විවාදාපන්න විදුලි බල සංශෝධන පනත් කෙටුම්පතෙහි අන්තර්ගත ඇතැම් වගන්ති ශ්රී ලංකා ආණ්ඩුක්රම ව්යවස්ථාවට පටහැනි බවට ශ්රේෂ්ඨාධිකරණය විසින් නිර්ණය කර තිබේ. එම ශ්රේෂ්ඨාධිකරණ තීන්දුව නියෝජ්ය කථානායකවරයා විසින් ඊයේ (30) දිනයේදී පාර්ලිමේන්තුව වෙත නිල වශයෙන් ඉදිරිපත් කරන ලදී.
ශ්රේෂ්ඨාධිකරණ නිවේදනයට අනුව, ආණ්ඩුක්රම ව්යවස්ථාව උල්ලංඝනය වන එම වගන්ති ඒ ආකාරයෙන්ම නීතියක් බවට පත් කිරීමට නම්, පාර්ලිමේන්තුවේ විශේෂ බහුතර ඡන්දයකින් මෙන්ම ජනමත විචාරණයකින්ද එය අනුමත විය යුතු බව අවධාරණය කර ඇත.
කෙසේ වෙතත්, ශ්රේෂ්ඨාධිකරණය විසින් සිය තීන්දුව මගින් පෙන්වා දී ඇති නිර්දේශයන්ට අනුකූල වන පරිදි රජය විසින් එම මතභේදාත්මක වගන්ති සංශෝධනය කරන්නේ නම්, විශේෂ බහුතරයක හෝ ජනමත විචාරණයක අවශ්යතාවකින් තොරව පනත් කෙටුම්පත සම්මත කරගත හැකි බවද එම අධිකරණ තීන්දුවේම සඳහන් වන බව නියෝජ්ය කථානායකවරයා පාර්ලිමේන්තුවේදී පැහැදිලි කළේය.
Comments
Post a Comment
Your comment will be visible after approval