණ්ඩලයේ වෙබ් අඩවි සහ සේවාවන්ද අක්රීය වී ඇති බව වාර්තා වේ.
අදාළ ක්ලවුඩ් සේවාවන් හැකි ඉක්මනින් යථා තත්ත්වයට පත් කිරීමට ඉංජිනේරුවන් සහ සේවා සපයන්නන් කටයුතු කරමින් සිටින බව තොරතුරු හා සන්නිවේදන තාක්ෂණ නියෝජිතායතනය පවසයි. මෙම තත්ත්වය යටතේ, සහතික පිටපත් අදාළ ප්රාදේශීය ලේකම් කාර්යාලයෙන් සාමාන්ය ක්රමය ඔස්සේ (මැනුවල්) ලබා ගත හැකි බව රෙජිස්ට්රාර් ජනරාල් දෙපාර්තමේන්තුව මහජනතාවට දැනුම් දී ඇත.
ලංකා රාජ්ය ක්ලවුඩ් සේවාවන් යළි ස්ථාපිත කිරීම ඉහළ ප්රමුඛතාවයක් ලෙස සලකා කටයුතු කරන අතර, 2025 ඔක්තෝම්බර් මාසයේදී ආරම්භ වූ LGC හි වර්තමාන පුළුල් කිරීමේ අදියරත් සමඟ මෙවැනි මෙහෙයුම් ගැටලු අවම වනු ඇතැයි අපේක්ෂා කරන බවද ICTA ආයතනය සඳහන් කරයි.
LGC මත පදනම් වූ පද්ධති භාවිත කරන මහජනතාවට සහ ආයතනවලට සිදු වූ මෙම අපහසුතාවය පිළිබඳව තොරතුරු හා සන්නිවේදන තාක්ෂණ නියෝජිතායතනය සිය කනගාටුව පළ කර ඇති අතර, සේවාවන් නැවත පූර්ණ ධාරිතාවයෙන් යථා තත්ත්වයට පත් කිරීමට සියලු උත්සාහයන් දරන බවට සහතික වෙයි.
Comments
Post a Comment
Your comment will be visible after approval