පිටකොටුව - හොරණ 120 බස් වර්ජනයක්

 පිටකොටුව සිට මිල්ලෑව දක්වා  නව මාර්ග බලපත්‍රයක් ලබාදීමට විරෝධය පළ කරමින් පිටකොටුව කැස්බෑව හා පිටකොටුව හොරණ 120 මාර්ගයේ ධාවනය වන පෞද්ගලික බස් රථ අද  (25) උදෑසන සිට ධාවනයෙන් ඉවත්ව වර්ජනයක නිරත වී ඇති බව කැස්බෑව පොලිසිය පවසයි.

මේ හේතුවෙන් හොරණ කොළඹ 120 බස් මාර්ගය හරහා උදෑසන රාජකාරී සඳහා යන ජනතාව දැඩි දුෂ්කරතාවයට පත්වූහ. කැස්බෑව පිටකොටුව මාර්ග බලපත්‍රලාභියකුට  උදෑසන 06.10 බස් රථ හිමියා පදිංචි හොරණ මිල්ලෑව සිට කොළඹ දක්වා ධාවනය කිරීමටත් පස්වරු 05.35 ට කොළඹ පිටකොටුව සිට මිල්ලෑව දක්වා ගමන් කිරීමටත් 2025.06.24 දින සිට 2025.07.08 දින දක්වා සති දෙකක කාලයක් සඳහා අත් හදා බැලීමේ පදනම මත අතුරු මාර්ග බලපත්‍රරයක් ලබාදීම මෙම වර්ජනයට හේතුව බව බස් රථ හිමියෝ පවසති.