පාසල් දිනවලදී උදෑසන 6:30 සිට 7:45 දක්වා සහ දහවල් 11:30 සිට පස්වරු 2:30 දක්වා ඛනිජ ද්රව්ය (වැලි, පස් ආදිය) ප්රවාහනය තහනම් කරමින් පැනවූ නියමය සංශෝධනය කර තිබේ.
ඉදිකිරීම් ක්ෂේත්රයේ නියුතු පාර්ශ්වයන්ගෙන් ලද දැඩි ඉල්ලීම් සලකා බලා මෙම සංශෝධිත තීරණය ගත් බවට මහජන දැන්වීමක් මගින් දැනුම් දී ඇත. විශේෂයෙන් දහවල් කාලයේ පැනවූ ප්රවාහන සීමාවන් ඉදිකිරීම් කටයුතුවලට දැඩි ලෙස බලපෑම් එල්ල කරන බවට එම පාර්ශ්ව පෙන්වා දී ඇති අතර, ඔවුන් මුහුණ දෙන දුෂ්කරතා ලිහිල් කිරීම මෙම සංශෝධනයේ අරමුණයි.
ඒ අනුව, ඉහත නිශ්චිත කාල සීමාවන් තුළ පාසල් සහ සිසුන් ගමන් කරන ස්ථාන ආසන්නයේ ඛනිජ ද්රව්ය ප්රවාහනය, එම රථ සඳහා වේග සීමා පනවමින් දැඩි පොලිස් අධීක්ෂණය යටතේ සිදු කළ යුතු වේ.
ඛනිජ ද්රව්ය ප්රවාහනය කරන රථ නොසැලකිලිමත් ලෙස ධාවනය කිරීම හේතුවෙන් පාසල් ප්රවාහන රථ අනතුරට ලක්වීම ඉහළ යාමේ ප්රවණතාවක් නිරීක්ෂණය වී තිබුණි. එහි ප්රතිඵලයක් ලෙස, සැප්තැම්බර් 04 වන දා සිට උදෑසන 6:30 - 7:45 සහ දහවල් 11:30 - පස්වරු 2:30 අතරතුර එවැනි ප්රවාහන කටයුතු අත්හිටුවීමට මීට පෙර පියවර ගෙන තිබිණි.
එබැවින්, ඊයේ (17) දින සිට පාසල් දිනවලදී උදෑසන 6:30 - 7:45 සහ දහවල් 11:30 - පස්වරු 2:30 යන කාල පරාසයන් තුළ ඛනිජ ද්රව්ය ප්රවාහනය කිරීම ඉහත සංශෝධිත කොන්දේසිවලට අනුකූලව සිදු කළ යුතුය.
Comments
Post a Comment
Your comment will be visible after approval