අත් ඔරලෝසුවක බැඳ ඉතා සූක්ෂමව මත්කුඩු ප්‍රවාහනය කිරීමට පුරුදුව සිටි පුද්ගලයකු අත්අඩංගුවට ගත් බව මොරගහහේන පොලිසිය කියයි.මෙසේ අත්අඩංගුවට ගෙන ඇත්තේ පන්නිපිටිය ප්‍රදේශයේ පදිංචි 33 හැවිරිදි අයෙකි. ඔහු ගණිකා නිවාසයක කළමනාකරුවකු බව පොලිසිය කියයි.මෙම පුද්ගලයා ගෝනපොළ ඔලුබොඩුව ප්‍රදේශයේ දී අත්අඩංගුවට ගෙන සිදු කළ පරීක්ෂාවේදී මත්කුඩු ප්‍රවාහනය කරන නවතම ක්‍රමයක් අනාවරණය කර ගැනීමට පොලිසියට හැකි වූ බව පැවැසේ.
සැකකරු හෙරොයින් මත්කුඩු පැකට් ප්‍රවාහනය කරන බවට මොරගහහේන්න පොලිසියේ ස්ථානාධිපති ප්‍රධාන පොලිස් පරීක්ෂක තුසිත වික්‍රමරත්න මහතාට ලද තොරතුරකට අනුව සැකකරු අත්අඩංගුවට ගෙන පරීක්ෂා කළද මත්කුඩු පැකට් සොයා ගැනීමට නොහැකි වූ බැවින් ඇති වූ සැකයක් මත පැළඳ සිටි අඔරලෝසුවේ පිටුපස කවරය ගලවා පරික්ෂා කිරිමේදී ඒ තුළ මත්කුඩු පැකට් තුනක් ඉතා සූක්ෂම ලෙස අසුරා තිබියදී සොයා ගැනීමට හැකි වූ බව පොලිසිය කියයි.
අත්අඩංගුවට ගත් සැකකරු කලක සිට මෙසේ මත්කුඩු ප්‍රවාහනය කළ බවට තොරතුරු අනාවරණය වී ඇති අතර ඒ සඳහා ආධාර අනුබල දුන් පුද්ගලයින් සොයා වෙනම විමර්ශනයක් ක්‍රියාත්මක බව පොලිසිය කියයි. අත්අඩංගුවට ගත් සැකකරු හොරණ අධිකරණයට ඉදිරිපත් කිරීමට නියමිතය. සිද්ධිය සම්බන්ධයෙන් මොරගහහේන පොලිසියේ ස්ථානාධිපති ප්‍රධාන පොලිස් පරීක්ෂක තුසිත වික්‍රමරත්න මහතාගේ උපදෙස් මත පරික්ෂක පවත්වයි.
ශාන්ත ප්‍රදීප් කුමාර කුලරත්න
0 Comments