විහාරස්ථානවල සවිකර තිබෙන දොළොස්මහේ පහන් සොරා ගන්නා පුද්ගලයකු එලෙස සොරාගත් පිත්තල පහන් හතරක් සමඟින් අත්අඩංගුවට ගත් බව අතුරුගිරිය පොලිසිය පවසයි. මෙලෙස අත්අඩංගුවට ගෙන ඇත්තේ රන්න, වාඩිගල වලව් මහත්තයා පාර ප්රදේශයේ පදිංචිකරුවකු වන 34 හැවිරිදි කම්කරුවෙකි.
මෙම සැකකරු රාත්රී කාලයේදී මෙලෙස විහාරස්ථානවල තිබෙන දොළොස්මහේ පහන් ගලවාගෙන ගොස් ඇති බවට අනාවරණය වී ඇත. පනාගොඩ ප්රදේශයේ විහාරස්ථානයක දොළොස්මහේ පහනක් සොරා ගැනීමේ සිද්ධියක් සම්බන්ධයෙන් අදාළ විහාරස්ථානය ආසන්නයේ සවිකර තිබූ ආරක්ෂිත කැමරා පරීක්ෂා කිරීමේදී සැකකරු පිළිබඳව තොරතුරු අනාවරණය කර ගැනීමට හැකි වූ බවද පොලිසිය සඳහන් කරයි.
මෙම සැකකරු විසින් හෝමාගම - පනාගොඩ, කොට්ටාව - රුක්මලේ, හෝමාගම - මාකුඹුර සහ පිළියන්දල - පිංකෙත ප්රදේශවල විහාරස්ථානවල සවිකර තිබූ දොළොස්මහේ පහන් සොරාගෙන ගොස් විකුණූ බවට අනාවරණය වූ බවත්, එලෙස විකුණා තිබූ පිත්තල පහන් සොයා ගැනීමට කටයුතු කළ බවත් පොලිසිය කියයි.
සොරාගත් පිත්තල පහන්වල වටිනාකම රුපියල් ලක්ෂ හතරකට ආසන්න වී ඇත. අත්අඩංගුවට ගත් සැකකරු අධිකරණය වෙත ඉදිරිපත් කිරීමට නියමිතය.
අතුරුගිරිය පොලිසියේ ස්ථානාධිපති, ප්රධාන පොලිස් පරීක්ෂක සාරධ ප්රනාන්දු මහතාගේ උපදෙස් පරිදි අපරාධ විමර්ශන ඒකකයේ ස්ථානාධිපති, පොලිස් පරීක්ෂක අසංක ප්රේමලාල්, පොලිස් සැරයන්වරුන් වන (36709) සුකුමාරන්, (38307) ජයසුන්දර, පොලිස් කොස්තාපල්වරුන් වන (84898) හර්ෂ, (928) සුසන්ත යන නිලධාරීන් විසින් පරීක්ෂණ පවත්වනු ලැබීය.
(මීගොඩ - බී.කේ. කත්රිආරච්චි)
