බදුල්ලේ ප්රසිද්ධ පිරිමි පාසලක බාල වයස්කාර සිසුවකුට මත්පැන් පොවා ලිංගික අපයෝජනයක් සිදු කළ බවට චෝදනා මත අත්අඩංගුවට ගත් දහම් පාසල් ගුරුවරයකු සහ සමථ මණ්ඩල සභාපතිවරයකු රුපියල් ලක්ෂ පහ බැගින් වූ ශරීර ඇප දෙකක් මත මුදා හැරීමට බදුල්ල මහේස්ත්රාත් අධිකරණය නියෝග කර ඇත.
පොලිස් ළමා හා කාන්තා කාර්යාංශයේ හදිසි දුරකථන අංකයට ලැබුණු තොරතුරක් මත සිදු කළ විමර්ශනවලදී මෙම පුද්ගලයා අත්අඩංගුවට ගෙන තිබුණි. ඔහුට එරෙහිව බාල වයස්කාර දරුවකුට මත්පැන් පොවා අපහරණය කිරීමට තැත් කිරීම, ලිංගික අපයෝජනය සහ පහරදීමක් සඳහා සිසුන් පිරිසක් යෙදවීම යන චෝදනා එල්ල වී ඇත.
පොලිස් විමර්ශනවලදී අනාවරණය වී ඇත්තේ, සැකකරුගේ කීමට අනුව සිසුන් පිරිසක් මෙම දරුවාට පහර දී ඇති බවයි. එසේම, මෙම හිංසනය සම්බන්ධයෙන් දරුවා විසින් තම විද්යාලයේ විදුහල්පතිට සහ විනයභාර ගුරුවරයාට දැනුම් දී ඇති බවද පොලිස් පරීක්ෂණවලින් තහවුරු වී තිබේ. මෙම සැකකරු ප්රදේශයේ ප්රසිද්ධ දහම් පාසලක ගුරුවරයකු ලෙස මෙන්ම බදුල්ල සමථ මණ්ඩලයේ සභාපතිවරයා ලෙසද කටයුතු කරන බව පොලීසිය පවසයි. මෙම නඩුවේ මීළඟ නඩු වාරය 2026 ජනවාරි 16 වනදාට නියමිතය.
Comments
Post a Comment
Your comment will be visible after approval