සමගි ජන බලවේගයේ පාර්ලිමේන්තු මන්ත්රී ජගත් විතාන මහතා අලුත්වැඩියා කරන පළමු බස් රථ 10ක් මාස 10ක් ඇතුළත ධාවනයට එක් කරන බවත්, ලංකා ගමනාගමන මණ්ඩලය (CTB) ලාභ ලබන ව්යාපාරයක් බවට පත් කරන බවත් ප්රකාශ කර සිටියේය.
ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක මහතා විසින් ලංකා ගමනාගමන මණ්ඩලය භාර ගෙන එය දියුණු කිරීම සඳහා කරන ලද ආරාධනය පිළිබඳව විමසීමේදී සජබ පාර්ලිමේන්තු මන්ත්රීවරයා මෙම ප්රකාශය කළේය.
විතාන මහතා වැඩිදුරටත් පැවසුවේ ප්රවාහන අමාත්යවරයා විසින් නිල වශයෙන් ලිඛිත ආරාධනාවක් ලබා දෙනු ඇති බවත්, ඒ අනුව ලංකා ගමනාගමන මණ්ඩලයට සම්බන්ධ වී අවශ්ය වැඩකටයුතු රට වෙනුවෙන් ක්රියාත්මක කරන බවත්ය.
මන්ත්රීවරයා අනාවරණය කළේ තම ආයතනයේ බස් කර්මාන්තයට සම්බන්ධ ඉංජිනේරුවන් හා විශේෂඥ දැනුම ඇති වෘත්තිකයන් 50ක් පමණ සේවය කරන බවත්, මෙම කණ්ඩායම සමඟ මතුගම ඩිපෝවෙන් වැඩ ආරම්භ කරන බවත්ය.
ඔහු ප්රකාශ කළේ මෙම වැඩපිළිවෙළ යටතේ කළුතර දිස්ත්රික්කයේ ලංකා ගමනාගමන මණ්ඩලයේ බස් සේවය සහ කර්මාන්තය මාස 6ක් ඇතුළත ගොඩනැගීමට හැකි වනු ඇති බවයි. තවද, පුහුණු කාර්මිකයින්, ඉංජිනේරුවන් සහ රජයෙන් අවශ්ය සහයෝගය හා පහසුකම් ලැබුණහොත් මුළු ලංකා ගමනාගමන මණ්ඩලයම ලාභ ලබන තත්ත්වයට ගෙන ඒමට හැකි බව ඔහු අවධාරණය කළේය.
ජගත් විතාන මහතා තවදුරටත් පැවසුවේ, "බස් රථවලට අමතර කොටස් නොමැති බවත්, සර්විස් කිරීමට හැකියාවක් නොමැති බවත් මම දනිමි. එමෙන්ම සේවක අතිරික්තයක් ද තිබෙනවා. මම මගේ ආයතනයේ කාර්ය මණ්ඩලය නොමිලේ ලබා දෙනවා. මාසයක් ඇතුළත දැනට ඉවත් කර ඇති බස් රථ 10ක් හෝ මුලින්ම අලුත්වැඩියා කර ධාවනයට එක් කිරීමට හැකි වනු ඇති" බවයි.
ඔහු වැඩිදුරටත් පෙන්වා දුන්නේ අමතර කොටස් සඳහා ඩුප්ලිකේට (අනුකරණ) නොව සැබෑ (ඔරිජිනල්) කොටස් භාවිතා කළ යුතු බවත්, එවැනි මුල් කොටස් සඳහා සියයට 30ක පමණ වට්ටමක් ලැබෙන බවත්ය. "දැන් සීටීබී එකේ ඒ වට්ටම කාට ලැබෙනවාද යන්න සොයා බැලීමට අවශ්යයි. ටයර්වලින් සියයට 30ක්, අමතර කොටස්වලින් සියයට 30-35ක්, බ්රේක් ලයිනර්වලින් සියයට 30ක් වට්ටම් ලැබෙනවා. මෙම වට්ටම් කාගේ හෝ අතට යන බව මම දනිමි. එය නැවැත්විය යුතුයි" යනුවෙන් ඔහු පැවසීය.
මන්ත්රීවරයා අවසානයේ සඳහන් කළේ, "මම බස් ක්ෂේත්රයේ මගේ බස්වලින් ලාභය උපයන්නේ ප්රවේශ පත්රවලින් පමණක් නොවේ. පාඩුව අඩු කරලා ඉදිරියට යනවා. පසුගිය කාලයේ සිදුවූ දේවල් ගැන සොයා බැලීමට මට අවශ්ය නැහැ. ඒවා සොයා බැලීම රජයේ වගකීමක්. පාර්ලිමේන්තුවේ පක්ෂ විපක්ෂ ලෙස තර්ක ඉදිරිපත් කර ඉලක්කම් පෙන්වා වාක්ය ව්යාකරණ ගැන කතා කරමින් අනවශ්ය වාද විවාදවල යෙදීමට වඩා, සැබෑ වෙනසක් ඇති කිරීමට විපක්ෂයේ සිටින දක්ෂයින් සමඟ අපි වැඩ කරනවා. මම එය ප්රමුඛතම කාර්යය ලෙස පෙන්වා දෙනවා" යනුවෙනි.
