තංගල්ල, සීනිමෝදර ප්රදේශයේ නිවසක් තුළ තරුණයන් තිදෙනෙකු මියයාමේ සිද්ධියට හේතුව අධික ලෙස බියර් සහ හෙරොයින් මත්ද්රව්ය ශරීරගත වීම බව පශ්චාත් මරණ පරීක්ෂණයේදී තහවුරු වී තිබේ.
තංගල්ල මූලික රෝහලේ අධිකරණ වෛද්ය නිලධාරී රුවන් නානායක්කාර මහතා විසින් සිදුකළ මරණ පරීක්ෂණයෙන් අනතුරුව මෙම කරුණු හෙළිදරව් වී ඇත.
ඊයේ (22) දිනයේදී අදාළ නිවස තුළ තිබී තරුණයන් දෙදෙනෙකුගේ මළ සිරුරු සොයාගෙන තිබූ අතර, එම ස්ථානයේ සිටි තවත් අයෙකු රෝහල් ගත කිරීමෙන් පසු මියගොස් තිබිණි.
මේ අතර තංගල්ල සීනිමෝදර ප්රදේශයේ දී හෙරොයින් හා අයිස් මත්ද්රව්යය සඟවා තිබියදී අත්අඩංගුවට ගත් අංක LP 3307 අංකය සහිත ලොරි රථයේ හිමිකරුව එළැඹෙන 29 වනදා දක්වා රඳවා තබාගෙන ප්රශ්න කිරීමට ගල්කිස්ස මහෙස්ත්රාත් පසන් අමරසේන මහතා ගල්කිස්ස පොලීසියට නියෝග කර තිබේ.
සැකකරු වලව්වත්ත, ශ්රී ධර්මාරාම පාර රත්මලාන ලිපිනයේ පදිංචිව සිට ඇත.
අංක 43, කොටඹගහවතුගොඩ, සීනිමෝදර නැගෙනහිර, තංගල්ල ලිපිනය සහිත නිවසේ පුද්ගල මළසිරුරු දෙකක් හමු වු නිවස ආසන්නයේ තිබී මද්රව්ය සඟවා තිබූ මෙම ලොරි රථය පොලීසිය විසින් ඊයේ (22) සොයාගනු ලැබීය.
ඒ අනුව, පොලිස් විශේෂ කාර්ය බලකා නිලාධාරීන් විසින් එම ලොරි රථයේ හිමිකරු වන මෙම පුද්ගලයාව හෙරොයින් මත්ද්රව්ය ග්රෑම් 11යි මිලිග්රෑම් 140ක් සමග අත්අඩංගුවට ගෙන ගල්කිස්ස පොලිස්ථානය වෙත ඉදිරිපත් කර අද (23) සැකකරුව ගල්කිස්ස මහෙස්ත්රාත් අධිකරණයට ඉදිරිපත් කර ඇති අතර එහිදී මෙම නියෝගය ලබා දී ඇත.
Comments
Post a Comment
Your comment will be visible after approval