බැල්ටිමෝර් පාලම කැඩෙද්දී පිකප් එකේ ගිය දෙන්නාගේ සිරුරු හමුවේ

කොළඹ බලා එමින් සිටි නැවක් හැපී ඇමරිකාවේ බැල්ටිමෝර් පාලම කඩා වැටීමට ආසන්න අවස්ථාවේ පාලමේ ගමන් කරමින් තිබූ වාහනවල අය ගිලී මියගිය බව වාර්තාවී තිබුණි.
ෆ්‍රැන්සිස් ස්කොට් කී පාලම කඩාවැටුණු ස්ථානයෙන් බදාදා උදෑසන රතු පිකප් ට්‍රක් රථයක තිබී පුද්ගලයින් දෙදෙනෙකුගේ සිරුරු සොයා ගන්නා ලදී.
මේරිලන්ඩ් ප්‍රාන්ත පොලිසියේ කර්නල් රෝලන්ඩ් බට්ලර් පැවසුවේ කිමිදුම්කරුවන් දෙදෙනෙකු බේරාගත් මෙම සිරුරු 35 හැවිරිදි Alejandro Hernandez Fuentes සහ 26 හැවිරිදි Dorlian Ronial Castillo Cabrera ලෙස හඳුනාගෙන ඇති අතර අඩි 25 ක් පමණ ජලයේ මැද පරතරයේ තිබී හමුවූ බවයි.

කඩා වැටීමෙන් පසු මියගිය බවට අනුමාන කරන අතුරුදහන් වූවන් සෙවීමේ කටයුතු බදාදා උදෑසන නැවත ආරම්භ කර තිබූ අතරදී මොවුන් හමුවිය.

සිද්ධියෙන් තවත් හතර දෙනෙක් මිය ගිය බව අනුමාන කර තිබේ.
අඟහරුවාදා කඩා වැටීමෙන් ටික වේලාවකට පසු පුද්ගලයින් දෙදෙනෙකු ජලයෙන් බේරාගෙන ඇත. බේරාගත් එක් සේවකයෙකුට තුවාල සිදුවී නොමැති අතර අනෙක් පුද්ගලයා මේරිලන්ඩ් විශ්ව විද්‍යාලයේ වෛද්‍ය මධ්‍යස්ථානයේ ප්‍රතිකාර ලබා පිටව ගොස් ඇත.
පාලම කඩා වැටෙන අවස්ථාවේ වළවල් පිරවීමේ වැඩ කරමින් සිටි හය දෙනාම අනතුරට හසුවිය.
ලාභ නොලබන සංවිධානයක් වන CASA අතුරුදහන් වූ එක් සේවකයෙකු ලෙස හඳුනාගෙන ඇත්තේ තිදරු පියෙකු වූ එල් සැල්වදෝරයේ මිගෙල් ලූනා ය.
අනුව අතුරුදහන් වූ පුද්ගලයින්ගෙන් දෙදෙනෙකු ග්වාතමාලාවේ සිට පැමිණි බව ග්වාතමාලා විදේශ කටයුතු අමාත්‍යාංශය තහවුරු කළේය .

MDTA ට අනුව, පාලම 1977 දී ඉදිකරන ලදී. සැතපුම් 1.6 ක දුරක් දිග එය දිනකට පුද්ගලයින් 31,000 ක් පමණ භාවිතා කළ අතර වාර්ෂිකව වාහන මිලියන 11.5 ක් රැගෙන ගියේය.